Isaías 2:4 - DIOSPA QHELQACHISQ

⁴ Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Qheshwa Biblia DC

⁴ Señortaj nacionesta juzganqa, ashkha runastataj cheqanchanqa. Espadasninkuta arado rejasman tukuchenqanku, fierro choqanasninkumanta hocesta ruwakaponqanku. Nitaj mayqen naciompis maqanakunasninta waj naciompa contranta wakichikonqachu, nitaj ch'ajwapajpis oqharikonqachu.

DIOSPA QHELQACHISQAN DEUTEROCANONICAL

⁴ Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 2:4 ပူးပေါင်းရင်းမြစ်များ

Salmos 110:6

Tukuy suyumanta runakunata juzganqa. Ayankuta qollu qollullata tantanqa, kay pachapitaj tukuy kamachejkunata ch'allpanqa.

Salmos 46:10

10 (11) Paytaj nin: K'umuykuychej, chantá noqa Dios kasqayta rejsikapuwaychej. Tukuy suyupi yupaychawanqanku, tukuy kay pachapitaj jatunchawanqanku, nispa.

Salmos 46:9

9 (10) Tukuy kay pachapi maqanakuta ch'inyachin. Flecha kacharina arcota, lanzata ima p'akiran, maqanakupaj ruwasqa carretakunatapis ruphaykuchin.

Salmos 82:8

Sayariy, Diosniyku, kay pachata juzgay, imaraykuchus tukuy suyu qanpata kanku.

Salmos 96:13

Tata Diospa ñawpaqenpi kusikuchunku, imaraykuchus pay jamushan. Arí, pay jamushan kay pachata kamachinanpaj. Chaymantataj kay pachapi tukuy runata maychus kajta, cheqa kajwantaj kamachenqa.

Isaías 32:17

Chay cheqan kajta ruwaypa poqoynenqa allin kawsay kanqa, apamullanqataj ni imamanta manchachikuyta, wiñaypaj kusiy kawsayta ima.

Isaías 32:18

Aylloyqa ni imamanta llakikuspa tiyakonqa, ni pej ima ninan tiyakunapi, chaypitaj samarikonqa.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 42:1

Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Isaías 42:3

Lajrasqa soqosota mana p'akerparenqachu, nitaj ñak'ayllata lawrashaj mecherotapis wañuchenqachu. Manachayqa cheqan justiciata ruwanqa.

Isaías 9:5

5 (4) Soldadokunaj yawarpura p'achanku, botanku ima ninapi ruphachisqa kanqanku.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 2:20

20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Joel 3:10

10 (4.10) Rejankumanta espadata ruwakuchunku, trigo ruthuna hozenkumantataj lanzakunata wakichichunku. Pisi kallpayojkunataj nichunku: Kallpasapa kani, nispa.

Joel 3:12

12 (4.12) Suyukuna maqanakupaj wakichikuchunku, Josafat nisqa vallemantaj richunku. Chaypimin Tata Diosqa Israelpa qayllanpi kaj suyukunata juchachanqa.

Miqueas 4:3

Tukuy suyukuna ukhupi Tata Dios justiciata ruwanqa, jinataj karupi kaj may chhika atiyniyoj suyukunata cheqan ñanman churanqa. Chaypacha paykuna espadankuta rejaman tukuchenqanku, lanzankutapis trigo ruthunaman. Ni mayqen suyupis armankunata maqanakunapaj oqharenqachu, nitaj maqanakunapaj wakichikonqachu.

Zacarías 9:10

Paymin Efrainpa carretankunata phirenqa, Jerusalenpa caballonkunatapis chinkachenqa, jinallataj flechana arconkutapis p'akirparenqa. Chantá tukuy suyukunaman allinpi kawsakuymanta willaranqa, kamachenqataj uj mama qochamanta ujnin mama qochakama, Éufrates mayumantapachataj kay pachaj tukukuyninkama.

Hechos 17:31

Chayqa ajina, imaraykuchus Dios uj p'unchayta wakichinña, chay p'unchaypitaj cheqa kayninman jina tukuy runata juzganqa kachamusqan runanejta. Diostaj sut'ita yachayta qon pichus chay runa kasqanta, chay runata wañusqamanta kawsarichimuspa, nispa. Ajinata Pabloqa juntapi kajkunaman nerqa.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

1 Samuel 2:10

Tata Diosqa awqankunata phirenqa. Janaj pachamantapacha paykunaj patankuman qhon qhonkunata kachaykamonqa. Tata Dioslla tukuy kay pachata juzganqa. Paypis kuraj kamachejninta kallpachanqa, ajllakusqantataj aswan atiyniyojta ruwanqa, nispa.