Isaías 27:3 - DIOSPA QHELQACHISQ

³ Noqa Tata Dios chay huertata qhawani, sapa kutitaj qarpani. Tuta p'unchay waqaychani, ama pipis imanananpaj.

Qheshwa Biblia DC

³ Noqa Señor waqaychani, noqa sapa kuti qarpani. Tuta p'unchay waqaychani, ama pipis imananampaj.

DIOSPA QHELQACHISQAN DEUTEROCANONICAL

³ Noqa Tata Dios chay huertata qhawani, sapa kutitaj qarpani. Tuta p'unchay waqaychani, ama pipis imanananpaj.

Isaías 27:3 ပူးပေါင်းရင်းမြစ်များ

Génesis 6:17

Chantá noqaqa kay pachaman manchay sinch'itapuni parachimusaj, yaku kay pachata p'ampaspa, tukuy kawsajta chinkachinanpaj. Jallp'a patapi tukuy kawsayniyojpis wañullanqankutaj.

Génesis 9:9

Noqa qankunawan, mirayniykichejwan ima uj tratota ruwasaj.

1 Reyes 8:59

Kunan kay mañakusqayta Tata Diosqa tuta p'unchay ama qonqachunchu, noqa kamachintapis, Israel aylluntapis qhawarinawanchejpaj, pisichikusqanchejman jina yanapanawanchejpaj.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 46:5

Diosninchej chay llajta chawpipi kashan. Paymin chay llajtata sayachenqa, tutamantataj yanapanqa.

Isaías 31:5

Imaynatachus p'isqo thapan patata phawaykachaspa irpanta jark'akun, ajinata Tukuy Atiyniyoj Tata Dios Jerusalenta jark'akonqa, jinallataj qhespichenqa, waqaychanqa, kacharichenqataj, nispa.

Isaías 42:6

Noqa Tata Dios qanta wajyarqayki munayniyman jina cheqan kajta ruwanaykipaj. Makiykimanta jap'isqayki, noqataj waqaychasqayki. Qanta runakunawan trato ruwasqay kanaykipaj churayki, tukuy suyupajtaj k'anchay jina kanaykipaj.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 46:4

Kunantaj machuyajtiykichejpipis, noqaqa kikillanpuni kasaj. Yuraj chujchallaña kashajtiykichejpis, wawata jina apaykachasqaykichej. Noqa ruwarqaykichej, noqallataj q'epiykachasqaykichej. Tukuy imapitaj yanapasqaykichej, qhespichisqaykichejtaj.

Isaías 46:9

Yuyarikuychej ari ñawpamantapacha imachus kasqanta. Noqalla Dios kani. Noqamanta jawaqa mana waj dios kanchu, nillataj ujllapis noqaman rijch'akojqa kanchu.

Isaías 49:8

Tata Dios nillantaj: Khuyakunay p'unchay chayamojtin, uyarerqayki, qhespichina p'unchaypitaj yanaparqayki. Noqa waqaychasqayki, qannejtataj uj tratota tukuy runawan ruwasaj. Chay suyuta watej mosojyachisaj, saqerpayasqa jallp'akunatataj watej rak'irasaj.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Isaías 60:16

Waj suyukunaj aswan sumaj mikhunankuta mikhunki, kuraj kamachejkunaj kapuyninkuwantaj kawsanki. Chaypacha rejsiwanki noqa Tata Diosmin qhespichisoj kasqayta, pagaspa kacharichisojniyki, Jacobpa Tukuy Atiyniyoj Diosnin ima kasqayta.

Ezequiel 34:11

Tukuyta Kamachej Tata Dios kay jinata nillantaj: Noqa kikiy ovejaykunata mask'aj rispa, michikapusaj.

Ezequiel 34:24

Noqa Tata Diosninku kasaj, David kamachiytaj kuraj kamachejninku kanqa. Noqa Tata Diosmin chayta nini.

Ezequiel 37:14

Noqa qankunaman Espirituyta qosqaykichej, qankunataj kawsankichej. Jinataj suyuykichejpi allinpi kawsachisqaykichej. Chantá qankuna yachankichej noqa Tata Dios chayta ruwasqayta, jinataj imatachus nisqayta junt'asqayta ima. Noqa Tata Dios chayta nini.

Ezequiel 37:28

Paykuna chawpipi Temploy wiñaypaj kashajtin, suyukuna yachanqanku noqa Tata Diosmin Israelta noqapaj wiñaypaj ajllakusqayta, nispa.

1 Samuel 2:9

Diosqa payta kasojkunaj puriyninkuta qhawan. Mana kasukojkunatajrí llakiywan ñit'isqa wañunku, imaraykuchus mana pipis kallpanraykullaqa atipanqachu.