Isaías 26:7 - DIOSPA QHELQACHISQ

⁷ Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Qheshwa Biblia DC

⁷ Cheqan runaj ñannenqa cheqampuni; allinta ruwaj kaj runaj ñannintaqa qanlla allinyachinki.

DIOSPA QHELQACHISQAN DEUTEROCANONICAL

⁷ Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Isaías 26:7 ပူးပေါင်းရင်းမြစ်များ

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

Job 31:6

Tata Diosqa cabal balanzapi pesawachun, jinamanta mana juchayoj kasqayta yachananpaj.

Salmos 1:6

Tata Dios cheqan runakunaj puriyninkuta waqaychan. Millayta ruwaspa purejkunaj ruwasqankurí chinkayman paykunata apan.

Salmos 11:4

Tata Diosqa paypaj t'aqakusqan Templopi kashan, kamachinan tiyanataj janaj pachapi kashan. Chaymantapacha qhawaspa, payqa runakunaj purisqankuta watun.

Salmos 11:7

Cheqanta ruwaj Tata Diosqa cheqan justiciata munakun. Chayrayku cheqanta ruwajkunaqa paypa uyanta rikonqanku.

Salmos 25:4

Munasqaykiman jina kawsayta yachachiway, Tata Dios, cheqan ñanniykitataj pusaway.

Salmos 25:5

Cheqan kayniykinejta pusaway, yachachiwaytaj. Qanmin Diosniy kanki, qhespichiwajniytaj, noqataj tukuy p'unchay qanpi atinikuni.

Salmos 27:11

Tata Dios, imaynatachus kawsanayta munasqaykita niway, cheqan ñantataj pusaway, imaraykuchus awqaykunaqa ashkha kanku.

Salmos 5:9

9 (10) Paykuna mana jayk'aj cheqanta parlankuchu. Sonqonkupeqa millay kajta ruwanalla junt'a. Siminkoqa kicharisqa covacha jina, q'otiyanankupajtaj wayllukunku.

Proverbios 11:5

Cheqanta ruwanaqa cheqan runaj ñanninta cheqanchan. Millayta ruwaj runarí mana allinta ruwasqallanpitaj urmanqa.

Proverbios 20:7

Cheqan runaqa llimphuta kawsaspallapuni purin. Churinkunapis pay jina kawsaspa, may kusikuyniyoj kanqanku.

Proverbios 21:8

Mana allinta purejqa uma nanayta tarikuspalla kawsan. Cheqan sonqoyoj runaj ruwasqankunarí llimphu kanku.

Proverbios 3:6

Tukuy ima ruwasqaykipi Tata Diosmanta yuyarikuy. Paymin cheqan ñanta pusasonqa.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 52:12

Mana usqhay usqhaytachu llojsinkichej, nitaj ayqekoj jinachu ripunkichej, imaraykuchus Tata Diosmin ñawpaqeykichejta renqa. Israelpa Diosnin qhepaykichejtapis jamullanqataj, nispa.

Isaías 57:2

Paykuna wañuspa, allinpi kayman ripunku. Diospa ñawpaqenpi cheqanta purejkunaqa wañuspa, samarikuyta tarinku, nispa.

Jeremías 10:23

Chantá Jeremías ajinata Tata Diosmanta mañakorqa: Tata Diosníy, runaqa kawsayninmanta mana dueñochu kasqanta yachani. Runaqa kawsaynin imachus kananmanta mana yachanchu.

Oseas 14:9

Tukuy yachayniyojkuna, allin yuyayniyojkuna, kay simita jap'ikuchunku: Tata Diospa kamachisqanqa cheqanmin, cheqan kawsayniyojkunataj chaykunata kasunku. Mana kasukojkunatajrí chaypi misk'aspa, urmanqanku.

Sofonías 3:5

Chay tukuywanpis Tata Dios chay llajtawan kashan, paytaj cheqan kajtapuni ruwan manataj sajra kajtaqa. Sapa paqarin pay justiciata ruwan. Chay millay runakunarí mana p'enqakuyta yachankuchu.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

1 Juan 3:7

Munasqa wawaykuna, ama piwanpis q'otiyachikuychejchu. Pichus cheqan kajta ruwajqa cheqan runa kasqanta rejsichikun, imaynachus Jesucristopis cheqan, ajina.