Isaías 3:14 - DIOSPA QHELQACHISQ

¹⁴ Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Qheshwa Biblia DC

¹⁴ Señorqa ayllumpa kurajkunasnimpa contrampi cheqanchaj jamonqa, ayllunta kamachejkunaj contrampiwan. Qankunaqa uvas sach'asta chinkachinkichej, wajchasmanta suwasqaykichejtataj wasisniykichejpi jallch'ankichej.

DIOSPA QHELQACHISQAN DEUTEROCANONICAL

¹⁴ Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 3:14 ပူးပေါင်းရင်းမြစ်များ

Job 22:4

Sichus pay cheqan ñanman churasuyta munaspa k'amisunki, juzgasunanpajtaj wajyasunki chayqa, chayta ruwan mana payta tukuy imapi kasusqaykiraykuchu.

Job 24:14

Runa wañucheqa chhapu chhaputa wajchata wañuchimunanpaj rin, ch'isiyajtintaj, suwaspa purin.

Job 24:9

Millayta ruwajkunaqa warmisapakunaj wawankuta paqarejtinkama qhechunku. Pisi tiyapuyniyojkunaj wawankuta prendata jina jap'inku.

Job 34:23

Diosqa mana runaman willanchu mayk'ajchus ñawpaqenpi rikhurinanta, paypa ñawpaqenpi juzgasqa kananpaj.

Salmos 10:9

León jina jusk'unmanta wajchata wateqan, rikhurimojtin patanman phinkiykunanpaj. Jap'ispataj, tiyapusqanta qhechun.

Salmos 14:4

Millayta ruwajkuna mana yuyayniyojchu kanku. Paykunaqa aylluyta t'antata jina mikhukapunku. Tata Diospa sutintapis mana oqharillankupischu.

Salmos 143:2

Kay kamachiykita ama juzganawaykipaj wajyawaychu, imaraykuchus ñawpaqeykipeqa mana pipis mana juchayojqa kanmanchu.

Proverbios 30:14

Wakinkunaj kirunkoqa espadakuna jina kanku, k'ama kirunkupis khuchuna jina. Paykunaqa suyupi kaj wajchakunata tukuchinanku, pisichikojkunatataj oqoykunku.

Isaías 10:1

Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

Isaías 10:2

Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Isaías 14:30

Wajchakunaj kuraj kaj wawankukuna jallp'ankupi poqojta mikhonqanku, mana imayoj runakunapis mana ima llakiyniyoj samarikonqanku. Runaykikunatatajrí yarqhaywan wañurachisaj, chaymanta puchojkunatataj chinkarparichisaj.

Isaías 26:6

Ajinamanta tukuy wajcha runakuna, llakisqa kajkuna ima chay llajtata saruranqanku, nispa.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Isaías 30:12

Chayrayku Israelpa May Llimphu Kaj Diosnin nin: Qankunaqa kay k'amisqayta qhesachaspa, mana allin ruwaykunapi, millayta ruwaykunapi ima atinikunkichej. Chay millay imakunaman sayasqa kankichej.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Isaías 58:4

Qankuna ayunashaspaqa, phiñanakunkichej, churanakunkichej ima, manakajllamanta sajmanakunkichej. Chay jinata ayunashaspa, yuyankichejchu noqawan janaj pachapi uyarichikunaykichejta?

Jeremías 12:10

Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 5:27

Wasinkuman suwasqankuwan junt'aykuchinku, imaynatachus p'isqokunata jaulaman junt'aykuchinku, ajinata. Ajinata ruwaspa atiyniyojman, qhapajmantaj tukorqanku.

Ezequiel 18:12

Wajcha runakunata, pisi tiyapuyniyojkunata ima ñak'arichinman, suwakunman, manachayrí manumanta ima jap'isqantapis mana kutichipunmanchu. Lantikunatapis yupaychanman, millaytaj ruwanman.

Ezequiel 20:35

Chaymantataj waj suyukunaj ch'innejkunaman pusasqaykichej, chaypitaj uyapurakuspa juicioman churasqaykichej.

Ezequiel 20:36

Imaynatachus ñawpa tataykichejkunata Egiptoj ch'innejpi juzgarqani, ajinallatataj qankunatapis juzgasqaykichej, nispa nin Tukuyta Kamachej Tata Dios.

Levítico 25:14

Sichus pipis jallp'ata runa masiykichejman vendenkichej, chayrí rantikunkichej chayqa, ama q'otiyanakunkichejchu.

Levítico 25:17

Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Miqueas 2:1

Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Miqueas 3:3

Aylluytaqa kawsashajllata oqoykunkichej. Qaranta ch'uskinkichej, tulluntapis p'akirankichej. Mankaman churanapaj aychata jina qhawankichej.

Miqueas 6:10

Juchasapa runaj wasin mana allin kajta ruwaspa qhapajyasqanwan junt'a kashan. Wasinpi kallantaj mana cabal balanza, mayqentachus noqa chejnikuni, chay.

San Mateo 21:33

Uyariwaychej, uj rijch'anachinatawan nisqaykichej: Uj patrón jallp'anpi uvakunata mallkisqa, chay huertatataj perqawan muyuykuchisqa. Chaymanta chajra chawpipi uva ch'irwanata ruwachisqa, qhawana torretapis sayachisqa. Chantá huertanta llank'ajkunaman partidopi qospa, karuman ripusqa.

Santiago 2:6

Qankunatajrí wajchakunata k'umuykachachinkichej. Manachu qhapajkuna yawarniykichejta ch'onqasunkichej? Manachu paykunallataj juchachasqa kanaykichejpaj juezkunaman qhatatasunkichej?