Isaías 18:2 - DIOSPA QHELQACHISQ

² Nilo mayunta kachakunata kachanku t'uturamanta ruwasqa usqhayta purej barcokunapi. Kachakuna, usqhayta riychej, qarankoj k'ancharishaj jatunkaray runakunaj llajtankuman. Paykunaqa tukuynejpi manchachikuna suyu kanku, atiyninkuwan atipaj suyu, chay jallp'ankupitaj ashkha mayu tiyan.

Qheshwa Biblia DC

² Mar qochanta kachasta kachaj, yaku patanta totoramanta ruwasqa barcospi! Usqhayta correj kachas riychej, jatun karay yana runaspa llajtanman. Tukuy tiempo manchachikuna nacionman, atiyninwan atipaj llajtaman. Chay jallp'aqa ashkha mayusniyoj.

DIOSPA QHELQACHISQAN DEUTEROCANONICAL

² Nilo mayunta kachakunata kachanku t'uturamanta ruwasqa usqhayta purej barcokunapi. Kachakuna, usqhayta riychej, qarankoj k'ancharishaj jatunkaray runakunaj llajtankuman. Paykunaqa tukuynejpi manchachikuna suyu kanku, atiyninkuwan atipaj suyu, chay jallp'ankupitaj ashkha mayu tiyan.

Isaías 18:2 ပူးပေါင်းရင်းမြစ်များ

2 Crónicas 14:9

9 (8) Chantá paykunaj contrankupi Etiopiamanta Zerajqa mana yupay atina soldadokunawan maqanakoj jamorqa, 300 carretakunawan ima. Jinataj Maresakama chayamorqa.

2 Crónicas 16:8

Manachu etiopekuna, libiokunawanqa may atiyniyoj karqanku, caballokunapi purej ashkha soldadoyoj, jinataj maqanakupaj carretakunayoj ima? Chaywanpis Tata Diospi atinikusqaykirayku, Tata Diosqa paykunata makiykiman churarqa.

Job 9:26

Kawsayneyqa mama qochapi t'uturamanta ruwasqa phawaj bote jina ripushan, anka imatapis jap'ej phawaykun, ajinata.

Éxodo 2:3

Chantá wawitaj maman manaña astawan pakayta atispa, t'uturamanta canastata ruwarqa, ama yaku yaykunanpajtaj maphawan llut'aykorqa. Chayman wawata churaykuspataj, Nilo mayu kantupi t'utura chawpiman churaykamorqa.

Isaías 18:7

Chaypacha chay runakunaqa Tukuy Atiyniyoj Tata Diosman t'inkata apamonqanku. Paykuna qaranku k'ancharishaj jatunkaray runakuna kanku, qallariymantapacha tukuypa manchachikunan ayllu, atiyninkuwan tukuyta atipaj. Jallp'ankupitaj ashkha mayu tiyan. Paykunataj t'inkata Sión orqoman apamonqanku, maypichus Tukuy Atiyniyoj Tata Diospa sutinta yupaychanku, chayman.

Jeremías 49:14

Tata Diosmanta uj willay chayamuwan. Waj suyukuna ukhupi uj kacha kay jinata qhaparishan: Tantaykukuspa, Edompa contranpi puririychej, maqanakupi tinkumunapaj wakichikuychej, nispa.

Ezequiel 30:9

Chaypacha noqa barcopi kachakunata kachasaj Etiopía suyupi ni imamanta manchachikoj runakunaman. Paykunataj manchayta manchachikonqanku, imaynatachus Egiptota jasut'ishajtiy mancharikorqanku, ajinata. Chay p'unchaytaj chayamunanpiña kashan.

Abdías 1:1

Kaytamin Abdías mosqoypi jina rikusqa. Tukuyta Kamachej Tata Dios Edommanta kayta nin: Tata Diospa willasqanta uyarerqayku. Uj chaskitaj waj suyukunaman rispa, nerqa: Puririychej, jaku Edompa contranpi maqanakoj, nispa.

Habacuc 1:7

Caldeokunaqa manchachikunapaj jina millay runakuna kanku. Mana ni ima kamachisqakunatapis kasunkuchu, aswanpis munayninkuman jinalla imatapis ruwanku.

San Lucas 10:19

Noqataj atiyta qoykichej katarikunata, atojsillokunatapis sarunaykichejpaj. Jinallataj awqaj tukuy kallpantapis atipankichej, manallataj imapis imanasonqachejchu.