Isaías 26:1 - DIOSPA QHELQACHISQ

¹ Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

Qheshwa Biblia DC

¹ Chay p'unchaypi kay takiyta Judá jallp'api takenqanku: Kunanqa sumaj jark'achisqa llajta tiyapuwayku; chaypi pakakunaykupaj iskay perqaswan muyuykucherqa.

DIOSPA QHELQACHISQAN DEUTEROCANONICAL

¹ Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

Isaías 26:1 ပူးပေါင်းရင်းမြစ်များ

Esdras 3:11

Ujkuna yupaychaspa takerqanku, wajkunataj Tata Diosman pachis nispa, nerqanku: Payqa may k'achapuni, Israeltaqa wiñaypaj munakun, nispa. Chantá tukuy runakuna kusiywan qhaparispa, Tata Diosta yupaycharqanku, paypa Templonta watejmanta ruwayta qallarishajta rikusqankurayku.

Salmos 31:21

21 (22) Tata Dios jatunchasqa kachun, imaraykuchus noqa llakisqa, phutisqataj kashajtiy, munakuwasqanrayku noqapaj jatuchaj imakunata ruwapuwarqa.

Salmos 48:12

12 (13) Sión llajtata muyuspa, torrenkunata yupaychej.

Salmos 48:4

4 (5) Kay pachamanta kuraj kamachejkuna tantakuspa, chay llajtaj contranpi tukuyninku rerqanku.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 14:31

Filisteapi llajtakuna, aullakuychej, nanaywantaj qhapariychej. Manchariywan kharkatitiychej, imaraykuchus wichaynejmanta soldadokuna manchay yana q'oshñi jina jamusunkichej, manataj ni ujpis paykunamanta qhepakunchu.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Isaías 2:20

Chay p'unchaykunapi runakuna qorimanta, qolqe metalmanta yupaychanankupaj ruwakusqanku lantikunata saqenqanku. Chay dioskunankutaqa juk'uchakunaman, chiñikunaman ima wijch'uykonqanku.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 31:5

Imaynatachus p'isqo thapan patata phawaykachaspa irpanta jark'akun, ajinata Tukuy Atiyniyoj Tata Dios Jerusalenta jark'akonqa, jinallataj qhespichenqa, waqaychanqa, kacharichenqataj, nispa.

Isaías 31:9

Asiriamanta soldadokunaqa sinch'i manchariywan mana kallpayoj rikhurenqanku, kurajninkukunapis maqanakuna wiphalankuta saqerparenqanku mayta manchachikusqankurayku. Tata Dios chayta nin. Sionpi nina lawraynin tiyan, Jerusalenpitaj ruphachina hornon tiyan, chaywan awqankunata ñak'arichinanpaj.

Isaías 33:5

Tata Dios janaj pachapi tiyakushaspapis, pay allin kajwan, justiciawantaj Sionman junt'achin.

Isaías 33:6

Paymin allin kawsayta qosunkichej, jinallataj yachayta, yuyayta qosonqachej, chantá kacharichillasonqachejtaj. Tata Diosta may jatun respetowan qhawayqa may jina valorniyojpuni.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 5:1

Chantá Isaías nerqa: Kunanqa munasqaypa sutinpi uva huertamanta takiysituta takirisaj. Munasqaypata uva huertan uj kinraypi sumaj jallp'api tiyapusqa.

Isaías 56:5

noqaj Temploypa pationpi, perqawan muyuykuchisqa llajtaypi ima sutinku qhelqasqa kanqa. Noqa paykunaman may uyarisqa sutita qosaj, chay wiñaypaj qosqa sutitaj mana jayk'aj chinkachisqachu kanqa. Chaytaj capasqa runapaj aswan sumaj kanqa wawayoj kanamanta nisqaqa.

Isaías 60:18

Manaña jayk'ajpis maqanakuy chantá wañuchinakuy suyuykipi uyarikonqachu, nillataj pipis suyuykita thuñej jamonqachu. Manachayqa perqaykikunata “Qhespichiwajniy”, nispa sutichanki, punkuykikunatataj “Tata Diosta Yupaychana”, nispa.

Isaías 62:10

Punkunkunanejta puriychej, aylluy kutimpunanpaj ñanta pichapuychej. Ñankunaj t'oqonta junt'achiychej, ñanmanta rumikunatataj wijch'uychej. Tukuy runakuna rikunankupaj wiphalatapis pataman oqhariychej.

Isaías 62:11

Tata Dios tukuy kay pachapi kajkunaman nin: Sionpa ususinta niychej: Qhawariy, kacharichisojniyki t'inkan aparisqa jamushan, imatachus wakichisqanwan oqharisqa ima, nispa.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Ezequiel 40:5

Jinapi kayta rikorqani: Temploj jawanqa perqawan muyuykusqa karqa. Chay qhari jap'isharqa, chay k'aspi kinsa metroyoj karqa, chaywantaj perqata miderqa. Perqaqa phatunman kinsa metroyoj karqa. Sayayninmanpis kinsa metroyojllataj karqa.

Zacarías 2:5

5 (9) Tata Diosrí nin: Chaypacha noqa kikiy Jerusalenpa muyuyninpi nina perqa jina sayaykusaj, kikin llajta chawpipitaj jatun kayniypa lliphipiyniyta rikuchisaj, nispa. Noqa Tata Diosmin chayta nini.

Zacarías 2:9

9 (13) Chayrayku noqa kikiy contrankuta maqanakusaj, jinataj wata runallankutaj paykunata ch'uskiranqanku. Ajinamanta yachankichej Tukuy Atiyniyoj Tata Dios noqata kachamuwasqanta.

Números 21:17

Chaypacha israelitakunaqa kay jinata takerqanku: Pujyumanta yaku phullchimuchun. Noqaykutaj takipusqayku.

San Mateo 16:18

Noqataj niyki: Qanqa Pedro kanki, kay chhanka patapitaj iglesiayta sayarichisaj. Ukhu pachaj atiyninpis mana iglesiaytaqa atipayta atenqachu.