Isaías 3:9 - DIOSPA QHELQACHISQ

⁹ Paykunaj uyallankutaj imaynachus kasqankuta willashan. Sodomamanta runakuna jina, mana manchachikuspa tukuypa rikunanta juchallinku. Imachus paykunamanta kanqapis, paykunallataj jasut'ita mask'akunku.

Qheshwa Biblia DC

⁹ Paykunaj uyallankutaj willashan imaynachus kasqankuta. Sodoma runas jina, mana pakarispa juchasninkutaqa tukuyman willanku. Imachus paykunamantaqa kanqapis, paykunallataj jasut'ita wakichikunku.

DIOSPA QHELQACHISQAN DEUTEROCANONICAL

⁹ Paykunaj uyallankutaj imaynachus kasqankuta willashan. Sodomamanta runakuna jina, mana manchachikuspa tukuypa rikunanta juchallinku. Imachus paykunamanta kanqapis, paykunallataj jasut'ita mask'akunku.

Isaías 3:9 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 19:34

Q'ayantintaj kuraj kajqa sullk'anta nerqa: Ch'isi tatanchejwan puñuykorqani. Kunan ch'isitawan tatanchejta machaykuchinallataj, chantá qanñataj paywan puñuykunki, ajinamanta iskayninchej wawayoj kananchejpaj, nispa.

Génesis 4:5

Caintarí, jinallataj imatachus jaywasqantapis Dios mana sonqo junt'asqachu qhawarqa. Chayrayku Cainqa maytapuni phiñakorqa, uyanpis uj jinayarqa.

2 Reyes 9:30

Chaymantataj Jehuqa Jezrelman rerqa. Jezabeltaj chayta yachaytawan, ñawinta pintaykukorqa, chujchantapis sumajta simp'aykukorqa. Jinaytawantaj, qhawananpaj ventanaman qayllaykorqa.

Salmos 10:4

Payqa Diosta mana mask'anchu. Chantá nin: Dios mana kanchu. Cuentata mañawajqa mana pipis kanchu, nispa. Yuyayninpeqa Diospi yuyana mana kanchu.

Proverbios 15:32

Pichus k'amisqata sajrapaj jap'ejqa pay kikinta pisipaj qhawakun. K'amisqata uyarikojrí astawan yachayta jap'in.

Proverbios 30:13

Wakenqa may kasqankuta yuyakunku, runa masinkutataj pisipaj qhawanku.

Proverbios 8:36

Pichus contraypi juchallikojrí, payllataj mana allin kawsayta mask'akun. Pichus noqata chejniwajqa wañuyta mask'akun.

Isaías 1:10

Sodomata kamachejkuna, Tata Diospa nisqanta uyariychej. Gomorra llajtayojkuna, Diosninchejpa yachachisqanta allinta uyariychej.

Isaías 3:16

Tata Dios nillantaj: Sión llajtamanta warmikunaqa anchata jatunchakunku. Paykunaqa umankuta oqharispa purinku, mayta q'ewiykacharikuspa, pata patallata thaskirispa, chakinkupi k'achanchakusqankuta sonarichispa ima.

Isaías 57:20

Mana allinta ruwajkunarí sinch'i wayraj qhollchoqeyachisqan mama qocha jina kanku. Kayman jaqayman q'opata, t'urutapis wijch'un, nitaj tiyaykuyta atinchu.

Isaías 59:12

Juchanchejqa Tata Diospa ñawpaqenpi manchay ashkha, juchallanchejtaj mana allin kasqanchejmantata ch'ataykuwanchej. Mana allin kajta ruwasqanchejqa qhatiykachawanchej, yachanchejtaj juchayojpuni kasqanchejta.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Lamentaciones 5:16

Maypaj qhawasqa kayniykupis manaña kanchu. Ay, noqaykumanta imachus kanqapis, imaraykuchus noqaykoqa juchallikorqayku.

Ezequiel 16:30

Noqa Tukuyta Kamachej Tata Dios nini: Sonqoykiwan apachikojlla kasqaykirayku, mana p'enqakuyniyoj phisu warmi jina purerqanki.

Ezequiel 16:49

Sodoma ñañaykej juchanqa kay jina karqa: Pay, jinataj ususinkunapis jatunchakorqanku. Ashkha mikhunayoj chantá tukuy imayoj kaspa, wapuykacharqanku, manataj wajchakunamanta, ni pisichikojkunamantapis khuyarikorqankuchu.

Ezequiel 23:16

Babiloniamanta qharikunata rikuytawantaj, Aholibá sonqonta suwachikorqa, chantá Babiloniakama kachakunata kacharqa.

Daniel (hebreo) 7:20

Munallarqanitaj astawan yachayta chay chunka wajrakunamanta, juch'uy kaj wajramantawan, mayqenchus ñawiyoj kasqa, runaykachaspataj jatuchaj imakunata parlasqa, chaymanta. Chay juch'uy wajra wiñananpaj, kinsa wajrakuna sik'isqa kasqanku, chay wajrataj chay ujkunamanta astawan jatunman rijch'awarqa.

Oseas 13:9

Israel, qanta phirisqayki, imaraykuchus yanapasojniykej contranpi kanki.

Oseas 5:5

Chaywanpis Israelpa runaykachasqanqa paypa contrallanpitaj rimarenqa, Efraintaj juchallanpi misk'akonqa. Judapis paykunawan khuska misk'allanqataj.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

Apocalipsis 11:8

Chay testigokunaj ayankutaj Jerusalén llajtaj jatun plazanpi wijch'usqa kanqanku, maypichus Tukuyta Kamachej Jesusninku chakatasqa karqa, chaypi. Chay llajtaqa Sodomawan, chantá Egiptowan ima ninakun.

1 Samuel 15:32

Chaymanta Samuel kamacherqa: Amalec suyoj kuraj kamachejnin Agagta kayman pusamuway, nispa. Agagtaj may kusisqa Samuelpa ñawpaqenman jamorqa, manaña wañuchisqa kananta yuyaspa.