Isaías 22:5 - DIOSPA QHELQACHISQ

⁵ Tukuy Atiyniyoj Tata Dios nerqa jatun manchachikuy p'unchay chayamunanta. Chaymanta mosqoypi jina rikuna vallepi perqakunata urmachinku, runakunaj qhaparisqankutaj orqokunaman chayan.

Qheshwa Biblia DC

⁵ Tukuy Atiyniyoj Señorqa nerqa qhaparina llakiy atipachikuna p'unchay chayamunanta. Hinom vallepitaj perqasta urmachinku, qhapariykunataj orqosman chayan.

DIOSPA QHELQACHISQAN DEUTEROCANONICAL

⁵ Tukuy Atiyniyoj Tata Dios nerqa jatun manchachikuy p'unchay chayamunanta. Chaymanta mosqoypi jina rikuna vallepi perqakunata urmachinku, runakunaj qhaparisqankutaj orqokunaman chayan.

Isaías 22:5 ပူးပေါင်းရင်းမြစ်များ

2 Reyes 19:3

Chantá Isaiasta nerqanku: Kuraj kamachej Ezequías kay jinata nisunki: Kunan p'unchay jatun llakiypi kashanchej, p'enqachisqa, k'umuykachachisqataj, imaynatachus onqoj warmi paqarichikunanpajña kashajtin mana kallpan kanchu, ajina.

2 Reyes 25:10

Chantá Babilonia suyumanta soldadokunaqa Jerusalén llajtaj perqanta thuñiykorqanku.

Ester (hebreo) 3:15

Chantapis chaskikunaqa kuraj kamachejpa kamachisqanman jina tukuy llajtakunaman usqhayta chay cartata apararqanku. Jinallataj kuraj kamachejpa tiyanan Susa llajtapi sut'inchakojtin, llajtayojkunaqa maytapuni qhollpikusharqanku chay imakunata yachaspa. Chaykamataj kuraj kamachejwan, Amanwanqa tiyaykurispa, vinowan ch'allarisharqanku.

Isaías 10:6

Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 22:1

Isaías mosqoypi jina rikuna vallej contranta kay jinata nerqa: Imataj tiyan wasi pataman tukuyniykichej wicharinaykichejpajri?

Isaías 25:10

Tata Dios makinwan Sión orqota waqaychanqa, Moab suyutatajrí pachanpi sarurparenqa, imaynatachus pajata q'opata jich'anapi sarunku, ajinata.

Isaías 37:3

Chayaspataj, Isaiasman willarqanku: Kay jinata nin kuraj kamachej Ezequías: Kunan p'unchay may llakiypi kashanchej, turiyasqa, k'umuykachachisqataj. Imaynachus wijsallisqa warmi paqarichikunanpachapi mana kallpayoj llawch'ipacha kashan, ajinata rikhurinchej.

Isaías 5:5

Kunanqa uva huertaywan imatachus ruwanayta nisqaykichej: Perqanta thuñisaj, jinamantataj huertay chinkanqa. Tukuy sarunankupajtaj perqanta urmarachisaj.

Isaías 63:3

Chayqa ajina, imaraykuchus noqalla uva ch'irwanapi uvata saruni. Suyukunamanta mana pipis noqawan saroj karqachu. Noqaqa awqaykunata may phiñakuyniywan sarorqani, may k'araj phiñakuyniywantaj paykunata t'usterqani. Chayrayku yawarninku p'achayman ch'allpaykamuwarqa, ajinamanta p'achayta pukachaykorqani.

Isaías 63:6

Ajinata sinch'ita phiñakuspa, suyukunamanta runakunata t'usterqani. Phiñakuyniywantaj paykunata musphaykachacherqani, jinaspataj, yawarninkuta pampaman jich'arqani, nispa.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Lamentaciones 1:5

Awqankunaqa mayta qhapajyarinku, paykunaj makinkupitaj kashan. Jerusalentaqa Tata Diospuni chay jinata llakichin, may chhikata juchallikusqanrayku. Wawankukunapis waj suyukunaman chayarqanku awqankoj apasqanrayku.

Lamentaciones 2:2

Tata Dios mana khuyakuspa, tukuy imata pampata ruwan. Phiñakuyninwan Tata Diosqa Jacobpa tukuy wasinkunata thuñiran. Judá llajtaj jark'achasqa perqantapis tukuyninta pampachan. Kuraj kamachejta, kurajkunatawan maytapuni k'umuykuchin.

Lamentaciones 2:8

Tata Dios nerqa: Sión llajtaj perqankuna urmachisqa kanqanku, nispa. Ajinata wakicherqa, mana iskayrayaspataj, chay perqakunata thuñirparerqa. Jawa perqantinta, ukhu kaj perqantinta ujllapi pampaman urmacherqa.

Ezequiel 7:7

Kay suyupi tiyakojkunaj tukukunaykichejqa chayamushanña. Qhollpikuna p'unchay chayamushan, manañataj orqokunapi kusikuy kanqachu.

Oseas 10:8

Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Miqueas 7:4

Paykuna ukhumanta sumaj runaqa khishkamantapis astawan millayraj, cheqanta ruwaj runapis t'ankar jina. Chaywanpis jasut'isqa kananku p'unchay chayamushanña, Diosmanta sut'inchajkuna willasqankuman jina. Chaypacha paykuna imatachus ruwanankuta mana yachanqankuchu.

Sofonías 1:15

Chay p'unchaypi Tata Diosqa k'arajta phiñakonqa. Llakikuy, phutikuypis kanqa. Thuñina, ch'inman tukuchina p'unchay kanqa. Tutayay, may laqhayaytaj kanqa. Phuyusqa tuti laqhataj kanqa.

San Mateo 24:16

Chaypacha Judeapi kashajkuna orqokunaman ayqechunku.

San Lucas 23:30

Chaypachallataj runakuna orqokunata nenqanku: Pataykuman urmaykamuwayku, nispa. Lomakunatataj nenqanku: P'ampaykuwayku, nispa.