Isaías 2:2 - DIOSPA QHELQACHISQ

² Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Qheshwa Biblia DC

² Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

DIOSPA QHELQACHISQAN DEUTEROCANONICAL

² Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Isaías 2:2 ပူးပေါင်းရင်းမြစ်များ

Génesis 49:1

Chaymanta qhepaman Jacobqa churinkunata wajyachispa, nerqa: Qayllamuwaychej, noqataj nisqaykichej qhepanejman qankunawan imachus kananmanta:

Job 19:25

Noqarí yachani kutikuwajniy kawsashasqanta, kay pachapi pay noqaman kutikunawanta yachallanitaj.

Salmos 102:23

23 (24) Wayna kashajtillayraj, Diosqa kallpayta qhechuwan, unayta kawsanaymantataj pisiyachin.

Salmos 2:8

Mañakuway suyukunata chayaqeykipaj qosunayta, noqataj tukuy kay pachata qosqayki.

Salmos 22:27

27 (28) Tukuy kay pachamanta runakunapis Tata Diosmanta yuyarikuspa, payman kutirikullanqankutaj, ñawpaqenpitaj tukuy runakuna qonqorikonqanku,

Salmos 22:28

28 (29) imaraykuchus Tata Diosqa kuraj kamachejmin, paytaj tukuy suyukunata kamachin.

Salmos 48:2

2 (3) Sión orqoqa tukuy kay pachapi runakunapaj manchay k'achitumin. Kuraj kamachejpa llajtanmanta wichaynejpi kashan.

Salmos 68:17

17 (18) Diospa carretankunaqa yupay mana atina kanku, chay carretakunapitaj Tukuyta Kamachej Dios Sinaí orqonmanta yupaychana wasinman jamun.

Salmos 72:8

Pay kamachichun ujnin mama qochamanta ujnin mama qochakama, Éufrates mayumantapachataj kay pachaj k'uchunkama.

Salmos 86:9

Tukuyta Kamachej Dios, sayarichisqayki suyukuna jamuspa, qanta yupaychasonqanku, sutiykitataj jatunchanqanku.

Salmos 87:1

(1b) Diospa llajtanpa cimientonqa ajllakusqan orqo patapi churasqa kashan.

Salmos 87:2

Tata Dios Sión llajtata astawan munakun, Jacobpa tukuy llajtankunamanta astawan.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 25:6

Chaypachataj Tukuy Atiyniyoj Dios Sión orqopi tukuy suyupaj jatun mikhuyta wakichenqa misk'i mikhuykunawan, sumaj kaj vinowan ima. Chantá sumaj kaj aycha mat'akunata mikhuchenqa, aswan sumaj poqosqa vinotawan ujyachenqa.

Isaías 27:13

Chaypacha jatun trompetata waqachenqanku. Chantá Asiriapi ch'eqerasqa kajkuna jamponqanku, jinallataj Egiptoman wijch'usqa kajkunapis. Chayamuspataj, Jerusalenpi kaj Diospaj t'aqasqa orqopi Tata Diosta yupaychanqanku.

Isaías 30:29

Qankuna Diospa ayllunmanta kajkunapajrí takiykuna kanqa, Pascua jatun raymi ch'isipi jina. Sonqoykichejqa kusisqa kanqa, imaynatachus qenata tocarej runaqa israelitakunata Tata Diospa orqonman kusiywan pusan israelitakunaj pakakunanku Tata Diosta jatunchanankupaj, ajina.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 56:5

noqaj Temploypa pationpi, perqawan muyuykuchisqa llajtaypi ima sutinku qhelqasqa kanqa. Noqa paykunaman may uyarisqa sutita qosaj, chay wiñaypaj qosqa sutitaj mana jayk'aj chinkachisqachu kanqa. Chaytaj capasqa runapaj aswan sumaj kanqa wawayoj kanamanta nisqaqa.

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Isaías 60:3

Chantá tukuy suyukuna qanpa k'anchayniykiman jamonqanku, kuraj kamachejkunapis chay k'anchayniykej lliphipiyninpi purenqanku.

Isaías 65:11

Qankunarí, noqa Tata Diosta saqerpariwankichej, ajllakusqay orqomantataj qonqapunkichej. Chantá suerteta choqanaykichejpaj mesakunata churankichej, jinataj mana rejsisqa dios Gadman, Mení diosman ima vinowan ch'allankichej.

Isaías 66:20

Paykunallataj tukuy suyumanta tukuy aylluykichejta pusamonqanku, uj jaywanatapis Tata Diosman apamushankuman jina. Caballokunapi, carretakunapi chayamonqanku, wantunapi, mulakunapi, camellokunapi ima, Jerusalén ajllakusqay orqoyman. Ajinata noqa Tata Dios nini. Imaynatachus israelitakuna jaywanata apamunku Tata Diospa Templonman llimphu vasokunapi, kikillantataj aylluykichejta pusampusonqachej.

Isaías 66:23

Killamanta killa, sapa mosoj killapi, sapa samarina p'unchaypi, paykuna tukuyninku noqata yupaychawaj jamonqanku. Ajinata noqa Tata Dios nini.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 23:20

Tata Diospa k'araj phiñakuynenqa mana thasnukonqachu, imachus ruwananta junt'anankama. Qhepanejman qankunaqa chaykunamanta sut'ita yachaqankichej.

Jeremías 26:18

Judá suyuta kuraj kamachej Ezequías kamachishajtin, Moreset llajtayoj Miqueas Tata Diospa sutinpi tukuy Judamanta runakunaman kay jinata parlasqa: Tukuy Atiyniyoj Tata Dios nin: Sionqa llank'ana jallp'aman tukonqa, Jerusalentaj raqayman. Diospa Templon kashan, chay orqopitaj ch'umi wiñaykonqa, nispa.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 30:24

Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Jeremías 31:12

Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

Jeremías 48:47

Chaywanpis qhepanejman noqaqa Moabta imaynachus ñawpata karqa, ajinaman kutichisaj. Noqa Tata Diosmin chayta nini. Kaykama kashan Moab jasut'isqa kananmanta Jeremiaspa willasqanqa.

Jeremías 49:39

Chaywanpis aswan qhepaman noqaqa ñawpa tiempopi kasqankuman jina paykunata Elamman kutichisaj. Noqa Tata Diosmin chayta nini.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Ezequiel 38:16

Chantá Israel aylluypa contranpi qan maqanakoj yaykunki, yana phuyu jina Israelpa tukuynin jallp'anta p'ampaykuspa. Chay qhepa p'unchaykunapi noqaqa aylluypa contranpi pusamusqayki, waj suyukunamanta runakuna noqata rejsinawankupaj. Chaypachataj qannejta noqa may llimphu kasqayta rikuchikusaj, nispa.

Ezequiel 40:2

Diosqa mosqoypi jina Israelpa suyuman pusamuwarqa, uj jatun orqo patamantaj sayaykuchiwarqa. Chaymanta uraynejpi uj jatun llajtaman rijch'akojta rikorqani.

Daniel (hebreo) 10:14

Noqa jamuni willasunaypaj qhepanejman llajta masiykikunaman imachus jamunanmanta. Imatachus rikusqaykeqa, chay p'unchaykunamantamin willashan, nispa.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Daniel (hebreo) 2:35

Chantá ujllata fierropis, t'urupis, broncepis, qolqe metalpis, qoripis ima ñut'u jallp'a jina rikhurisqa. Jinataj imaynatachus trigota wayrajtinchej wayraqa pajata apakapun, ajinata wayraqa chay tukuyta oqharisqa mana imata puchuchispa. Lantita phiriykusqa, chay rumitajrí jatun orqoman tukusqa, tukuy kay pachamantaj junt'aykusqa.

Daniel (hebreo) 2:45

Chantá qan kamachejníy, mana pejpa tanqarimusqallan rumita orqomanta choqakamojta rikorqanki, mayqenchus fierrota, bronceta, t'uruta, qolqe metalta, qoritapis ñut'u jallp'aman tukuchisqa, chay, icharí? Chaymin tukuyta atipaj chay suyu karqa. Ajinamanta Tukuy Atiyniyoj Tata Diosqa qhepanejman imachus kananmanta qanman rikuchisunki. Mosqokusqaykeqa cheqamin, sut'inchayninpis cheqallataj, nispa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Zacarías 14:10

Chantá Jerusalenmanta uraynejpi, Gebamanta Rimonkama tukuy kay suyu pampaman tukonqa. Jerusalén llajta may uyarisqa kanqa, chaynejpitaj runakuna Benjamín Punkumantapacha Esquina Punku nisqakama tiyakonqanku, maypichus ñawpa punku karqa, chaykama. Jinallataj tiyakonqanku Jananelpa Torrenmantapacha kuraj kamachejpata uva sarunan cheqakama.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Zacarías 8:22

Ajinamanta Jerusalenman runakuna jamonqanku atiyniyoj suyukunamanta jinataj ashkha llajtakunamanta ima Tukuy Atiyniyoj Tata Diosta mask'aj, yanapananta mañakunankupaj.

Zacarías 8:3

Chayrayku Sionman kutisaj, Jerusalenpitaj tiyakapusaj. Chaypacha Jerusalenqa Cheqanta Purej Llajta nisqa kanqa. Tukuy Atiyniyoj Tata Diospa orqontaj Diospaj T'aqasqa Orqo nisqa kanqa, nispa.

Malaquías 3:12

Chantá jallp'aykichej may moq'ena kanqa, tukuy suyukunapi kaj runakunataj imayna kusikuyniyojchus kasqaykichejmanta mayta parlanqanku. Noqa Tukuy Atiyniyoj Tata Dios ajinata nini.

Números 24:14

Jinaqa, llajtayman kutipusaj. Manaraj ripushasparí, qhepanejman israelitakuna runaykikunata imatachus ruwanankuta willasqayki.

Hechos 2:17

Dios nin imachus qhepa p'unchaykunapi kananta: Tukuy runaman Espirituyta qosaj. Jinataj churiykichej, ususiykichejpis Diosmanta sut'inchanqanku. Qankuna ukhumanta waynakunaqa mosqoypi jina rikonqanku, machu runaykichejkunapis mosqokullanqankutaj.

2 Timoteo 3:1

Timoteo, kaytapis yachanallaykitaj tiyan: Tukukuy qaylla p'unchaykunata sinch'i llakiy p'unchaykuna kanqa.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

2 Pedro 3:3

Ñawpajta kayta yachaychej: Qhepanejman cheqa kajmanta alqorakojkuna rikhurimonqanku, paykunataj sonqonkoj millay ruwayta munasqanman jina purenqanku.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.