Isaías 2:11 - DIOSPA QHELQACHISQ

¹¹ Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Qheshwa Biblia DC

¹¹ Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

DIOSPA QHELQACHISQAN DEUTEROCANONICAL

¹¹ Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Isaías 2:11 ပူးပေါင်းရင်းမြစ်များ

2 Samuel 22:28

Llamp'u sonqoyojkunata qan kacharichinki, uma oqharejtarí, k'umuykuchinki.

Salmos 18:27

27 (28) Llamp'u sonqoyojkunata qan qhespichinki, runaykachajkunatarí k'umuykuchinki.

Salmos 18:28

28 (29) Tata Dios, Diosníy, purinayta k'anchaj kanki, laqhayaypi kashajtiytaj qan k'anchaykuwanki.

Salmos 20:8

8 (9) Paykunaqa llawch'iyaspa, pampaman urmanku, noqanchejrí mana urmaspa sayashanchej.

Salmos 46:10

10 (11) Paytaj nin: K'umuykuychej, chantá noqa Dios kasqayta rejsikapuwaychej. Tukuy suyupi yupaychawanqanku, tukuy kay pachapitaj jatunchawanqanku, nispa.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 94:2

Qanmin kay pachapi runakunata cheqanta juzgaj juez kanki. Chayrayku runaykachajkunaj contrankupi oqharikuy, ruwasqankuman jinataj pagapuy.

Proverbios 16:5

Tata Diosqa runaykachajkunata millachikun, paykunataj jasut'isqapuni kanqanku.

Proverbios 30:13

Wakenqa may kasqankuta yuyakunku, runa masinkutataj pisipaj qhawanku.

Isaías 10:12

Chaywanpis Tata Dios Sión orqopi, Jerusalenpiwan Asirianejta imachus ruwananta ruwaytawan, Asiriata kuraj kamachejtañataj jasut'enqa wapuykachasqanmanta, may kasqanta yuyakusqanmantataj.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 12:4

Chaypacha ninkichej: Tata Diosman pachis nispa, sutinta yupaychaychej. Imatachus ruwasqanta tukuy runaman willamuychej, jinallataj Tukuy Atiyniyoj kasqanmantapis willallaychejtaj.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Isaías 14:15

Aswanpis qanqa, maypichus wañusqakuna kashanku, chayman urayk'unki, ukhu pachaj sonqonman.

Isaías 2:17

Ajinamanta runaj wapuykachaynenqa k'umuykuchisqa kanqa, runaj machu machu kaynintaj urmachisqa kanqa. Chay juicio p'unchaypeqa Tata Dioslla jatunchasqa kanqa.

Isaías 23:9

Kaytaqa Tukuy Atiyniyoj Tata Diosmin wakicherqa, Tiro llajtayoj may jatun kasqankuta yuyakojkunata p'enqaypi rikhurichinanpaj, jinallataj kay pachapi atiyniyojkunata mayta k'umuykuchinanpaj.

Isaías 24:21

Chaypacha Tata Diosqa janaj pachapi atiyniyojkunata jasut'enqa, jinallataj kay pachapi kaj kuraj kamachejkunatapis.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 26:1

Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

Isaías 28:5

Chaypacha Tukuy Atiyniyoj Tata Dios israelitakunamanta puchojkunapaj may sumaj lliphipishaj k'achanchasqa pillu jina kanqa.

Isaías 29:18

Chaypacha pipis p'anqata sinch'ita ñawirejtin, joq'arakuna uyarenqanku. Ñawsakunapis laqha ukhupi kaspa, sut'ita rikonqanku.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 4:1

Chay p'unchaykunapi pisi qharikuna kanqanku. Chayrayku qanchis warmikuna uj qharillaman ch'ipakuspa, nenqanku: Noqaykoqa mikhunallaykumanta mikhusqayku, p'achallaykuwantaj p'achallikusqayku. Chaywanpis noqaykuwan casaraspa, warmiykipaj rejsikapuwayku, ama p'enqaypi warmisapa qhepakunaykupaj, nispa.

Isaías 40:23

Tata Diosqa atiyniyoj runakunata manakajman tukuchin. Kay pachapi kamachejkunatapis manapis kankumanchu jinaman tukuchillantaj.

Isaías 52:6

Uj p'unchay chayamonqa, chaypachataj israelitakuna sutiyta rejsenqanku. Chay p'unchaypitaj yachanqanku noqapuni chayta ruwasqayta. Arí, chayta noqapuni nini.

Jeremías 12:9

Aylloyqa k'achitu phuruyoj anka jina. Chaywanpis waj ankakuna payta maqaj wakiykunku. Jamuychej tukuy k'ita animalkuna, tantaykukuspa, payta t'isarpariychej.

Jeremías 9:24

24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

Ezequiel 38:14

Chayrayku runaj churin, Gogman sut'inchaspa, niy: Tukuyta Kamachej Tata Dios kay jinata nisunki: Jamoj p'unchaypi Israel aylluy mana imamanta manchachikuspa tiyakushajtin, qanqa contranpi puririnki.

Ezequiel 38:19

K'araj phiñakuyniypitaj tiluspa, noqa nini: Chaypacha Israel suyupi sinch'i jallp'a ikhakuy kanqa.

Ezequiel 39:11

Chay p'unchaypi Gogman uj aya p'ampanata Israelpi qosaj, chaypi p'ampasqa kananpaj, Purejkunaj Vallen nisqapi, mayqenchus Wañusqa Qochaj chimpanpi kashan, chaypi. Chaytaj chayninta purejkunata jark'anqa, imaraykuchus chaypi Gogta chantá tukuy soldadontawan p'ampanqanku. Chay cheqatataj Gamón Gogpa Vallen, nispa sutichanqanku.

Ezequiel 39:22

Chay p'unchaymantapacha ñawpajmantaj Israel aylloqa yachanqanku noqa Tata Dios kasqayta.

Daniel (hebreo) 4:34

34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Oseas 2:16

16 (18) Chaypacha: Qosaymin kanki, nispa niwanqa, manañataj niwanqachu: Baal diosníy, nispa. Chayta noqa Tata Diosmin nini.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 2:21

21 (23) Noqa Tata Dios nillanitaj: Chaypacha noqa janajmanta kay pachaman parachimusaj.

Joel 3:18

18 (4.18) Chay p'unchayqa orqokunapi, lomakunapi ima vinowan, lechewan yaku jina purenqanku. Judá suyupitaj juch'uy mayukunapis ashkha yakuyoj kanqanku. Noqaj Temploypi yaku juturi rikhurenqa, chaytaj Sitín valleta qarpanqa.

Amós 9:11

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

Abdías 1:8

Tata Dios nillantaj: Maypachachus Edomta jasut'isaj chaypachaqa, tukuy yachayniyoj runankunata chinkachisaj. Esaúj orqonkunapi tukuy yuyayniyojkunata chinkachillasajtaj.

Miqueas 2:3

Chayraykumin Tata Dios nin: Noqapis contraykichejpi wakichikushani. Qankunaman jatun llakiyta apachimusaj, chaymantataj mana ni imaynamanta llusp'iyta atinkichejchu. Manañataj mayta runaykachaspa purinkichejchu, imaraykuchus manchay ñak'arina tiempo kanqa.

Miqueas 4:6

Tata Dios kaytapis nillantaj: Chay p'unchay, ñak'arichisqay ovejaykunata, chakin p'akisqata, sayk'usqata, jinataj ch'eqerasqata ima tantaykusaj.

Miqueas 5:10

10 (9) Tata Dios awqankunata nillantaj: Chay p'unchaypi caballoykikunata wañurachisaj, maqanakupaj carretaykikunatapis phiriykusaj.

Sofonías 3:11

Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Sofonías 3:16

Jaqay p'unchaypi Jerusalenta nenqanku: Sión, ama manchachikuychu, makiykitaj ama llawch'iyachunchu.

Zacarías 9:16

Chay p'unchaypi Tata Diosqa ayllunta awqankumanta kacharichenqa oveja tropata jina, paykunataj kikin llajtankupi pillupi valorniyoj k'achitu rumi jina lliphipirenqanku.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

San Lucas 18:14

Noqataj niykichej: Chay impuesto cobraj runaqa juchan pampachasqa wasinman kutipusqa. Fariseoj juchanrí mana pampachasqachu karqa, imaraykuchus Diosqa jatunchakojkunata k'umuykuchenqa, k'umuykojtatajrí jatunchanqa, nispa.

2 Corintios 10:17

Diospa Qhelqachisqanpi nin: Pichus jatunchakuyta munajqa Tukuyta Kamachej Diosmanta jatunchakuchun, nispa.

2 Corintios 10:5

Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

2 Tesalonicenses 1:10

Maypachachus Jesús kutimonqa chaypacha, ajllakusqankuna payta jatunchanqanku, paypi atinikojkunapis t'ukuspa yupaychanqanku. Qankunapis paykunawan khuska kallankichejtaj, imaraykuchus paymanta willasqaykuta jap'ikorqankichej.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.