Isaías 26:4 - DIOSPA QHELQACHISQ

⁴ Wiñaypaj Tata Diosllapipuni atinikuychej, imaraykuchus payllamin wiñaypaj pakakunanchej chhankaqa.

Qheshwa Biblia DC

⁴ Wiñaypaj Señorllapipuni atienekuychej, imaraykuchus payllamin wiñaypaj pakakunanchejqa.

DIOSPA QHELQACHISQAN DEUTEROCANONICAL

⁴ Wiñaypaj Tata Diosllapipuni atinikuychej, imaraykuchus payllamin wiñaypaj pakakunanchej chhankaqa.

Isaías 26:4 ပူးပေါင်းရင်းမြစ်များ

2 Crónicas 20:20

Q'ayantenqa Judamanta soldadokuna tutamanta jatarikorqanku Tecoa ch'innejman puririnankupaj. Puririshajtinkutaj, Josafatqa sayarikuspa, nerqa: Jerusalenpi, jinataj Judapi tiyakojkuna, uyariwaychej: Tata Diosniykichejpi atinikuychej, amataj manchachikuychejchu. Diosmanta sut'inchajkunapipis atinikuychej, jinataj tukuy imapi allin risonqachej, nispa.

2 Crónicas 32:8

Asiriamanta kuraj kamachejqa runaj kallpallanpi atinikushan. Noqanchejwantajrí Tata Dios kashan, paytaj noqanchejrayku maqanakonqa, nispa. Judata kuraj kamachej Ezequiaspa parlasqanta uyarispataj, soldadokunaqa mayta kallpachakorqanku.

Job 9:19

Sichus atiyninmanta parlasunman chayqa, cheqapuni payqa sinch'i atiyniyoj. Sichus quejaykusunman chayqa, pitaj payta chayachimunmanri?

Salmos 125:1

(1b) Tata Diospi atinikojkunaqa sinch'i sayachisqa kanku. Paykuna Sión orqo jina wiñaypaj sayanqanku.

Salmos 18:2

2 (3) Qanmin pakakunay kanki, jark'akuwaj, kacharichiwaj Diosniytaj. Qanmin pakakunay chhanka kanki, jark'akuna escudoytaj. Atiyniyoj qhespichiwajniy kanki, patapi sumaj pakakunaytaj.

Salmos 46:1

1 (2) Diosninchejqa jark'akuwajninchej, kallpanchejtaj. Llakiykuna qhatirishawajtinchej, pay usqhayllata yanapawanchej.

Salmos 55:22

22 (23) Qanqa phutikuyniykita Tata Diosman saqey, paytaj sinch'ita sayachisonqa. Payqa kasukoj runata ni jayk'aj urmananta saqenqachu.

Salmos 62:11

11 (12) Uj kuti Dios parlarqa, chaytataj iskay kutita uyarini: Noqaqa Tukuy Atiyniyoj Dios kani, nispa nejta.

Salmos 62:8

8 (9) Llajta masiykuna, Diosllapipuni atinikuychej. Sonqoykichejpi kaj chhikata payman willakuychej, imaraykuchus Diosllamin jark'akuwajninchejqa.

Salmos 62:9

9 (10) Runarí qhasi manakajlla, wajcha runapis, qhapaj runapis kachun. Pesapichus iskayninkuta pesasunman chayqa, wayramantapis aswan chhallalla kankuman.

Salmos 66:7

Atiyninwan Diosqa wiñaypaj kamachin, suyukunatataj ñawillanpi purichin, Diosta mana kasojkuna ama contranpi oqharikunankupaj.

Salmos 93:1

Tata Diosníy, qanmin Kuraj Kamachejniyku kanki. Qanqa jatun kayniykiwan p'achallikunki, atiyniykiwantaj chumpiykukunki. Tata Dios, qanmin kay pachata sinch'ita sayacherqanki, manataj jayk'ajpis kuyurenqachu.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 17:10

Ajina kanqa, imaraykuchus qanqa kacharichisoj Diosmanta qonqaporqanki, manataj waqaychasoj Diosniykimanta yuyarikorqankichu. Astawanpis qanqa sumaj uva sach'akunata mallkerqanki, waj dioskunata yupaychanaykipaj.

Isaías 30:29

Qankuna Diospa ayllunmanta kajkunapajrí takiykuna kanqa, Pascua jatun raymi ch'isipi jina. Sonqoykichejqa kusisqa kanqa, imaynatachus qenata tocarej runaqa israelitakunata Tata Diospa orqonman kusiywan pusan israelitakunaj pakakunanku Tata Diosta jatunchanankupaj, ajina.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 44:8

Qankuna ama manchachikuychejchu nitaj kharkatitiychejchu. Noqaqa unaymantapachaña imachus kananta nerqaykichej, qankunataj chaymanta testigoy kankichej. Noqamanta jawa waj dios kanchu? Manapuni, mana waj pakakuna chhanka kanchu, ni ujpis kanchu, nispa.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 45:24

Noqamanta nenqanku: Cheqapuni Tata Diosllamanta justiciawan, jatun atiywan ima jamun, nispa. Noqallaman tukuypis jamonqanku, pikunachus contraypi ruwajkunapis may p'enqaypi rikhurenqanku.

Isaías 50:10

Qankunamanta mayqenpis Tata Diosta manchachikoj kanmanchu? Diospa kamachinpa parlasqanta kasukoj kanmanchu? Laqhayaypi purejkuna, ni ima k'anchayta rikojkuna, Tata Diospi atinikuychej, paymantataj jap'ikuychej.

Isaías 51:5

Justicia ruwanay p'unchay qayllapiña. Kacharichinay p'unchay ñanpiña kashan, atiyniywantaj tukuy suyuta kamachisaj. Mama qocha kantupi tiyakojkunaqa jatun atiyniywan paykunata yanapanayta suyanqanku.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

Daniel (hebreo) 3:17

Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Daniel (hebreo) 3:28

Chantá kuraj kamachej Nabucodonosor jatunmanta qhaparerqa: Yupaychasqa kachun Sadracpata, Mesacpata, Abednegojpatawan Diosninku, pichus angelninta paykunata waqaychananpaj kachamorqa, chay. Kuraj kamachej kajtiypis, kamachisqayta mana kasorqankuchu. Aswanpis wañuyta mana manchachikuspa, Diosninkumanta jawa waj diosman manapuni k'umuykorqankuchu nitaj yupaycharqankuchu.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.

Deuteronomio 33:27

Israel, wiñaypaj kawsaj Diosqa qanpa pakakunayki, paytaj wiñay atiyniyoj makinwan jap'isunki. Awqaykikunata ñawpaqeykimanta wijch'orqa, wañuchispa tukuchinaykitataj kamachisorqa.

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

1 Samuel 2:2

Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.