Isaías 19:3 - DIOSPA QHELQACHISQ

³ Egiptomanta runakunaj yuyayninkuta q'ewisaj. Imatachus ruwanankuta wakichikusqankutapis manakajman tukuchisaj. Chantá paykuna tapukonqanku lantinkukunata, layqakunata, aysirikunata ima.

Qheshwa Biblia DC

³ Egiptoj yuyayninta mana kajman tukuchisaj. Imastachus ruwananku kajtapis alqachisaj; chantataj paykunaqa taponqanku lantisninkuta, layqasninkuta, wañusqaspa almasninkuta ima.

DIOSPA QHELQACHISQAN DEUTEROCANONICAL

³ Egiptomanta runakunaj yuyayninkuta q'ewisaj. Imatachus ruwanankuta wakichikusqankutapis manakajman tukuchisaj. Chantá paykuna tapukonqanku lantinkukunata, layqakunata, aysirikunata ima.

Isaías 19:3 ပူးပေါင်းရင်းမြစ်များ

2 Samuel 15:31

Maypachachus Davidman willarqanku Ajitofelpis Absalonman kutisqa kasqanta chaypacha, Davidqa Tata Diosmanta mañakorqa Ajitofelpa umachasqanta pantachinanpaj.

2 Samuel 17:14

Absalón, tukuy israelitakuna imaqa yuyarqanku Jusay arquitaj nisqan aswan allin kasqanta Ajitofelpa yuyaychasqanmanta nisqaqa. Tata Diosqa nisqaña Ajitofelpa yuyasqanqa mana ruwakunanta, Absalonpa patanman llakiyta apachimunanpaj.

2 Samuel 17:23

Ajitofelqa Absalón yuyaychasqanta mana kasusqanta rikuspa, burronta sinchaykuytawan, llajtanpi wasinman riporqa. Wasinpi tukuy kajta allinchaytawan, sipirparikorqa. Chantá ayllunkunaqa ayanta tatanpa covachanman p'ampamorqanku.

2 Reyes 1:2

Israelpi kuraj kamachej Ocoziasrí, Samariapi altopata wasinpa ventananmanta urmaykamusqanrayku, allin nanasqa kasharqa. Chayrayku kamachinkunata kacharqa Ecrón llajtayojkunaj diosninku Baal Zebubta tapunankupaj, onqoyninmanta kutirenqachus manachus, chayta yachayta munaspa.

1 Crónicas 10:13

Ajinata Saúl wañorqa, Tata Diospa kamachisqanta mana kasusqanrayku chantá Tata Diosta tapukunantaqa, uj aysiri warmita tapukoj risqanrayku.

Salmos 107:27

Machasqa jina chankaykacharqanku, barcota sumajta apayta yachasqankutaj qhasi manakaj karqa.

Salmos 33:10

Tata Diosqa suyukunaj wakichikusqankuta manakajman tukuchin. Diosta mana manchachikoj runakunaj yuyasqankutapis chawarachin.

Salmos 76:12

12 (13) imaraykuchus payqa kurajkunata k'umuykuchin, kay pachapi kuraj kamachejkunatataj manchachin.

Proverbios 21:30

Pipis Diospa contranpi sayaykojtin, ni yachayniyoj kaynin, ni yuyayniyoj kaynin, nitaj ima yuyaychakuypis payta yanapanqachu Tata Diosta atipananpaj.

Isaías 14:27

Noqa Tukuy Atiyniyoj Tata Diospuni ajina kananta nini. Chaytaqa mana pipis pantachiyta atinchu. Makeyqa jasut'inaypaj oqharisqallapuni kashan, manataj pipis jark'awayta atenqachu, nispa.

Isaías 15:2

Dibón llajtamanta kajkunaqa loma patapi diosninkuta yupaychana wasikunaman waqaj wicharerqanku. Moabmanta runakunataj Nebo llajtarayku, Medeba llajtaraykutaj waqarikunku. Chayrayku runakunaj chujchanku, sunkhankuwan ima ruthusqa kashan.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 44:25

Noqaqa llulla sut'inchajkunata pantachini, layqakunatapis p'enqayman churani. Yachayniyojkunata qhepaman kutirichini, yachayninkutataj manakajman tukuchini.

Isaías 47:12

Babilonia, kunanqa yatiriykikunawan, layqaykikunawan ima purillaypuni, pikunamanchus wawa kasqaykimantapacha k'askarqanki, chaykunawan. Ichapis allin risonqa, chaykunawantaj runakunata manchachiwaj.

Isaías 57:16

Mana wiñaypajchu aylluyta juchachasaj, nitaj wiñaypaj phiñakusajchu. Sichus wiñaypaj phiñakuyman chayqa, ruwasqay runakuna ñawpaqeypi q'enaqakunkuman.

Isaías 8:19

Sichus runakuna nisonqachej: Tapuriychej aysirikunata, chhichinakuspa parlaj layqakunata ima, nispa chayqa, niychej: Manachu runaqa Diosnillanta tapurikunmanri? Wañusqakunatachu kawsajkunamanta tapurikunkumanri? nispa.

Jeremías 46:15

Imaraykutaj Apis sutiyoj toro lantiykichej ayqerqari? Imaraykutaj mana sayayta aterqachuri? Imaraykuchus Tata Diosmin payta urmacherqa.

Ezequiel 21:7

7 (12) Imamantachus waqasqaykita tapusojtinkutaj, ninki: May jatun llakiy chayamunanta yachaspa waqashani. Chaypacha tukuy runakuna mana kallpayoj, qollpirasqa, manchariywan kanqanku. Makinkupis llawch'iyanqa, tukuy chaki moqonkutaj manchariywan kharkatitenqanku. Chay p'unchay chayamushanña, chaytaj jinapuni kanqa. Noqa Tukuyta Kamachej Tata Diosmin chayta nini.

Ezequiel 22:14

Maypachachus noqa contraykita jatarisaj chaypacha, churanakunawaykipaj kallpayki kanmanchu? Makiykipis kallpayojllapunichu kanqa? Noqa Tata Diosmin chayta nini, imatachus nisqaytataj junt'asajpuni.

Daniel (hebreo) 1:20

Kuraj kamachej tukuy imaymana yachaymanta paykunata tapojtin, chay tawantin waynakuna astawan yachayniyoj karqanku kuraj kamachejpa chay waj yachaysapa runankunamanta, chantá yatirinkunamanta nisqaqa.

Daniel (hebreo) 2:2

Chantá pay yachayniyojkunata, watojkunata, layqakunata, ch'askakunata qhawaspa watojkunatawan wajyacherqa, mosqokusqanta sut'inchanankupaj. Paykunataj kuraj kamachejpa ñawpaqenman rerqanku.

Daniel (hebreo) 5:7

Chantá qhaparispa, kamachinkunata kamacherqa yatirikunata, yachayniyojkunata, ch'askakunata qhawaspa watojkunata ima pusamunankuta. Paykuna jamojtinkutaj, Belsasar nerqa: Sichus pillapis jaqay qhelqasqata ñawiriyta atin, sitajchus imatachus niyta munasqanta sut'inchawayta atinman chayqa, p'achallichisqa kanqa sumaj puka p'achawan, kunkanmantaj qori cadena k'achanchanata churanqanku. Chantá suyuypi kinsa kaj kamachejmin kanqa, nispa.

1 Samuel 25:37

Q'ayantin paqarintaj Nabal machasqa kasqanmanta yuyayninman kutirejtinña, Abigailqa qosanman tukuy imachus kasqanta sut'inta willarqa. Nabaltaj uyarispa, wayraj jap'isqan jina mana kuyurej rikhurerqa.