Isaías 32:2 - DIOSPA QHELQACHISQ

² Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Qheshwa Biblia DC

² Chay sapa ujninku kanqanku wayramanta pakakunapaj jina, llojlla para wayramanta pakakunapaj; ch'aki jallp'api qarpanapaj larq'as jina; ch'in pampapi jatun chhankaj llanthun jina.

DIOSPA QHELQACHISQAN DEUTEROCANONICAL

² Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 32:2 ပူးပေါင်းရင်းမြစ်များ

Salmos 143:9

Tata Dios, awqaykunamanta kacharichiway, imajtinchus qanmin pakakunay kanki.

Salmos 32:7

Qanmin pakakunay kanki. Mana allin kajmanta jark'akuwanki, kacharichiwaspataj, kusiy takiykunawan muyuykuwanki.

Salmos 63:1

1 (2) Diosníy, qanmin Diosniy kanki. Noqataj imata jina qanta mask'ayki, imaraykuchus tukuy sonqo qanpa ñawpaqeykipi karikuyta munani, imaynatachus ch'aki jallp'a yakuta munan, ajinata.

Salmos 91:1

Patapi Kaj Diospa waqaychayninpi kawsakojqa Tukuy Atiyniyoj Diospa llanthuykusqan kawsakonqa.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 16:3

Moabmanta runakuna Sionta kamachejkunata ninku: Awqaykukunamanta pakanawaykupaj wakichikuychej, waqaychanawaykupajtaj parlarinakuychej. Chawpi p'unchaypi llanthuykichejwan pakaykuwayku ari ch'isipis kanman jina. Waj suyukunaman apasqa kajkunata pakaykuy ari, amataj ayqekojkunata makinkuman jaywaykuwaykuchu.

Isaías 25:4

Wajchakunapajrí qan pakakunanku kanki, llakisqa pisichikojpaj jark'akojnintaj. Jinallataj para wayramanta waqaychaj kanki, ruphaymanta llanthojtaj. Ajina kanki, imaraykuchus mana khuyakuyniyojkunaj ruwasqanku rijch'akun, chiri tiempopi loco para imaynatachus perqata wajtan, ajinaman.

Isaías 28:17

Justiciataqa plomadata jina churasaj, cheqan kajtataj hilota jina churasaj, nispa. Chantá llullakuypi pakakunaykichejta chijchi para chinkachenqa, ch'awkiyaypi pakakunaykichej cheqatapis yaku apakaponqa.

Isaías 41:18

Manachayqa ch'aki orqokunapi mayuta rikhurichisaj, vallekunapitaj yaku juturikunata. Ch'innejkunapi yaku qochakunata rikhurichisaj, ch'aki jallp'akunapitaj yakuta phullchichimullasajtaj.

Isaías 43:19

Kunan noqa uj mosoj imata ruwasaj, chaytaj rikhurishanña. Manachu chayta qankuna reparashankichejri? Ch'innejpi watej uj ñanta kicharisaj, mayukunatataj ch'aki pampakunapi rikhurichisaj.

Isaías 43:20

Chantá tukuy k'ita animalkunawan, k'ita alqokunawan, surikunawan ima jatunchawanqanku, imaraykuchus ch'aki jallp'api yakuta rikhurichisaj, ch'innejpitaj yaku mayukunata puririchisaj, ajllakusqay ayllu yakuta ujyanankupaj.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 33:14

Tata Dios nillantaj: Uj p'unchay jamonqa, chay p'unchaypitaj, imatachus Israelman, Judaman ima qonayta nerqani, chayta noqa junt'asaj.

Lamentaciones 4:20

Tata Diospa ajllakusqan kuraj kamachej, pichus noqaykuta kallpachawajniyku preso urman, pimantachus noqayku nej kayku: Tukuy suyoj chawpinkupi paypa llanthullanpi kawsasunchej, nispa, chay.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

San Juan 7:37

Chay raymi tukukuy jatun p'unchaypi Jesús sayariytawan, jatunmanta parlaspa, nerqa: Tukuy pichus yakumanta ch'akichikojqa noqaman jamuchun, noqataj ujyananpaj yakuta qosaj.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Apocalipsis 22:1

Chay qhepata angelqa kawsaj yakuyoj ch'uwa mayuta rikuchiwarqa, cristal jina lliphipejta, mayqenchus Diospa kamachina tiyananmanta, chantá Corderojmantawan llojsimusharqa, chayta.