Isaías 27:1 - DIOSPA QHELQACHISQ

¹ Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Qheshwa Biblia DC

¹ Chay p'unchaypi Señorqa, manchay atiyniyoj espadanwan manchayta phawaj Leviatán katarita jasut'enqa, manchayta ch'aukiyaj Leviatán katarita. Chantá mar qochapi kashaj dragontapis wañuchenqa.

DIOSPA QHELQACHISQAN DEUTEROCANONICAL

¹ Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Isaías 27:1 ပူးပေါင်းရင်းမြစ်များ

Job 26:13

Ujta phukuspa, janaj pachata picharparin. Makinwan q'allpispataj, llusp'ej katarita wañuchin.

Job 3:8

Chay ch'isitaqa layqayta yachajkuna layqachunku, pikunachus mama qochapi kawsaj sierpeta rijch'arichinankupaj atiyniyoj kanku, chaykuna.

Job 40:19

Chay sierpeqa tukuy imamanta aswan ñawpaj ruwasqay karqa. Chaytaqa noqalla ruwaj jina wañuchiyta atini.

Job 41:1

1 (40.25) Leviatán sutiyoj sierpeta anzuelowan jap'iyta atiwajchu, chayrí q'aytuwan qallunta watayta atiwajchu?

Salmos 104:26

Chaypi jatuchaj barcokunapis kayman jaqayman rinku. Jatun sierpe Leviatanpis chayllapitaj kashan, mayqentachus ruwarqanki paywan pujllanaykipaj, chay.

Salmos 45:3

3 (4) Wapu runa, espadaykita chumpiykiman churakuy. Qanqa may jina atiyniyojmin kanki.

Isaías 26:21

Qhawaychej, Tata Diosqa tiyakunanmanta llojsimonqa, kay pachapi tiyakojkunata juchankumanta jasut'inanpaj. Chaypacha jallp'aqa manaña wañuchisqakunata pakanqachu, manachayqa patanpi yawar jich'asqankuta rikuchenqa. Manañataj wañuchisqa kajkunatapis pakayta atenqachu.

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Isaías 65:12

Chayrayku noqapis qankunata churasqaykichej espadawan wañuchisqa kanaykichejpaj. Tukuyniykichej ñak'asqa kanaykichejpaj qonqorikunkichej, imaraykuchus chhikata wajyashajtiy, mana kasuta ruwawarqankichejchu. Qankunaman parlapayashajtiypis, mana uyariwaj tukorqankichej, rikunaytataj tukuy ima millayta ruwarqankichej. Imachus noqaman mana allinchu rijch'awan, chaytapuni qankuna ajllakorqankichej.

Isaías 65:25

Atojwan, ovejawanqa khuska mikhonqanku. Leonqa waka jina ichhuta mikhonqa. Kataritaj ñut'u jallp'ata mikhonqa. Chay ajllakusqay orqopeqa manaña pipis aylluyta llakichenqachu, manañataj pipis paykunata ñak'arichenqankuchu, nispa. Ajinata Tata Dios nin.

Isaías 66:16

Tata Dios tukuyta juzganqa, jinataj may chhika runakunata ninawan, espadawan ima wañurachenqa.

Jeremías 47:6

Ay, Tata Diospa espadan, mayk'ajllañataj samarikunkiri? Jallch'anaykiman kutiykapuspa, samarillayña.

Jeremías 51:13

Qan Babilonia, jatuchaj mayu kantupi tiyakoj, may chhika qhapaj kapuyniyoj kaj, chinkachisqa kanayki p'unchay chayamunña, kawsanayki p'unchaypis tukukaponqa.

Jeremías 51:34

Sión llajta Jerusalenqa nin: Babiloniata kuraj kamachej Nabucodonosor oqoykuwarqayku. T'unata ruwaspa, ch'usaj chuwata jina saqerpariwarqayku. Mama qochamanta sierpe jina oqoykuwarqayku, kapuyniykuwantaj sajsaykukorqa. Chaymantataj llajtaykumanta wijch'uwarqayku.

Ezequiel 29:3

Faraonman, runankunamanwan niy: Tukuyta Kamachej Tata Dios kay jinata nisunkichej: Egiptota kuraj kamachej faraón, qanqa sierpe jina mayuyki chawpipi winkuspa, nishanki: Nilo mayoqa noqajta, noqa ruwarqani, nispa. Chayrayku noqa Tata Dios contraykipi kashani.

Amós 9:3

Carmelo orqomanpis pakakamuchunku, chaymanpis mask'aj risaj. Mama qochaj sonqonman pakakamonqanku chaypis, mama qocha ukhupi kawsaj katarita kachaykusaj paykunata khaninanpaj.

Apocalipsis 12:3

Jinallataj janaj pachapi runaj mana jayk'aj rikusqan waj t'ukuna rikhurillarqataj: Uj jatun puka sierpe rikhurerqa. Chay sierpeqa qanchis umayoj, chunka wajrayoj karqa, sapa umanpitaj pilluyoj.

Apocalipsis 13:11

Chaymanta waj sierpetañataj jallp'amanta rikhurimushajta rikorqani. Chay sierpeqa iskay wajrayoj karqa, wajrankunataj corderoj wajranman rijch'akorqa, parlasqantaj puka sierpejta jina karqa.

Apocalipsis 13:4

Runakunataj puka sierpeta yupaycharqanku, mayqenchus mama qochamanta llojsimoj chay waj sierpeman atiyta qorqa, chayta. Jinallataj chay waj sierpetapis yupaychaspa, nerqanku: Pitaj kay waj sierpe jina kanmanri? Pitaj paywan maqanakuyta atinmanri? nispa.

Apocalipsis 16:13

Chantá chay qhepata rikorqani puka sierpej siminmanta, ñawpajta rikhurimoj sierpej siminmanta, chantá llullakuspa sut'inchajpa siminmanta ima llojsimojta, k'aylankulaman rijch'akoj kinsa millay supaykunata.

Apocalipsis 17:1

Chay qhepata, qanchis angelkunamanta, pikunachus chay qanchis vasokunata jap'isharqanku, chaykunamanta ujnin kaj jamuspa, niwarqa: Kayman chimpamuy, chay phisu warmi imaynatachus juchachasqa kananta rikunaykipaj, pichus ashkha yaku patapi tiyasqa kashan, chayta.

Apocalipsis 17:15

Jinallataj chay ángel niwarqa: Chay ashkha yaku rikusqaykeqa, maypichus chay phisu warmi tiyasqa kashan, chayqa ashkha runawan ninakun, jatuchaj suyukunawan, tukuy imaymana parlayniyojkunawan ima.

Apocalipsis 19:21

Sierpej soldadonkunapis wañuchisqallataj karqanku yuraj caballopi lloq'asqa kajpa siminmanta llojsej espadawan. Chantá aycha mikhu phawajkunaqa wañusqakunaj aychankuwan sajsakorqanku.

Apocalipsis 2:16

Chayrayku watej noqaman kutirikamuy, manachayqa usqhayllata qanman jamuspa, simi nisqaywan paykunaj contrankuta maqanakusaj.

Apocalipsis 20:2

Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.