Isaías 22:4 - DIOSPA QHELQACHISQ

⁴ Chayrayku noqa Isaías nerqani: Noqamanta ithiriychej, noqataj llajta tukuchisqa kasqanmanta jik'un jik'unta waqarikusaj. Ama sonqochawayta yuyaychejchu, llajta phirisqa kasqanmanta.

Qheshwa Biblia DC

⁴ Chayrayku nerqani: Jatariychej noqamanta; jik'un jik'unta waqarikusaj. Ama sonqochawaytaqa yuyaychejchu, llajtay tukuchisqa kasqanmanta.

DIOSPA QHELQACHISQAN DEUTEROCANONICAL

⁴ Chayrayku noqa Isaías nerqani: Noqamanta ithiriychej, noqataj llajta tukuchisqa kasqanmanta jik'un jik'unta waqarikusaj. Ama sonqochawayta yuyaychejchu, llajta phirisqa kasqanmanta.

Isaías 22:4 ပူးပေါင်းရင်းမြစ်များ

Ester (hebreo) 4:1

Mardoqueoqa chay jina kamachisqa kasqanta yachaytawan, p'achantawan llik'ikuspa, qhashqa p'achata churaykukorqa. Umanman ushphawan qhalliykukuspataj, jatunmanta waqaspa, llajtapi purerqa.

Salmos 77:2

2 (3) Llakiyniy p'unchaypi Tukuyta Kamachej Diosta mask'ani makiyta oqharispa, sapa ch'isitaj paymanta mañakuni. Chaywanpis mana sonqochakuyta atinichu.

Isaías 15:3

Runakunaqa qhashqa p'achayoj callekunapi purinku, wasi pataman, plazakunaman llojsinku paran paranta waqarikuspa.

Isaías 33:7

Uyariychej imaynatachus wapu kajkuna callekunapi qhaparisqankuta. Uyarillaychejtaj allinyakuyta mask'anapaj kachakunapis sonqo nanayta waqasqankuta.

Jeremías 13:17

Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Jeremías 31:15

Tata Dios nillantaj: Ramá llajtapi qhaparisqanku uyarikun, sonqo nanayta jik'un jik'un waqasqanku uyarikun. Raquel wawankunamanta waqashan, manataj sonqochasqa kayta munanchu, imaraykuchus wawankunaqa wañusqaña kanku, nispa.

Jeremías 4:19

Nanaywan q'ewiykachakuni, sonqoytaj llakiywan phatashanña. Mana kakuyta atinichu, manataj ch'inlla kaymanchu. Trompetaj waqasqanta uyarini, maqanakuman yaykunapaj qhaparejtawan.

Jeremías 6:26

Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

Jeremías 8:18

Chantá Jeremías nerqa: Jatun llakiy ñit'iykuwan, chaypajtaj mana jampi kanchu. Sonqoypis phatashawanña.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Jeremías 9:18

18 (17) Arí, usqhayta jamuchunku noqanchejrayku llakiyta waqapunawanchejpaj. Ñawinchejmanta waqayqa mayu jina puririchun.

Lamentaciones 2:11

Waqasqaypi ñaweyqa tukukushanña, wijsay ukhupi ch'unchulaypis q'ewirakunku. Sonqoyqa llakiywan phatashanña, aylluypa llajtanta chay jina thuñisqata rikuspa, jinataj astawanqa ñuñoj wawakunata yarqhaywan ñanpi wañurashajta rikuspa.

Ezequiel 21:11

11 (16) Espadaqa llosq'ochasqa, filochasqataj kashan, runata wañuchejpa makinman churanapaj.

Ezequiel 27:31

Qannejta umankutapis t'ojluchikonqanku, qhashqa p'achatapis churakonqanku. Sonqo nanaytataj jatunmanta qhaparispa, waqanqanku.

Miqueas 1:8

Chayrayku ancha llakisqa waqasaj, jinataj q'alalla, q'ara chakitaj purisaj. K'ita alqo jina awllakuspa, suri jina waqaspataj purisaj.

San Mateo 2:18

Ramá llajtapi uj qhapariy uyarikun, jatun waqay, jik'uytaj. Raquelqa wawankunamanta waqashan, manataj sonqochasqa kayta munanchu, imaraykuchus wawankunaqa wañuchisqaña, nispa.

San Mateo 26:75

Chantá Pedro yuyarikorqa Jesús kayta nisqanmanta: Manaraj gallo waqayta qallarishajtin, kinsa kutita ninki mana rejsiwasqaykita, nispa. Jawaman llojsispataj, Pedroqa sonqo nanayta waqarikorqa.

San Lucas 1:2

Chayta qhelqarqanku Jesuspa ñawpa yachachisqankuna willasqankuman jina, pikunatachus Jesús nisqanta willaramunankupaj kacharqa, chaykunamanta.

San Lucas 19:41

Chantá Jerusalén llajta qayllaman chayaspa, Jesús llajtata rikuytawan, waqarikorqa.