Isaías 26:2 - DIOSPA QHELQACHISQ

² Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

Qheshwa Biblia DC

² Punkusta kichariychej chayninta cheqan runas yaykunampaj, imaraykuchus paykunaqa cheqan sonqoyoj kanku.

DIOSPA QHELQACHISQAN DEUTEROCANONICAL

² Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

Isaías 26:2 ပူးပေါင်းရင်းမြစ်များ

Salmos 106:5

Noqaqa ajllakusqaykikuna kusisqa kawsakusqankuta rikuyta munani. Aylluykiwan khuska kusikuyta munani, qanpata kajkunawan khuska jatunchasunaypaj.

Salmos 118:19

Cheqanta ruwajkunaj yaykunanku punkuta kichariwaychej, chayninta yaykuspa, Tata Diosman pachis ninaypaj.

Salmos 118:20

Kaymin Tata Diospa punkonqa, chayninta Tata Diosta kasukojkunalla yaykonqanku.

Salmos 24:7

Ñawpa punkukuna, kicharikuychej. Chantá sumaj kicharisqa kaychej, jatun atiyninwan lliphipirishaj Kuraj Kamachej yaykunanpaj.

Éxodo 19:6

Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Isaías 45:25

Noqa Tata Diosrayku Israelpa miraynin cheqanpaj qhawasqa kanqanku, umankuta oqharispataj, kusikonqanku.

Isaías 54:14

Cheqan kajwan sumaj sayachisqa kanki. Manaña ñak'arichisqachu kanki, manañataj manchachikunkichu, imaraykuchus manchachikoyqa manaña qanman qayllamusonqachu.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.

Isaías 58:8

Chantá k'acha kawsayniykichejqa tutamanta inti llojsimuy jina k'ancharenqa. Chaypacha k'irisqa kasqaykichejpis usqhayta qhaliyanqa. Justiciata ruwasqaykichejpis ñawpaqeykichejta renqa, Tata Diospa jatun kaynintaj qhepaykichejpi waqaychasonqachej.

Isaías 60:11

Llajta punkuykikunaqa tuta p'unchay kichasqallapuni kanqanku, qanman tukuy suyu kapuyninkuta apamunankupaj, jinallataj kuraj kamachejninkupis chayman pusamusqa kanankupaj.

Isaías 60:18

Manaña jayk'ajpis maqanakuy chantá wañuchinakuy suyuykipi uyarikonqachu, nillataj pipis suyuykita thuñej jamonqachu. Manachayqa perqaykikunata “Qhespichiwajniy”, nispa sutichanki, punkuykikunatataj “Tata Diosta Yupaychana”, nispa.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 62:1

Sión llajtata munakusqayrayku mana ch'in kakusajchu. Jerusalenta munakusqayrayku mana samarikusajchu cheqan kajta ruwasqan lliphirimunankama, qhespichisqa kasqantaj k'anchay jina k'anchaykamunankama.

Isaías 62:10

Punkunkunanejta puriychej, aylluy kutimpunanpaj ñanta pichapuychej. Ñankunaj t'oqonta junt'achiychej, ñanmanta rumikunatataj wijch'uychej. Tukuy runakuna rikunankupaj wiphalatapis pataman oqhariychej.

Isaías 62:2

Chaypacha runakuna Tata Dios qhespichisusqanta rikonqanku. Tukuy kuraj kamachejkunapis jatunchasqa kasqaykita rikullanqankutaj. Chaypacha mosoj sutiwan sutichasqa kanki, chaytataj kikin Tata Diospuni sutichasonqa.

Zacarías 8:20

Kayta nin Tukuy Atiyniyoj Tata Dios: Waj suyukunapi, waj llajtakunapi ima tiyakojkuna Jerusalenman jamonqanku.

Hechos 2:47

Jinallataj paykuna Diosta yupaychallarqankupuni, runakunataj allin ñawiwan paykunata qhawaj kanku. Chantá Tukuyta Kamachej Jesusqa sapa p'unchay Iglesiaman yapasharqa, pikunachus qhespichisqa kananku karqa, chaykunata.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

2 Pedro 3:13

Noqanchejrí Diospa nisqanman jina mosoj janajta, mosoj jallp'atawan suyashanchej, maypichus Dios justiciata ruwaspapuni kamachenqa, chayta.

Judas 1:3

Munasqa wawqe panakuna, qankunaman maytapuni qhelqamuyta munarqani Dios imaynatachus qhespichiwasqanchejmanta. Chaywanpis kunanqa munaspa mana munaspa mayta niykichej: Sinch'ita kallpakuspa, allinta qhawaychej, imatachus Diosmanta yachachiwasqanchej ama q'ewisqa kananpaj. Chaytamin Dios uj kutillata wiñaypaj paypa ajllakusqankunaman qorqa.

Apocalipsis 21:24

Chaypacha tukuy suyupi tiyakojkunaqa Diospa k'anchayninpi purenqanku, kay pachapi kuraj kamachejkunataj qhapaj kapuyninkuta chay llajtaman apamuspa, Diosman jaywanqanku.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.