Isaías 22:2 - DIOSPA QHELQACHISQ

² Jerusalén kusikuspa, raymita ruwaj llajta karqa. Kunanrí imaymana qhapariywan, ch'ajwawan ima junt'a kashan. Runaj ayan tukuynejpi wijch'urayashan. Chaywanpis chay runakuna mana maqanakupichu wañorqanku. Manachayqa yarqhaywan chantá onqoywan wañorqanku.

Qheshwa Biblia DC

² Imaymana qhapariywan, ch'ajwawan junt'a kaj llajta, kusiypi kausaj llajta. Wañusqasniykeqa mana espadawan wañuchisqaschu kanku, nitaj ch'ajwapi wañuchisqaschu kanku.

DIOSPA QHELQACHISQAN DEUTEROCANONICAL

² Jerusalén kusikuspa, raymita ruwaj llajta karqa. Kunanrí imaymana qhapariywan, ch'ajwawan ima junt'a kashan. Runaj ayan tukuynejpi wijch'urayashan. Chaywanpis chay runakuna mana maqanakupichu wañorqanku. Manachayqa yarqhaywan chantá onqoywan wañorqanku.

Isaías 22:2 ပူးပေါင်းရင်းမြစ်များ

Isaías 10:4

Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 23:7

Kaychu chay ñawpa llajtaykichej karqa, maypichus mayta kusikoj kankichej, chay? Kaymantachu runakunata kacharqankichej karu suyukunapi tiyakunankupaj?

Isaías 32:13

Aswan qhepaman aylluypa jallp'anpi khishkawan, ithapalluwan imalla wiñanqanku, jinallataj maypichus manchayta kusirikoj, kanku chay wasikuna thuñisqa kanqanku.

Isaías 32:14

Kuraj kamachejpa wasenqa ch'inpacha saqerpayasqa kanqa, jinallataj chay chhika runayoj llajtapis ch'inpachallataj qhepakonqa. Qhawana torrekuna, pakakuna wasikunapis saqerpayasqa qhepakonqanku. Chaypitaj k'ita burrokunalla sunt'irenqanku, jinallataj uywakuna ima chaypi mikhonqanku.

Isaías 37:33

Tata Diosqa Asiriaj kuraj kamachejninmantapis kay jinata nillantaj: Jerusalén llajtaman manapuni yaykonqachu, nitaj arconwan uj flechallatapis kachaykonqachu. Manataj escudontapis maqanakunanpaj jap'enqachu, manallataj llajtaj muyuyninpi perqata wicharinanpaj jallp'a moqokunata ruwanqachu.

Isaías 37:36

Chantá chay ch'isipacha, maypichus Asiriamanta soldadokuna jarakusharqanku, chayman Tata Diospa angelnin rispa, 184.000 soldadokunata wañuracherqa. Q'ayantintaj soldadokunamanta mana wañojkuna tukuynejpi wañusqa soldadokunata rikorqanku.

Jeremías 14:18

Campoman llojsispa, maqanakupi wañuchisqa ayankuta rikuni. Llajtankuman yaykuspataj, yarqhaymanta wañushaj runakunata rikuni. Sut'inchajkuna, sacerdotekunataj llajtamanta llajta purinku, imachus kashasqanta mana yachaspa, nispa.

Jeremías 38:2

Tata Dios nin: Pichus llajtapi qhepakojqa maqanakupi, onqoywan, chayrí yarqhaywan wañonqa. Pichus caldeokunaman k'askapojrí mana wañuchisqachu kanqa, nispa.

Jeremías 52:6

Chay watamanta tawa kaj killanpi, jisq'on kaj p'unchayninpi Jerusalenpi yarqhayqa may sinch'i karqa, manataj imapis mikhunapaj karqachu.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Lamentaciones 2:20

Tata Diosníy, qhawariy yuyariytaj, mana jayk'aj pitapis kay jinata ruwarqankichu. Kay warmikunaqa paqarichikusqanku wawankuta mikhukaponqankuchu? Diospaj T'aqasqa Cheqapi sacerdotekuna, sut'inchajkuna ima Temploykipi wañurachisqa kanqankuchu?

Ezequiel 22:5

Qayllapi kajkuna, jinallataj karupi kajkunapis qanmanta alqochakonqanku, lantita yupaychasqaykimanta may uyarisqa kasqaykirayku, chantá ch'ajwawan junt'a kasqaykiraykutaj.

Sofonías 2:15

Ajina kanqa jatunchakoj llajtapaj, pikunachus ni imamanta llakikuspa kawsakojkunapaj. Chaypi tiyakojkuna sonqonkupi nerqanku: Llajtanchej jina tukuy kay pachapi mana waj llajta kanchu, nispa. Kunantajrí ch'inpacha, k'ita animalkunaj puñunallanña kashan. Chayninta tukuy purejkunataj umankuta khiwirispa, asikunku.