Isaías 2:12 - DIOSPA QHELQACHISQ

¹² Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Qheshwa Biblia DC

¹² Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

DIOSPA QHELQACHISQAN DEUTEROCANONICAL

¹² Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 2:12 ပူးပေါင်းရင်းမြစ်များ

2 Samuel 22:28

Llamp'u sonqoyojkunata qan kacharichinki, uma oqharejtarí, k'umuykuchinki.

Job 24:1

Sichus Tukuy Atiyniyoj Dios tukuy imachus kananmanta yachan chayqa, imaraykutaj payta qhatejkuna imatachus ruwanankuta mana yachankuchuri?

Salmos 131:1

(1b) Tata Dios, sonqoyqa mana jatunchakunchu, nitaj ñawiypis ni pita pisipaj qhawanchu. Mana jatuchaj t'ukuna imakunaj qhepantachu purini, nitaj mana ruway atinaj qhepantapis.

Salmos 18:28

28 (29) Tata Dios, Diosníy, purinayta k'anchaj kanki, laqhayaypi kashajtiytaj qan k'anchaykuwanki.

Salmos 37:13

Tukuyta Kamachej Diostajrí millayta ruwajkunamanta asiykukun, imaraykuchus pay yachan millayta ruwaj chinkachisqa kanan p'unchay chayamunanta.

Salmos 94:2

Qanmin kay pachapi runakunata cheqanta juzgaj juez kanki. Chayrayku runaykachajkunaj contrankupi oqharikuy, ruwasqankuman jinataj pagapuy.

Proverbios 16:5

Tata Diosqa runaykachajkunata millachikun, paykunataj jasut'isqapuni kanqanku.

Isaías 10:12

Chaywanpis Tata Dios Sión orqopi, Jerusalenpiwan Asirianejta imachus ruwananta ruwaytawan, Asiriata kuraj kamachejtañataj jasut'enqa wapuykachasqanmanta, may kasqanta yuyakusqanmantataj.

Isaías 10:33

Chaywanpis Tukuy Atiyniyoj Tata Diosta qhawariychej, imaraykuchus manchay kallpanwan Asiria sach'ata k'ajllaranqa. Astawan jatuchaj kaj sach'akunapis k'utusqa kanqanku, aswan jatunchajkunatataj pampaman urmachenqa, chay runaykachaj sach'atataj k'uturanqa.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Isaías 13:6

Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Isaías 13:9

Tata Diospa p'unchaynenqa manchaytapuni jamushan, chay p'unchaytaj manchay ñak'ariy p'unchay kanqa. K'araj phiñakuytaj kay pachata ch'inpachata saqenqa, tukuy juchasapakunatapis chinkarparichenqa.

Isaías 14:15

Aswanpis qanqa, maypichus wañusqakuna kashanku, chayman urayk'unki, ukhu pachaj sonqonman.

Isaías 23:9

Kaytaqa Tukuy Atiyniyoj Tata Diosmin wakicherqa, Tiro llajtayoj may jatun kasqankuta yuyakojkunata p'enqaypi rikhurichinanpaj, jinallataj kay pachapi atiyniyojkunata mayta k'umuykuchinanpaj.

Isaías 24:21

Chaypacha Tata Diosqa janaj pachapi atiyniyojkunata jasut'enqa, jinallataj kay pachapi kaj kuraj kamachejkunatapis.

Isaías 24:4

Jallp'aqa ch'akipun, chaypi kajtaj qawishan. Kay pacha onqospa umphushan. Kay pachapi jatunpaj qhawasqa runakunapis ñak'arishallankutaj.

Isaías 40:23

Tata Diosqa atiyniyoj runakunata manakajman tukuchin. Kay pachapi kamachejkunatapis manapis kankumanchu jinaman tukuchillantaj.

Isaías 42:15

Chantá noqa orqokunata, kinraykunata ima ch'inman tukuchisaj, chaypi q'omer kaj chhikatapis ch'akirachisaj. Mayukunata ch'aki pampaman tukuchisaj. Qochakunatapis ch'akirachillasajtaj.

Isaías 5:15

Tukuy runakuna k'umuykachachisqa kanqanku. Mayta runaykachajkunapis chay jinallamantaj chayanqanku.

Isaías 61:2

Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Jeremías 12:9

Aylloyqa k'achitu phuruyoj anka jina. Chaywanpis waj ankakuna payta maqaj wakiykunku. Jamuychej tukuy k'ita animalkuna, tantaykukuspa, payta t'isarpariychej.

Jeremías 13:9

Tata Dios ajinata nin: Ajinallatataj Judajta, Jerusalenpatawan runaykachayninkuta ismuchisaj.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 46:10

Chaymin Tukuy Atiyniyoj Tata Diospa p'unchaynin kanqa, chay p'unchaypitaj tukuy awqankunawan pagachikonqa. Espadaqa manaña atinankama t'ojsenqa, paykunaj yawarninkupitaj wayt'anqa. Tukuy Atiyniyoj Tata Dios wichaynej suyupi, Éufrates mayu qayllapi, soldadokunata wañurachenqa.

Jeremías 50:31

Tukuy Atiyniyoj Tata Dios nillantaj: Runaykachaj suyu, qanpa contraykipi noqa kashani, imaraykuchus jasut'isunay p'unchayqa chayamunña.

Ezequiel 13:5

Perqa q'asata qhawaj mana wicharerqankuchu, nitaj perqatapis sayacherqankuchu Israel aylloj muyuyninpi llajtata waqaychananpaj. Tata Diospa p'unchaynin llajtaman chayamojtin, mana imapipis yanaparqankuchu maqanaku p'unchaypi sayananpaj.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Amós 5:18

Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Miqueas 2:3

Chayraykumin Tata Dios nin: Noqapis contraykichejpi wakichikushani. Qankunaman jatun llakiyta apachimusaj, chaymantataj mana ni imaynamanta llusp'iyta atinkichejchu. Manañataj mayta runaykachaspa purinkichejchu, imaraykuchus manchay ñak'arina tiempo kanqa.

Miqueas 5:11

11 (10) Llajtaykikunata raqayllamanña tukuchisaj, tukuy sumaj jark'achasqa wasiykikunatapis urmarachisaj.

Sofonías 1:16

Chay p'unchaypi pututu waqanqa. Jinapitaj awqaykichejqa jark'achasqa llajtakunaj contrankupi, jatuchaj qhawana torrenkunaj contrankupi ima jap'inankupaj kachaykonqanku.

Sofonías 3:11

Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

Malaquías 4:5

5 (3.23) Sumajta uyariwaychej: Noqaqa sut'inchaj Eliasta kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj.

San Mateo 23:12

Jatunchakojrí k'umuykuchisqa kanqa, k'umuykukojtaj jatunchasqa kanqa.

San Lucas 14:11

Chayqa ajina, imaraykuchus jatunchakojqa k'umuykuchisqa kanqa, k'umuykojtajrí jatunchasqa kanqa, nispa.

1 Corintios 5:5

chay runata iglesiamanta qharqospa, Kuraj Supaypa makinman jaywaykuychej. Ajinamanta Supay ukhunta ñak'arichinman chaypis, alman qhespichisqa kanqa Tukuyta Kamachej Jesús kutimojtin.

1 Tesalonicenses 5:2

Qankuna allinta yachankichej Tukuyta Kamachej Jesuspa kutimunan p'unchay kaymanta jinalla chayamunanta, imaynatachus suwaqa mana yuyasqallamanta tutan jamun, ajinata.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.