Isaías 26:8 - DIOSPA QHELQACHISQ

⁸ Noqaykoqa Tata Dios, mana manchachikuspa kashayku, kamachisqayki ñanta rikuchiwasqaykuta purispa. Tukuy sonqo qanllapi yuyayta munayku.

Qheshwa Biblia DC

⁸ Señor kamachisqasniykej ñannimpi yachakuyku allin kasqaykuta. Noqaykoj sonqoykoqa qanllapi yuyan.

DIOSPA QHELQACHISQAN DEUTEROCANONICAL

⁸ Noqaykoqa Tata Dios, mana manchachikuspa kashayku, kamachisqayki ñanta rikuchiwasqaykuta purispa. Tukuy sonqo qanllapi yuyayta munayku.

Isaías 26:8 ပူးပေါင်းရင်းမြစ်များ

2 Samuel 23:5

Chayrayku mirayneyqa Diospi sinch'i sayasqa kashan. Paymin noqawan wiñaypaj tratota ruwan, sumaj cheqan ruwasqata, sumaj sayachisqatataj. Payqa yanapallawanqapuni, tukuy imatachus munasqaytataj ruwanqapuni.

Salmos 106:3

Cheqan justiciata ruwajkuna kusisqa kachunku, imaraykuchus paykuna cheqan kajtapuni ruwanku.

Salmos 130:5

Tukuy sonqoywan Tata Diospi atinikuspa, yanapanawanta suyakuni, imajtinchus nisqanta jap'ikuni.

Salmos 18:23

23 (24) Paypa ñawpaqenpi mana pantaspa purerqani, millayta ruwaspa purinamantataj karunchakorqani.

Salmos 42:2

2 (3) Kawsaj Dioswan karikuyta imata jina mask'ani. Mayk'ajtaj Diospa ñawpaqenman risaj, payta yupaychanaypajri?

Salmos 65:6

6 (7) Qanqa kallpawan chumpiykukuspa, jatun atiyniykiwan orqokunata sayachinki.

Salmos 73:25

Piniytaj janaj pachapi tiyapuwanri? Qanlla noqajta kapuwanki. Qanwan kaspaqa, kay pachapi manaña imatapis munanichu.

Salmos 84:2

2 (3) Noqa may jinatapuni Temploykej pationkunapi kayta munani. Tukuy sonqoywan kawsayta qoj Diosman kusisqa takini.

Éxodo 3:15

Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

TAKIYKUNA 5:8

Jerusalenmanta sipaskuna, ama jina kaspa, munasqaywan tinkunkichej chayqa, munakunawanmanta wañushasqayta willaripuwaychej.

Isaías 12:4

Chaypacha ninkichej: Tata Diosman pachis nispa, sutinta yupaychaychej. Imatachus ruwasqanta tukuy runaman willamuychej, jinallataj Tukuy Atiyniyoj kasqanmantapis willallaychejtaj.

Isaías 24:15

Inti llojsimuynejpi jallp'akunapipis Tata Diosta jatunchaychej ari. Israelpa Tata Diosninpa sutinta mama qochaj tukuy kantunpipis pataman oqhariychej.

Isaías 25:1

Tata Dios, qanmin Diosniy kanki. Sutiykita pataman oqharispa jatunchasqayki, yupaychasqaykitaj, imaraykuchus qanmin t'ukuna imakunata ruwarqanki. Chaykunata unaymantapacha wakicherqanki, kunantaj chayta junt'arqanki.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 26:13

Tata Diosniyku, qan kamachinawaykutaqa waj runakunalla munayninkuman jina kamachiwayku. Chaywanpis qanllata Diosniykupaj rejsikapuyku.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 33:2

Tata Dios, noqaykumanta khuyarikuwayku ari. Noqaykoqa qanllapi atinikuspa suyakuyku. Qanqa sapa paqarin kallpachawayku ari, llakiy p'unchaypipis kacharichiwajniyku kay.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Isaías 51:4

Aylluymanta kajkuna, uyariwaychej. Noqa yachachisqayta tukuyman willasaj. Kamachisqayqa tukuy suyupaj k'anchay jina kanqa.

Isaías 56:1

Tata Dios nin: Justiciata ruwallaychejpuni. Imatapis cheqanta ruwaychej, imaraykuchus kacharichinay p'unchayqa qayllapiña, noqa jamuspataj, justiciata ruwasaj.

Miqueas 4:5

Waj suyukunaqa diosninkuta kasuspa purinku. Noqanchejrí Tata Diosninchejta kasuspapuni purisunchej.

Miqueas 7:7

Noqatajrí Tata Diospi atinikusaj, qhespichiwajniy Diosnillaypi atinikuspa suyakusaj, imaraykuchus pay mañarikusqayta uyariwanqa.

Malaquías 4:4

4 (3.22) Horeb orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.

Números 36:13

Kaykunata Tata Diosqa Moisesnejta israelitakunaman kamacherqa Moab pampapi, Jordán mayu kantupi, Jericó llajtaj chimpanpi.

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Hechos 1:4

Ajina kuraj kachankunawan tantasqa kashaspa, Jesús paykunata kamacherqa: Jerusalén llajtamanta amaraj ripuychejchu, manachayqa suyaychej Tata Diospa nisqan junt'akunanta, mayqenmantachus noqa willarqaykichej, chayta.

Romanos 8:25

Chaywanpis imatachus suyashanchej, sichus chayta mana rikunchejrajchu chayqa, pacienciawan suyananchej tiyan.

2 Tesalonicenses 3:5

Chantá Tukuyta Kamachej Jesús qankunata yanapachun imaynatachus Dios munakun, ajinallatataj qankunapis wajkunata munakunaykichejpaj, chantapis ñak'ariykunapi Cristo jina pacienciakunaykichejpaj ima.