Isaías 27:4 - DIOSPA QHELQACHISQ

⁴ Chay huertapaj manaña phiñasqachu kani. Chaywanpis sichus chaypi khishka, chayrí qhora kanman chayqa, noqa chayta t'iraytawan, saruyman, ruphachiymantaj.

Qheshwa Biblia DC

⁴ Manaña phiñasqachu kani. Sichus chaypi khishkas, chayri chaypi qhoras kanman chayqa, noqa saruspa q'olachimusaj.

DIOSPA QHELQACHISQAN DEUTEROCANONICAL

⁴ Chay huertapaj manaña phiñasqachu kani. Chaywanpis sichus chaypi khishka, chayrí qhora kanman chayqa, noqa chayta t'iraytawan, saruyman, ruphachiymantaj.

Isaías 27:4 ပူးပေါင်းရင်းမြစ်များ

2 Samuel 23:6

Tukuy sajra ruwaj runakunatajrí khishka jina wijch'usqa kanqanku, mana pipis makinwan jap'iyta munanchu.

2 Samuel 23:7

Oqhariyta munajqa ruthunapaj josewan, chayrí k'aspiwan oqharenqa, ninaman wijch'uykunanpaj tukuynin q'olananpaj, nispa.

Salmos 103:9

Mana sapa kutichu k'amiwanchej, nitaj wiñaypajchu phiñakun.

Salmos 85:3

3 (4) Phiñakuyniykita ñit'iykukorqanki, k'araj phiñakuyniykitataj tiyaykuchikorqanki.

Isaías 10:17

Israelpa K'anchaynin Tata Diosqa nina lawray jina kanqa. May Llimphu Tata Diosqa lawrarishaj ninaman rijch'akonqa. Uj p'unchayllapi ch'uminta, khishkantawan rupharparenqa.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 33:12

Chaypacha llajtaykichejkunaqa cal chayasqa jina kanqanku. K'utusqa khishka jina ninapi ruphachisqa kanqanku.

Isaías 9:18

18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Malaquías 4:3

3 (3.21) Wakichishani chay p'unchaypi qankunaqa millayta ruwaj runakunata ñut'u jallp'ata jina sarunkichej. Noqa Tukuy Atiyniyoj Tata Diosmin chayta nini.

San Mateo 3:12

Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

Hebreos 6:8

Pikunachus ñawpa kawsayman kutiripojkunarí qhasi manakaj khishkata wiñachej jallp'a jinalla kanku. Chay jina jallp'atataj Dios maldicin, qhepanejmantaj ninawan ruphaykuchisqa kanqa.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.