Isaías 3:5 - DIOSPA QHELQACHISQ

⁵ Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Qheshwa Biblia DC

⁵ Runasqa paykunapura qhollpinakonqanku, ujkuna ujkunawan purajmanta maqanakonqanku. Waynasqa machu runaspa contranta oqharikonqanku, wajcha runastaj qhapaj runaswan maqanakonqanku.

DIOSPA QHELQACHISQAN DEUTEROCANONICAL

⁵ Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Isaías 3:5 ပူးပေါင်းရင်းမြစ်များ

2 Reyes 2:23

Chaymanta llojsispa, Eliseoqa Betelman rerqa. Ñannejta rishajtintaj, llajtamanta ashkha majt'illokuna llojsimuspa, paymanta alqorakuspa nerqanku: P'ajla llojsiy kaymanta. P'ajla, llojsiy kaymanta, nispa.

Isaías 1:4

Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Isaías 11:13

Efraín suyoj munapayasqanqa tukukonqa, Judá suyoj awqankunapis chinkachisqa kanqanku. Efraín suyuwan Judá suyuwan manaña jap'inakonqankuchu.

Isaías 19:2

Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

Isaías 9:18

18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Levítico 19:32

Machu runataqa sayarikuspa napaykunki, jinallataj manchay respetowan qhawanki. Diosniykitapis manchachikunki. Noqamin Tata Dios kani.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Zacarías 11:6

Ajinallatataj noqapis kay llajtapi tiyakojkunamanta manallataj khuyakusajchu. Manachayqa runa masinkoj makinman, jinataj kuraj kamachejninkoj makinman paykunata jaywaykusaj. Chaykunataj kay suyuta phirenqanku, nitaj pitapis makinkumanta kacharichisajchu, nispa. Ajinata Tata Dios nin.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

San Mateo 26:67

Chayta niytawantaj, paykuna Jesuspa uyanman thoqaykorqanku, laq'arqankutaj. Wajkunataj uyanpi sajmaspa,

Marcos 14:65

Chaymantataj wakinkuna Jesusman thoqaykuyta qallarerqanku, ñawinta qhataykuspataj sajmarqanku, nerqankutaj: Sut'inchawayku pichus sajmasusqanta, nispa. Templota qhawaj soldadokunapis Jesusta uyanpi laq'arqanku.

San Lucas 22:64

Ñawinta qhataykuytawantaj, uyanpi laq'arqanku, chantataj taporqanku: Sut'inchawayku: Pitaj sajmasorqa? nispa.

Santiago 2:6

Qankunatajrí wajchakunata k'umuykachachinkichej. Manachu qhapajkuna yawarniykichejta ch'onqasunkichej? Manachu paykunallataj juchachasqa kanaykichejpaj juezkunaman qhatatasunkichej?

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.