Isaías 2:3 - DIOSPA QHELQACHISQ

³ Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Qheshwa Biblia DC

³ Ashkha runakuna jamuspa nenqanku: Jakuchej, Señorpa lomanman wicharinachej, Jacobpa Diosnimpa wasinman, pay ñankunasninmanta yachachinawanchejpaj, chaki ñankunasnimpi purinanchejpaj, imaraykuchus leyqa Sionmanta llojsenqa, Señorpa palabrampis Jerusalenmanta.

DIOSPA QHELQACHISQAN DEUTEROCANONICAL

³ Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Isaías 2:3 ပူးပေါင်းရင်းမြစ်များ

Ester (hebreo) 9:27

judiokunaqa Purim nisqa raymi ruwanata usuman tukucherqanku. Paykunaqa chay raymita ruwananku karqa, jinallataj mirayninkupis. Chantá pikunachus judiokunaman k'askaporqanku, chaykunapis sapa wata ruwananku karqa iskay p'unchay junt'ata, maychus kasqanman jina.

Salmos 102:23

23 (24) Wayna kashajtillayraj, Diosqa kallpayta qhechuwan, unayta kawsanaymantataj pisiyachin.

Salmos 110:2

Sionmantapacha Tata Dios kamachinayki varata qosunki, awqaykikunata kamachinaykipaj.

Salmos 119:171

Qanta jatunchaspa takiykunaqa simiymanta phullchirimuchun, imaraykuchus qan kamachisqaykita yachachiwanki.

Salmos 122:1

(1b) Noqaqa manchayta kusikuni: Tata Diospa wasinman jaku rina, nispa niwajtinku.

Salmos 48:1

1 (2) Tata Diosqa may jina jatunmin, Diosninchejtaj llajtanpi, ajllakusqan orqopi ima yupaychanapaj jinamin.

Isaías 1:26

Ñawpajta jina sumaj juezkunata churapusqayki, jinallataj yuyaychasojkunapis qallariypi jina kapusonqanku. Chaymantataj Jerusalenta sutichanqanku: Cheqan Justiciata Ruwaj Llajta, nispa, jinallataj: Tata Diosman K'askasqa Llajta, nispa.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 19:23

Chaypacha Egiptomanta Asiriaman jatun ñan kanqa. Asiriamanta kajkunaqa Egiptoman renqanku, jinallataj Egiptomanta kajkunapis Asiriaman rillanqankutaj. Paykunataj khuska Tata Diosta yupaychanqanku.

Isaías 28:9

Paykunaqa Tata Diosmanta ninku: Pay yachachinawanchejpajchu jamun? Tata Dios imatachus nisqan chayta yachachiyta munawanchejchu, ñuñumanta p'itisqallarajpis kasunman jinata?

Isaías 44:5

Chaypachataj nenqanku: Noqaqa Tata Diospata kani, nispa. Ujtaj nenqa: Noqaqa Jacobpa mirayninmanta kani, nispa. Ujkunataj makinkupi qhelqakonqanku: Noqaqa Tata Diospata kani, nispa. Israel sutiwantaj sutichakonqanku, nispa.

Isaías 56:5

noqaj Temploypa pationpi, perqawan muyuykuchisqa llajtaypi ima sutinku qhelqasqa kanqa. Noqa paykunaman may uyarisqa sutita qosaj, chay wiñaypaj qosqa sutitaj mana jayk'aj chinkachisqachu kanqa. Chaytaj capasqa runapaj aswan sumaj kanqa wawayoj kanamanta nisqaqa.

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Isaías 60:3

Chantá tukuy suyukuna qanpa k'anchayniykiman jamonqanku, kuraj kamachejkunapis chay k'anchayniykej lliphipiyninpi purenqanku.

Isaías 65:11

Qankunarí, noqa Tata Diosta saqerpariwankichej, ajllakusqay orqomantataj qonqapunkichej. Chantá suerteta choqanaykichejpaj mesakunata churankichej, jinataj mana rejsisqa dios Gadman, Mení diosman ima vinowan ch'allankichej.

Isaías 66:20

Paykunallataj tukuy suyumanta tukuy aylluykichejta pusamonqanku, uj jaywanatapis Tata Diosman apamushankuman jina. Caballokunapi, carretakunapi chayamonqanku, wantunapi, mulakunapi, camellokunapi ima, Jerusalén ajllakusqay orqoyman. Ajinata noqa Tata Dios nini. Imaynatachus israelitakuna jaywanata apamunku Tata Diospa Templonman llimphu vasokunapi, kikillantataj aylluykichejta pusampusonqachej.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 26:18

Judá suyuta kuraj kamachej Ezequías kamachishajtin, Moreset llajtayoj Miqueas Tata Diospa sutinpi tukuy Judamanta runakunaman kay jinata parlasqa: Tukuy Atiyniyoj Tata Dios nin: Sionqa llank'ana jallp'aman tukonqa, Jerusalentaj raqayman. Diospa Templon kashan, chay orqopitaj ch'umi wiñaykonqa, nispa.

Jeremías 31:6

Uj p'unchay chayamonqa, chay p'unchaypitaj llajtata qhawajkuna Efrainpa orqonkunapi qhaparenqanku: Jamuychej, Sión orqoman jaku rinachej Tata Diosninchejta yupaychaj, nispa.

Ezequiel 40:2

Diosqa mosqoypi jina Israelpa suyuman pusamuwarqa, uj jatun orqo patamantaj sayaykuchiwarqa. Chaymanta uraynejpi uj jatun llajtaman rijch'akojta rikorqani.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Miqueas 4:2

May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

San Mateo 7:24

Pichus kay yachachisqayta uyarispa ruwajqa sumaj yuyayniyoj, paytaj chhanka patapi wasichakoj runaman rijch'akun.

San Lucas 11:28

Jesustajrí kuticherqa: Diospa simi nisqanta uyarispa kasojkunamari kusikuyniyoj kanku, nispa.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

San Juan 4:22

Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Hechos 1:8

Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Hechos 10:33

Chay ratopachataj noqa kachaykunata qanman kachamorqani. Qantaj allinta ruwanki kayman jamurispa. Kunanqa tukuyniyku Diospa ñawpaqenpi tantasqa kashayku, imatachus Dios willasusqanta uyarinaykupaj, nispa.

Romanos 10:18

Kunanrí tapuni: Manachu israelitakuna Jesucristomanta sumaj willayta uyarerqanku? Arí, uyarerqankupuni, imaynatachus Salmos sutiyoj qhelqapi nin: Paykunaj willasqankoqa tukuynejman chayarqa, kay pachapi tukuy runaman, nispa.

Deuteronomio 33:19

Paykunaqa waj suyukunamanta runata orqonkuman wajyanqanku. Chaypitaj Tata Dios jap'ikunanpaj jina q'olachisqa jaywanata jaywanqanku. Mama qochanta qhatuwan purispa, ganasqankumanta kusikonqanku, mama qocha kantu t'iyupi pakasqa qhapaj imakunata tarisqankumanta ima, nispa.

Deuteronomio 6:1

Kaymin kamachisqakuna, yachachiykuna, yuyaychaykuna ima kanku. Chaykunata Tata Diosniykichej qankunaman yachachinaypaj kamachiwarqa, jap'inkichej chay jallp'api junt'anaykichejpaj.

Santiago 1:25

Aswanpis Diospa mana pantayniyoj kacharichej kamachisqanta allinta qhawana. Chantá mana qonqaspa, chayta kasuna. Pichus Diospa nisqanta ajinata kasojtaqa Dios saminchanqa.