Isaías 26:3 - DIOSPA QHELQACHISQ

³ Tata Dios, pichus qanpi sonqonta churajta sonqon tiyaykunanta ruwanki, imaraykuchus pay qanpipuni atinikun.

Qheshwa Biblia DC

³ Pichus qampi sonqo churajtaqa, sonqo tiyakuypi kachiy, imaraykuchus payqa qampipuni atienekun.

DIOSPA QHELQACHISQAN DEUTEROCANONICAL

³ Tata Dios, pichus qanpi sonqonta churajta sonqon tiyaykunanta ruwanki, imaraykuchus pay qanpipuni atinikun.

Isaías 26:3 ပူးပေါင်းရင်းမြစ်များ

1 Crónicas 5:20

Chay maqanakupitaj Tata Dios yanapananta mañakorqanku, Diostaj paykunata yanaparqa, paypi atinikusqankurayku. Ajinamanta Agarenokunata, jinataj paykunawan kajkunata maqanakuspa atipaykorqanku.

2 Crónicas 13:18

Ajinata chay kutipi israelitakunaqa k'umuykuchisqa karqanku, Judamanta soldadokunataj kallpachasqa rikhurerqanku, ñawpa tatankoj Tata Diosninkupi atinikusqankurayku.

2 Crónicas 16:8

Manachu etiopekuna, libiokunawanqa may atiyniyoj karqanku, caballokunapi purej ashkha soldadoyoj, jinataj maqanakupaj carretakunayoj ima? Chaywanpis Tata Diospi atinikusqaykirayku, Tata Diosqa paykunata makiykiman churarqa.

Salmos 119:165

Yachachisqaykita munakojkunaqa sonqo tiyasqallapuni kawsakunku, nitaj imapis paykunata misk'achiyta atinchu.

Salmos 125:1

(1b) Tata Diospi atinikojkunaqa sinch'i sayachisqa kanku. Paykuna Sión orqo jina wiñaypaj sayanqanku.

Salmos 9:10

10 (11) Tata Dios, qanta rejsisojkuna qanpi atinikunku, imaraykuchus qan mask'asojkunataqa ni jayk'aj saqerparinkichu.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 26:12

Tata Dios, qanlla allin kawsayta qowasqayku, kunankama tukuy ima tarisqaykutapis qanllataj qowayku.

Isaías 27:5

Sichus pipis chaymanta waqaychasqa kayta munanman chayqa, noqawan allinyakuchun. Arí, noqawan allinpi kawsakuchun, nispa.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 32:17

Chay cheqan kajta ruwaypa poqoynenqa allin kawsay kanqa, apamullanqataj ni imamanta manchachikuyta, wiñaypaj kusiy kawsayta ima.

Isaías 32:18

Aylloyqa ni imamanta llakikuspa tiyakonqa, ni pej ima ninan tiyakunapi, chaypitaj samarikonqa.

Isaías 42:19

Pitaj chay ñawsari? Chay ñawsaqa kamachiy Israelmin. Mana pipis kachasqay jina joq'arachu, nitaj pipis ajllakusqay jina ñawsachu. Ajinamin qan kanki, kamachiy Israel.

Isaías 42:6

Noqa Tata Dios qanta wajyarqayki munayniyman jina cheqan kajta ruwanaykipaj. Makiykimanta jap'isqayki, noqataj waqaychasqayki. Qanta runakunawan trato ruwasqay kanaykipaj churayki, tukuy suyupajtaj k'anchay jina kanaykipaj.

Isaías 48:2

Qankuna ninkichej: Diospa llajtanmanta kayku, nispa, chantá nillankichejtaj Israelpa Diosninpi atinikusqaykichejta. Chay Diospa sutenqa Tukuy Atiyniyoj Tata Diosmin.

Isaías 49:8

Tata Dios nillantaj: Khuyakunay p'unchay chayamojtin, uyarerqayki, qhespichina p'unchaypitaj yanaparqayki. Noqa waqaychasqayki, qannejtataj uj tratota tukuy runawan ruwasaj. Chay suyuta watej mosojyachisaj, saqerpayasqa jallp'akunatataj watej rak'irasaj.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Isaías 50:10

Qankunamanta mayqenpis Tata Diosta manchachikoj kanmanchu? Diospa kamachinpa parlasqanta kasukoj kanmanchu? Laqhayaypi purejkuna, ni ima k'anchayta rikojkuna, Tata Diospi atinikuychej, paymantataj jap'ikuychej.

Isaías 66:12

Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

Jeremías 39:18

Nillanitaj: Cheqatapuni noqa waqaychasqayki ama wañuchisqa kanaykipaj. Qan noqapi atinikusqaykirayku kawsallankipuni, nispa.

Daniel (hebreo) 3:17

Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Daniel (hebreo) 3:28

Chantá kuraj kamachej Nabucodonosor jatunmanta qhaparerqa: Yupaychasqa kachun Sadracpata, Mesacpata, Abednegojpatawan Diosninku, pichus angelninta paykunata waqaychananpaj kachamorqa, chay. Kuraj kamachej kajtiypis, kamachisqayta mana kasorqankuchu. Aswanpis wañuyta mana manchachikuspa, Diosninkumanta jawa waj diosman manapuni k'umuykorqankuchu nitaj yupaycharqankuchu.

Daniel (hebreo) 6:23

23 (24) Chantá kuraj kamachejqa mayta kusikuspa, leonkunaj t'oqomanta Danielta orqhomunankuta kamacherqa. Orqhomuspataj, paykuna rikorqanku Daniel mana imanasqa kasqanta, imaraykuchus pay Diosninpi atinikorqa.

Miqueas 5:5

5 (4) Paymin allinpi kawsanata Israelman apamonqa. Maypachachus asiriokuna suyunchejman junt'aykamonqanku, kamachina wasinchejmanpis yaykuykamonqanku chaypacha, noqanchej paykunaj contrankupi maqanakunankupaj qanchis kamachejkunata, pusaj kurajkunatawan kachasunchej.

San Juan 14:27

Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

Romanos 5:1

Noqanchej Diospi atinikusqanchejrayku cheqan runapaj qhawasqa kaspa, Tukuyta Kamachej Jesucristonejta Dioswan allinyachisqa kanchej.

Filipenses 4:7

Ajinamanta Dios chay mana unanchay atina sonqo tiyaykuyninta qosonqachej, chaytaj Cristo Jesusnejta sonqoykichejta, yuyayniykichejtawan waqaychanqa.