Isaías 21:9 - DIOSPA QHELQACHISQ

⁹ Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Qheshwa Biblia DC

⁹ Ashkha runasta caballospi montasqasta iskaymanta iskay jamushajta rikorqani. Chaymantataj nerqa: Babiloniaqa urmanña, urmanña, jinallataj lantisnimpis pampapi p'akirasqa rikhurin.

DIOSPA QHELQACHISQAN DEUTEROCANONICAL

⁹ Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Isaías 21:9 ပူးပေါင်းရင်းမြစ်များ

Isaías 13:19

Babiloniaqa waj suyukunapaj sumaj lliphipirishaj rumi jina karqa, caldeokunaj may uyarisqa llajtanku. Jinapis chay llajtata Tata Dios tukuchenqa, imaynatachus Sodomata, Gomorratawan tukucherqa, ajinata.

Isaías 14:4

kay jina yarawiwan Babiloniaj kuraj kamachejninpa contranta asikunkichej: Qhawariychej ñak'arichej runa imapichus rikhurisqanta, runaykachaj imaynatachus tukukusqanta.

Isaías 2:18

Chantá Tata Diosqa tukuy lantikunatapis chinkachillanqataj.

Isaías 21:7

Payqa caballokunapi iskaymanta iskay lloq'asqata jamushajta rikonqa, jinallataj wakinta burrokunapi, chayrí camellokunapi lloq'asqata. Chayta rikuspa, allinta qhawachun, nispa.

Isaías 47:5

Caldeokunaj ususin Babilonia, ch'inmanta chukuy, laqhayayman yaykuy. Kunanmantaqa manaña jayk'ajpis jatun suyukunata kamachej qoya nisonqankuchu.

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Isaías 48:14

Tukuyniykichej tantakuspa, uyariwaychej: Mayqen diostaj kay imakuna kananmanta sut'incharqari? Noqaj ajllakusqay runaqa wakichisqayta junt'anqa Babiloniaj contranpi, caldeokunaj contrankupiwan.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 50:38

Yakuyoj mayunkupis ch'akipuchun, imaraykuchus Babiloniaqa millay lantikunayoj suyumin, chay lantikunaraykutaj yuyayninta chinkachikun.

Jeremías 50:42

Paykunaqa flechanapaj arcoyoj, t'ojsina lanzayoj ima jamushanku. Jinallataj rumi sonqo mana uj chhikan khuyakuyniyoj kanku. Ch'ajwasqankoqa mama qochaj qhollchoqeyasqan jina sonarin, caballopitaj purinku. Ñapis Babiloniaj contranpi maqanakoj yaykunankupajña kashanku.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Jeremías 51:27

Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Jeremías 51:47

Babiloniaj lantinkunata jasut'inay p'unchay chayamonqapuni. Chay suyoqa k'umuykachachisqa qhepakonqa, ayakunawan junt'ataj.

Jeremías 51:52

Tata Diostajrí nin: Babiloniaj lantinkunata jasut'inay p'unchay jamushan, tukuy chay suyupi parti wañusqa kajkunataj khuyayta ayqonqanku.

Jeremías 51:64

Babilonia ajinatamin chinkaponqa, manañataj ujtawan jatarimonqañachu, Tata Dios kay suyuman apachimunan kashan, chay ñak'ariypi urmasqanmanta, nispa. Kaykamalla Jeremiaspa sut'inchasqan karqa.

Jeremías 51:8

Jinallaman Babiloniañataj ujllata urmaspa, phirikorqa. Paymanta waqaychej. K'irisqankunapaj jampita apamuychej, ichapis qhaliyapunman.

Apocalipsis 14:8

Chantá chay angelpa qhepanta waj angelñataj rikhurimuspa, nillarqataj: Babilonia jatun llajtaqa urmanña. Arí, urmanña, imaraykuchus chay llajtaqa tukuy suyumanta runata juchalliyta yachacherqa, chantá waj dioskunata kasuyta ima, nispa.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.

Apocalipsis 18:21

Chantá uj kallpasapa ángel uj jatun molino rumita jina oqharispa, mama qochaman wijch'uykorqa, nerqataj: Ajinallatataj jatun Babilonia llajtaqa sinch'i kallpawan wijch'usqa kanqa, manataj jayk'ajpis ujtawan pipis rikonqañachu.