Isaías 19:4 - DIOSPA QHELQACHISQ

⁴ Noqarí Egiptota millayta ruwajkunaj makinman jaywasaj, paykunatataj rumi sonqoyoj kuraj kamachej kamachenqa, nispa. Ajinata Tukuy Atiyniyoj Tata Dios nin.

Qheshwa Biblia DC

⁴ Egiptotaqa sajra runaj makinman churasaj, paykunataqa rumi sonqoyoj rey kamachenqa. Ajinata Tukuy Atiyniyoj Señorqa nin.

DIOSPA QHELQACHISQAN DEUTEROCANONICAL

⁴ Noqarí Egiptota millayta ruwajkunaj makinman jaywasaj, paykunatataj rumi sonqoyoj kuraj kamachej kamachenqa, nispa. Ajinata Tukuy Atiyniyoj Tata Dios nin.

Isaías 19:4 ပူးပေါင်းရင်းမြစ်များ

Isaías 20:4

Ajinata Asiriata kuraj kamachejqa Egipto llajtayojkunata, Etiopía llajtayojkunatawan, waynakunata, jinataj machu runakunatawan ukhunchana p'achayojllata waj suyukunaman apachenqa. Paykunaqa q'ara chakilla, sikinku rikhurishaj ima purenqanku, Egipto p'enqakunanpaj.

Ezequiel 29:19

Chayrayku noqa Tukuyta Kamachej Tata Dios kay jinata nini: Egipto suyuta Babiloniata kuraj kamachej Nabucodonosorman jaywaykusaj, kapuyninkutataj qhechuranqa, chay qhechusqanwan soldadonkunaman pagananpaj.

Jeremías 46:26

Noqaqa paykunataqa Babiloniata kuraj kamachej Nabucodonosorpa makinman jaywaykusaj, jinallataj soldadonkunata kamachejkunaj makinkumanpis jaywaykullasajtaj. Chaywanpis Egiptopi aswan qhepanejman ñawpajpi jina runakuna tiyakullanqankutaj. Noqa Tata Diosmin chayta nini.

Isaías 19:2

Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

Salmos 31:8

8 (9) Mana awqaypa makinman jaywaykuwarqankichu, manachayqa chakiyta sinch'ita sayacherqanki.

1 Samuel 23:7

Chaypachallataj Saulman willasqanku Davidqa Keilapi kashasqanta. Chayta uyarispa, Saulqa sonqonpi nerqa: Davidta jap'inaypaj Dios yanapashawan, imaraykuchus sumaj jatun punkuyoj llajtaman yaykun, manataj chaymanta ayqeyta atenqachu, nispa.

Ezequiel 30:12

Noqaqa Nilo mayupi yakuta ch'akichisaj, jinaspataj chay suyuta millay runakunaman qosaj, tukuy kapuyninkutataj waj llajtayojkunawan apachispa ch'inyachisaj. Noqa Tata Dios chaytaqa nini.

Nahúm 3:10

Chaywanpis Tebas llajtapi tiyakojkuna apasqa karqanku, wawankukunataj calle esquinapi ch'allpasqa karqanku. Awqankukunaqa jatunpaj qhawasqa runakunata wata runa jina jap'ikapunankupaj suerteta choqarqanku, kurajninkukunataj cadenawan ch'ipasqa karqanku.

Isaías 20:3

Chantá Tata Dios nerqa: Kamachiy Isaías kinsa wata junt'ata ukhunchana p'achayojlla, q'ara chakillataj purerqa, Egiptota Etiopiatawan ima imachus qhatirinanta rikuchispa.