Isaías 3:11 - DIOSPA QHELQACHISQ

¹¹ Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

Qheshwa Biblia DC

¹¹ Imaynachus kanqa juchasapa runaqa! Paytaqa mana allinchu renqa. Paymanqa imastachus ruwasqanman jina pagasqa kanqa.

DIOSPA QHELQACHISQAN DEUTEROCANONICAL

¹¹ Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

Isaías 3:11 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

2 Samuel 3:39

Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

1 Reyes 21:21

Chayrayku Tata Dios nisunki: Jatun llakiyta qanman chayachimusqayki, tukuy aylluykitataj chinkachisaj. Mirayniykimanta qhari kajkunata tukuchisaj Israel ukhumanta.

2 Crónicas 6:23

qanqa janaj pachamantapacha uyariy, chaypachataj kamachiykikunapaj justiciata ruway. Pichus juchayoj kajmanqa juchanman jina qopuy, juchantaj paypa patanman urmaykuchun. Mana juchayoj kajmantajrí justiciata ruway, ruwasqanman jina.

Job 10:15

Sichus juchayoj kani chayqa, noqamanta imachus kanqapis. Sichus mana juchayoj kani chaypis, mana uyamanta qhawayta atiykimanchu, imaraykuchus qanqa k'umuykuchiwanki, ñak'arichiwankitaj.

Salmos 28:4

Qantajrí millayta ruwasqankuman jina paykunata jasut'iy, millay kajta ruwasqankuman jinataj ñak'arichiy.

Salmos 62:12

12 (13) Tukuyta Kamachej Diosníy, munakuyniykeqa mana tukukuyniyoj. Jinallataj qanmin sapa ujman ruwasqankuman jina qopunki.

Proverbios 1:31

Mana kasukusqaykichejrayku ñak'arinkichej. Mana allin ruwayta yuyasqaykichejwantaj amichikunkichej.

Proverbios 11:31

Sichus kay pachapi cheqan runa ruwasqanman jina pagota jap'in chayqa, astawanraj millayta ruwaj runakunawan, juchasapakunawan ima jasut'isqa kanqanku.

Proverbios 12:14

Pichus allinta parlajqa mikhunallayojpuni kanqa, ruwasqanman jinataj t'inkata jap'enqa.

Proverbios 26:27

Pichus t'oqota allajqa payllataj chayman urmaykonqa. Jatun rumita tanqajpis payllataj urmaykuspa, chaywan p'altachikonqa.

Eclesiastés 8:13

Millayta ruwajkunatarí mana allin rinanta nitaj unayta kawsanankuta yacharqani. Diosta mana jatun respetowan qhawasqankurayku, kawsayninku llanthu jinalla chinkarinanta yachallarqanitaj.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Isaías 48:22

Millay runakunapajrí mana allin kawsay kanchu. Ajinata Tata Dios nin.

Isaías 65:20

Chaypi wawakunaqa manaña paqarisqankutawankama wañonqankuchu, machu runakunapis may jina unayta kawsanqanku. Pachaj watanpi wañojqa waynallarajpis wañushanman jina kanqa. Pachaj watata mana kawsajtaj maldicisqapis kanman jina qhawasqa kanqa.

Isaías 65:6

Chaywanpis imatachus ruwanayqa ñawpaqeypi qhelqasqa kashan, chaypitaj nin: Manapuni ch'inllachu kasaj, manachayqa millay ruwasqaykichejman jina t'inkaykichejta qopusqaykichej, nispa.

Isaías 65:7

Chantá Tata Dios nillantaj: Juchaykichejrayku, ñawpa tataykichejpa juchankurayku ima pagapusqaykichej, imaraykuchus paykunapis orqo patapi, chantá loma patapipis inciensota q'oshñicherqanku. Chayrayku noqaqa ñawpa juchaykichejman jina pagota qopusqaykichej, nispa.

Jeremías 21:14

Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Jeremías 31:30

Manachayqa pikunachari k'allku uvata mikhojkunalla kirunkuta khipichikonqanku. Sapa ujpis juchanrayku wañonqa, nispa.

Ezequiel 16:59

Noqa Tukuyta Kamachej Tata Dios nillanitaj: Ruwasqaykiman jina jasut'isqayki, imaraykuchus tiluwasqaykita pisipaj qhawaspa, trato ruwasqaykita p'akerqanki.

Ezequiel 18:20

Pichus juchallikojlla wañonqa. Wawaqa tatanpa millay ruwasqanmanta mana juchachasqachu kanqa, nitaj tatapis wawanpa millay ruwasqamanta juchachasqallatajchu kanqa. Cheqan kaj runaqa cheqan ruwasqanmanta t'inkata jap'enqa. Mana allin puriyniyoj runatajrí millay ruwasqanmanta ñak'arillanata jap'enqa.

Ezequiel 2:10

Chantá ñawpaqeypi chay k'uyusqa qhelqa kicharikorqa, puraj ladonpitaj qhelqasqa karqa llakiy yarawikuna, waqaykuna, ayqoykuna, ima.

Ezequiel 24:14

Noqa Tata Diosmin chayta nini, nisqaytataj junt'asajpuni. Noqa kikinta ruwasaj, mana qhepaman kutirisajchu, manataj khuyakusajchu, nitaj sonqoyta nanachikusajchu. Ruwasqaykiman jina, kawsasqaykiman jinataj jasut'isqaykipuni. Noqa Tukuyta Kamachej Tata Dios chayta nini.

Ezequiel 33:8

Sichus noqa juchasapa runata nini: Mana allinta ruwaj runa, cheqapuni wañunki, nispa chayqa, qantaj mana allinta ruwasqanmanta karunchakunanpaj mana reparachinkichu chayqa, mana allinta ruwaj runaqa juchanrayku wañonqa. Noqatajrí chay runa wañusqanmanta cuentata qanmanta mañasqayki.

Miqueas 3:4

Chaywanpis uj p'unchay qankuna Tata Diosta qhaparikunkichej, paytajrí mana uyarisonqachejchu. Chaypacha qankunamanta pay pakakonqa, millayta ruwasqaykichejrayku.

Miqueas 7:13

Kunantajrí kay jallp'a ch'inman tukuchisqa kanqa kaypi tiyakojkunaj juchaykichejrayku. Ajina kanqa millayta ruwasqaykichejrayku.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

Jueces 9:57

Ajinallatataj Diosqa Sichem llajtapi kaj runakunatapis jasut'illarqataj tukuy millayta ruwasqankumanta. Jinamanta junt'akorqa paykunapi Yerubaalpa churin Yotanpa maldicisqan.