Isaías 2:20 - DIOSPA QHELQACHISQ

²⁰ Chay p'unchaykunapi runakuna qorimanta, qolqe metalmanta yupaychanankupaj ruwakusqanku lantikunata saqenqanku. Chay dioskunankutaqa juk'uchakunaman, chiñikunaman ima wijch'uykonqanku.

Qheshwa Biblia DC

²⁰ Chay p'unchaykunapi runasqa, qorimanta, qolqemanta ima yupaychanankupaj ruwakusqanku lantista, juk'uchasman, ch'iñisman ima wijch'onqanku.

DIOSPA QHELQACHISQAN DEUTEROCANONICAL

²⁰ Chay p'unchaykunapi runakuna qorimanta, qolqe metalmanta yupaychanankupaj ruwakusqanku lantikunata saqenqanku. Chay dioskunankutaqa juk'uchakunaman, chiñikunaman ima wijch'uykonqanku.

Isaías 2:20 ပူးပေါင်းရင်းမြစ်များ

Génesis 35:4

Jinata Jacob nejtin, ayllonqa tukuy imaymana lantikunata payman jaywarqanku, jinallataj jaluchukunatapis jaywallarqankutaj. Jacobtaj chaykunata Sichem nisqa qayllapi kaj encina sach'a uraman p'ampaykorqa.

Eclesiastés 3:6

Uj tiempoqa mask'anapaj tiyan, uj tiempotaj chinkachinapaj. Uj tiempoqa waqaychanapaj tiyan, uj tiempotaj wijch'unapaj.

Isaías 10:3

Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Isaías 17:8

Manaña lantikuna yanapananta mask'anqankuchu, nitaj makinkuwan ruwasqa lantikunata yupaychanqankuchu, nillataj k'ullu lantikunatapis. Manañataj k'ullumanta Asera lantikunata yupaychanqankuchu, nitaj maypichus lantikunaman inciensota q'oshñichinku, chay altarkunamanpis k'umuykukonqankuchu.

Isaías 30:22

Chantá qhesachankichej qolqe metalmanta ruwasqa lantiykichejta, jinallataj qoriwan lluch'isqa lantiykichejtapis. Qankunaqa chaykunata millay ch'ichi thantata jina qhawankichej, ninkichejtaj: Llojsiychej kaymanta, nispa.

Isaías 31:7

Chay p'unchay chayamojtin, sapa ujniykichej qolqe metalmanta chayrí qorimanta ruwasqa lantiykichejta pampaman choqankichej, mayqenkunatachus juchasapa makiykichejwan ruwakorqankichej, chaykunata.

Isaías 40:19

Lantita ruwaj runaqa ninapi metalta unuyachispa, lantita jich'an. Qoriwan k'achanchayta yachaj runataj chay lantita qoriwan lluch'in, qolqe metalmanta cadenakunatapis ruwapullantaj.

Isaías 46:1

Bel diosqa k'umpuykukun. Nebo diospis pampaman wijch'ukun. Chay lantikunaqa burropi chajnasqa rinku, llasa q'epita apajkunataj kharkatitinku llasa kasqankurayku.

Isaías 46:6

Wakinkunaqa wayaqankumanta qorita orqhonku, chayrí qolqe metalta romanapi aysanku. Chaymantataj lanti ruwajta mink'aspa, lantita ruwachinku. Chantá chay ruwasqa diosman qonqorikuspa, payta yupaychanku.

Ezequiel 14:6

Chayrayku Israel aylluman niy: Kay jinata nin Tukuyta Kamachej Tata Dios: Lantiykichejkunata, tukuy millay ruwaykunatawan saqerpayaspa, Tata Diosman kutirikuychej, nispa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 7:19

Qolqenkutapis qorinkutapis ñanman q'opata jina wijch'onqanku. Tata Diospa k'araj phiñakuynin p'unchaypi ni qorinku, nitaj qolqenkupis paykunata qhespichiyta atenqachu. Qolqenkoqa mana paykunata sajsachiyta atenqachu, nitaj wijsankutapis junt'achiyta, imaraykuchus qolqemanta wañurisqa kayninkoqa paykunata millay kawsayman aparqa.

Oseas 14:8

Qan Efraín ninki: Lantikunawan ni ima ruwanay kanchu, nispa. Chantá noqa uyarisqayki, noqallataj waqaychasqayki. Noqa, qanpaj kani pino jina q'omerllapuni. Noqapitaj qan ayllúy, allin kayta tarinki.

Levítico 11:19

pariwanata, tukuy imaymana wajchillata, abubilla nisqa p'isqota, chiñita ima.

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

San Lucas 23:30

Chaypachallataj runakuna orqokunata nenqanku: Pataykuman urmaykamuwayku, nispa. Lomakunatataj nenqanku: P'ampaykuwayku, nispa.