Isaías 24:3 - DIOSPA QHELQACHISQ

³ Jallp'aqa ch'usajpacha tukuy iman suwasqa kanqa. Chaytaqa Tata Diospuni nin.

Qheshwa Biblia DC

³ Jallp'aqa ch'usajpacha kanqa. Tukuy iman kajta suwanqanku. Chaytaqa Señorpuni nin.

DIOSPA QHELQACHISQAN DEUTEROCANONICAL

³ Jallp'aqa ch'usajpacha tukuy iman suwasqa kanqa. Chaytaqa Tata Diospuni nin.

Isaías 24:3 ပူးပေါင်းရင်းမြစ်များ

2 Crónicas 36:21

Ajinamanta Diosmanta sut'inchaj Jeremiaspa nisqan junt'akorqa. Jinamanta Israel suyoj jallp'anqa qanchis chunka wata junt'akunankama samarerqa, ñawpajta israelitakuna mana jallp'ata samarichisqankumanta.

Isaías 21:17

Cedarpa wapu soldadonkuna arcowan wach'ejkunamanta pisilla qhepakonqanku. Ajinata Israelpa Tata Diosnin nin.

Isaías 22:25

Aswan qhepamanrí perqapi sumaj takasqa karqa, chay clavo sik'ikaponqa, jinataj urmanqa. Chaypi warkhusqa kajkunataj tukuyninku phirikonqanku. Ajinata noqa Tukuy Atiyniyoj Tata Dios nini.

Isaías 24:1

Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

Isaías 24:2

Chay ñak'areyqa tukuypaj kanqa: Tukuy runapaj jinallataj sacerdotekunapajpis, kamachipaj jinallataj patronpajpis, warmi kamachipaj jinallataj patronapajpis, rantikojpaj jinallataj vendejpajpis, qolqeta manojpaj jinallataj manukojpajpis, interesniyojta manojpaj jinallataj manukojpajpis.

Isaías 24:4

Jallp'aqa ch'akipun, chaypi kajtaj qawishan. Kay pacha onqospa umphushan. Kay pachapi jatunpaj qhawasqa runakunapis ñak'arishallankutaj.

Isaías 42:22

Chaywanpis wajkuna Israelta atipaykuspa, imanchus kaj chhikata qhechunku. Jinallataj wata runa kanapaj churanku, paykunata presochaspataj, carcelpi wisq'aykunku. Awqankoqa israelitakunawan munayninkuta ruwanku, nitaj pipis kacharichinanpaj kanchu. Paykunata wajnejman apakapunku, nitaj pipis paykunata kacharichej kanchu.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Jeremías 13:15

Chantá Jeremías israelitakunata nerqa: Tata Dios parlanña. Ama wapuykachaychejchu, manachayqa allinta uyarispa, kasuta ruwaychej.

Ezequiel 36:4

Chayrayku Israelpa orqonkuna, Tukuyta Kamachej Tata Diospa nisqanta uyariychej. Tukuyta Kamachej Tata Dios kay jinata nin Israelpa lomankunaman, orqonkunaman, wayq'onkunaman, vallenkunaman, ch'in raqaykuna saqerasqa llajtankunaman ima. Qayllanpi kaj suyukuna israelitakunamanta chaykunata suwarqanku, paykunamantataj alqochakorqanku.

Miqueas 2:4

Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

Miqueas 4:4

Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.

Deuteronomio 29:28

28 (27) Sinch'i k'arajta phiñakuspataj, paykunata karu suyuman wijch'orqa, imaynachus kunan kashanku, ajina, nispa.