Isaías 2:18 - DIOSPA QHELQACHISQ

¹⁸ Chantá Tata Diosqa tukuy lantikunatapis chinkachillanqataj.

Qheshwa Biblia DC

¹⁸ Lantistaj chinkachisqas kanqanku.

DIOSPA QHELQACHISQAN DEUTEROCANONICAL

¹⁸ Chantá Tata Diosqa tukuy lantikunatapis chinkachillanqataj.

Isaías 2:18 ပူးပေါင်းရင်းမြစ်များ

Isaías 2:17

Ajinamanta runaj wapuykachaynenqa k'umuykuchisqa kanqa, runaj machu machu kaynintaj urmachisqa kanqa. Chay juicio p'unchaypeqa Tata Dioslla jatunchasqa kanqa.

Isaías 21:9

Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Isaías 27:9

Ajinamanta Jacobpa millay ruwasqan pampachasqa kanqa. Chay runakunaj juchanku pampachasqa kasqanmantataj paykuna kayta ruwanqanku: Lantikunaj altarninkoj tukuy ruminta, cal rumita jina ñut'usqata ruwanqanku. Lanti Asera k'ullukunatapis manaña sayajta saqenqankuchu, nitaj lantiman inciensota q'oshñichina altarkunatapis.

Isaías 46:1

Bel diosqa k'umpuykukun. Nebo diospis pampaman wijch'ukun. Chay lantikunaqa burropi chajnasqa rinku, llasa q'epita apajkunataj kharkatitinku llasa kasqankurayku.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Jeremías 51:18

Chaykunaqa mana imapaj walejchu kanku, asikunapaj jina. Tata Dios juicio p'unchaypi chaykunata chinkarparichenqa.

Ezequiel 30:13

Tukuyta Kamachej Tata Dios kay jinata nillantaj: Menfis llajtaj tukuy diosninkuta t'unaykusaj. Egiptopi manaña kuraj kamachej kanqachu. Tukuy suyupitaj manchachikuy junt'a kanqa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 37:23

Manañataj millay lantikunata yupaychaspa ch'ichichakonqankuchu, nitaj millayta ruwanqankuchu, nillataj contrayta oqharikonqankuchu. Noqa paykunata kacharichisaj, maypichus juchallikorqanku, chay cheqamanta, paykunatataj llimphuchasaj. Ajinamanta aylluy kanqanku, noqataj paykunaj Diosninku kasaj.

Ezequiel 6:6

Maypichus paykuna tiyakunku, chay llajtakuna thuñisqallataj kanqanku. Tukuy altarninkukuna phirisqapuni kanqanku. Lantinkukunapis, intiman rijch'akoj lantinkukuna ima phirisqallataj kanqanku. Inciensota q'oshñichinanku altarkunapis thuñichisqallataj kanqanku. Tukuy ima ruwasqankupis chinkachisqa kanqa.

Oseas 14:8

Qan Efraín ninki: Lantikunawan ni ima ruwanay kanchu, nispa. Chantá noqa uyarisqayki, noqallataj waqaychasqayki. Noqa, qanpaj kani pino jina q'omerllapuni. Noqapitaj qan ayllúy, allin kayta tarinki.

Miqueas 1:7

Tukuy lantinkupis phirisqa kanqanku, k'ullumanta tukuy lantikunapis ruphachisqa kanqanku. Chaykunaqa phisu warmikunaj qolqe ganasqankuwan ruwasqa karqa. Chayrayku ujtawan phisu warmikunaj qolqellankumantaj tukuchisaj, nispa.

Miqueas 5:13

13 (12) Noqaqa lantiykikunata phirillasajtaj, ch'eqosqa yupaychana rumiykitapis. Ajinamanta manaña jayk'ajpis makiykej ruwasqan dioskunaman k'umuykuspa yupaychankichu.

Sofonías 1:3

Runakunata, animalkunata, p'isqokunata, jinallataj challwakunatapis chinkachisaj. Millay runakunatapis urmachillasajtaj, jallp'a patamantataj tukuy runakunata chinkarparichisaj, nispa. Noqa Tata Diosmin chayta nini.

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Zacarías 13:2

Chay p'unchaypi tukuy kay suyumanta lantikunata chinkachisaj, jinamanta manaña pipis sutinkumanta yuyarikunanpaj. Jinallatataj llulla sut'inchajkunatapis chinkachisaj, jinallataj millayta ruway munanata ima. Noqa Tukuy Atiyniyoj Tata Diosmin chayta nini.