Isaías 26:5 - DIOSPA QHELQACHISQ

⁵ Payqa mayta runaykachajkunata urmachin. Mayta jatunchakoj llajtata k'umuykuchin pampaman tukunankama.

Qheshwa Biblia DC

⁵ Payqa mayta runaykachajkunata urmachin, mayta runaykachaj llajtata k'umuykachachin, ajinata urmachiytawan jallp'aman tukuchin.

DIOSPA QHELQACHISQAN DEUTEROCANONICAL

⁵ Payqa mayta runaykachajkunata urmachin. Mayta jatunchakoj llajtata k'umuykuchin pampaman tukunankama.

Isaías 26:5 ပူးပေါင်းရင်းမြစ်များ

Salmos 79:8

Ñawpa tataykoj mana allinta ruwasqankumantaqa ama noqaykuwan pagachikuychu. Khuyakuyniykirayku usqhayllata noqaykuta taripaj jamuy, imaraykuchus sinch'i k'umuykuchisqa kashayku.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Isaías 14:13

Qanqa sonqoykipi nerqanki: Janaj pachaman wicharisaj, Diospa ch'askankunamanta aswan pataman kamachinay tiyanata churasaj. Chantá patanejpi, maypichus dioskuna tantakunku, chaymanta kamachimusaj.

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 24:10

Chay t'ustisqa llajtaqa ch'inpacha. Tukuy wasikuna llavewan wisq'asqa ama pipis yaykunanpaj.

Isaías 25:2

Jatun llajtakunata rumi loqhoman tukuchinki, perqawan sumaj jark'achasqa llajtakunatataj laqayaman tukuchinki. Awqakunaj k'achitu kamachinanku wasikunata thuñinki, chaykunatataj manaña pipis ujtawan watej sayachenqachu.

Isaías 32:19

Chijchi parapis sach'akunata q'ara k'aspillata saqerparichun chaypis, llajtapis thuñisqa kachun chaypis,

Isaías 47:1

Tata Dios nillantaj: Babilonia suyu, tiyanaykimanta urayk'uy, ñut'u jallp'api tiyakuy. Kamachinayki tiyanamanta urayk'uspa, pampapi chukukuy. Ñawpajtaqa manaraj qharita rejsej sipas jina karqanki. Kunantaj manaña k'achita nisonqankuchu.

Jeremías 51:37

Babiloniaqa raqayllamanña tukuchisqa kanqa, k'ita alqokunaj pakakunallankumanña, mana tiyakunapaj jinaman. Chantá tukuy runakuna chayta rikuspa, t'ukonqanku, mancharikonqankutaj.

Jeremías 51:64

Babilonia ajinatamin chinkaponqa, manañataj ujtawan jatarimonqañachu, Tata Dios kay suyuman apachimunan kashan, chay ñak'ariypi urmasqanmanta, nispa. Kaykamalla Jeremiaspa sut'inchasqan karqa.

Lamentaciones 2:2

Tata Dios mana khuyakuspa, tukuy imata pampata ruwan. Phiñakuyninwan Tata Diosqa Jacobpa tukuy wasinkunata thuñiran. Judá llajtaj jark'achasqa perqantapis tukuyninta pampachan. Kuraj kamachejta, kurajkunatawan maytapuni k'umuykuchin.

Ezequiel 26:11

Caballonkunaqa tukuynin calleykita saronqanku. Runaykikunatataj espadawan wañurachenqanku. Sumaj rakhu sayantaykikunatapis thuñenqanku.

Ezequiel 28:17

May k'achitu kasqaykirayku sonqoykipi jatunchakorqanki. May jatunchasqa kasqaykiraykutaj yachayniykita millayman tukucherqanki. Chayrayku noqa qanta pampaman wijch'umorqayki, kuraj kamachejkunaj rikunankuta p'enqaypi rikhurichisuspa.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.