Isaías 19:2 - DIOSPA QHELQACHISQ

² Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

Qheshwa Biblia DC

² Chaypacha egipciospurata maqanachisaj, sapa ujninkuta wauqesninkutawankama, sapa ujta runa masintawan, uj llajtata waj llajtatawan, uj nacionta waj naciontawan.

DIOSPA QHELQACHISQAN DEUTEROCANONICAL

² Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

Isaías 19:2 ပူးပေါင်းရင်းမြစ်များ

1 Reyes 16:21

Chantá israelitakunaqa iskay yuyayniyoj karqanku. Wakinkuna Ginatpa churin Tibnita kuraj kamachejta churayta munarqanku, wakintaj Omrita.

2 Crónicas 15:6

Suyupura, llajtapura ima jap'inakorqanku, imaraykuchus Tata Diosqa paykunata tukuy llakiykunawan ñak'aricherqa.

Isaías 3:5

Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Isaías 9:21

Manasés jatun aylloqa Efraín jatun aylluwan maqanakonqanku, iskayninkutaj Judá jatun aylloj contrantañataj sayarenqanku. Chaywanpis Tata Diospa k'araj phiñakuynenqa manarajpuni thasnukunchu, makintaj oqharisqallapuni kashan paykunata jasut'inanpaj.

Jeremías 46:12

May k'umuykachachisqa kasqaykita waj suyukuna yachankuña, tukuy kay pachapitaj qhaparisqayki uyarikun. Tinkupi maqanakojkunapis ujkuna ujkunawan takanakuspa, iskayninku pampaman tuliykunku, nispa. Ajinata Tata Dios nin.

Jeremías 51:46

Ama mancharikuychejchu, nitaj kharkaychejchu, kay suyupi imaymana parlasqankumanta. Sapa wata uj jina uj jinatataj parlanqanku, chay suyupi millay ñak'arichina kasqanmanta, jinataj kamachejkunapura maqanakumanta.

Ezequiel 38:21

Tukuynin orqokunapi Gogpa contranta wañuchejkunata wajyasaj. Chantá paykunapura wañuchinakonqanku. Noqa Tukuyta Kamachej Tata Dios chayta nini.

Zacarías 8:10

Kunankama mink'asqa ruwajkunapaj mana pago karqachu nitaj uywakunapajpis mikhuna karqachu. Chaypi tiyakojkunapaj awqankurayku manallataj allin kawsay karqachu, imaraykuchus noqapuni ujkuna ujkunatawan contranpi churarqani.

San Mateo 10:21

Chaypachaqa uj ayllupi runaqa wawqenta wañuchinankupaj jap'ichenqa, tatapis wawanta jap'ichillanqataj. Wawakunapis tatankoj, mamankoj contranta oqharikuspa, paykunata kamachejkunawan wañuchichenqanku.

San Mateo 10:36

Sapa ujpata ayllun ukhullamantataj awqan rikhurenqa.

San Mateo 12:25

Chantá Jesús imatachus yuyasqankuta yachaspa, nerqa: Sichus uj suyupi tiyakojkuna chejninakuspa t'aqanakunkuman chayqa, chay suyu mana sayanmanchu, tukukunman. Jinallatataj sichus uj llajtapi, chayrí wasi ayllupipis phiñanakuspa t'aqanakunkuman chayqa, manallataj khuska kayta atinkumanchu.

San Mateo 24:7

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhay ima.

Marcos 3:24

Jesús nillarqataj: Sichus uj suyupi runakuna chejninakuspa t'aqanakunkuman chayqa, chay suyoqa manaña sayanmanchu, tukukunman.

Jueces 7:22

Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

Jueces 9:23

Chantá Diosqa mana allin yuyayta Abimelecman qorqa, jinataj Sichem llajtapi tiyakojkunamanpis, Abimelecpa contranpi oqharikunankupaj.

1 Samuel 14:16

Benjamín jap'iypi Gabaa llajtapi Saulpa qhawaj soldadonkuna rikorqanku filisteokunaqa qhollpilla kayman jaqayman ayqeykachashasqankuta.

1 Samuel 14:20

Chantá Saulqa usqhayllata soldadonkunata tantaspa, maqanakoj kachaykukorqa. Chaykama filisteokuna ukhupeqa sinch'i musphaypuni karqa. Paykunapura wañuchinakuspa, tukuchinakusharqanku.