Isaías 2:9 - DIOSPA QHELQACHISQ

⁹ Chaymantataj lantikunaman k'umuykunku, chay jinamantaj chayanku. Tata Dios, paykunata ama qhespichiychu.

Qheshwa Biblia DC

⁹ Chaykunaj ñaupaqempi runasqa pisichakunku, khuyay khuyaytataj qharispis qhawaykachanku; chayrayku paykunataqa ama perdonaychu.

DIOSPA QHELQACHISQAN DEUTEROCANONICAL

⁹ Chaymantataj lantikunaman k'umuykunku, chay jinamantaj chayanku. Tata Dios, paykunata ama qhespichiychu.

Isaías 2:9 ပူးပေါင်းရင်းမြစ်များ

Nehemías 4:5

Ama juchankuta qonqayman churaychu, nitaj chay sajra ruwasqankuta qhespichiychu, imaraykuchus paykunaqa perqata oqharichejkunaj sonqonkuta p'akiykunku, nispa.

Salmos 49:2

2 (3) Pisi kallpayojkuna, atiyniyojkunapis uyariychej. Jinallataj qhapajkuna, pisi tiyapuyniyojkuna ima uyarillaychejtaj.

Salmos 59:5

5 (6) Qan Tata Dios, Tukuy Atiyniyoj Dios kanki, Israelpa Diosnintaj. Chayrayku sayarikuspa, jamuy, qanta tukuy mana manchachikojkunata jasut'iy. Millay wasanchajkunamanta amapuni khuyakuychu.

Salmos 62:9

9 (10) Runarí qhasi manakajlla, wajcha runapis, qhapaj runapis kachun. Pesapichus iskayninkuta pesasunman chayqa, wayramantapis aswan chhallalla kankuman.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Isaías 5:15

Tukuy runakuna k'umuykachachisqa kanqanku. Mayta runaykachajkunapis chay jinallamantaj chayanqanku.

Isaías 5:16

Tukuy Atiyniyoj Tata Diosrí justiciata ruwaspa, jatunchasqa kanqa. May Llimphu kaj Diosqa may llimphu kasqanta rikuchenqa cheqan kajta ruwaspa.

Isaías 57:9

Sumajta k'achanchakorqanki, sumaj q'apashaj jawinawan jawiykukuspataj, Moloc lantiman rerqanki. Kachaykikunata karuman kacharqanki, ukhu pachakamataj paykunata urayk'ucherqanki, waj dioskunata mask'apusunankupaj.

Jeremías 18:23

Qantajrí Tata Dios, wañuchinawankupaj imatachus contraypi ruwayta yuyashanku, chayta yachanki. Chay millay ruwasqankumanta ama paykunata qhespichiychu, nitaj juchankuta pampachaychu. Ñawpaqeykipi urmachisqa kachunku. Phiñakuyniykiwan ñak'arichiy, ajinata paykunawan ruway.

Marcos 3:29

Santo Espíritoj contranta rimajpatarí, mana jayk'ajpis juchan pampachasqachu kanqa, manachayqa pay wiñaypaj juchachasqa kanqa, nispa.

Romanos 3:23

Tukuy runakuna juchallikusqanchejrayku Diospa jatun kayninpa k'anchayninpi kanaman mana pipis taripayta atinchejchu.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Colosenses 2:23

Arí, imatachus kamachisqankoqa allin yachayniyoj kayman rijch'akun, imaraykuchus imaynatachus purinata, llamp'u sonqoyoj kanata, chantá ukhunchejwan kasuchikunata ima yachachinku. Chaywanpis, chay kamachisqakunaqa mana pitapis yanapanchu juchallinaman aysaj sonqonpa munayninta atipananpaj.

Josué 24:19

Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.