Isaías 17:7 - DIOSPA QHELQACHISQ

⁷ Chay p'unchaypi runakuna yanapananta mask'aspa, Ruwajninkuman kutirenqanku. Kikin ñawinkuwan Israelpa May Llimphu Kaj Diosninta qhawanqanku.

Qheshwa Biblia DC

⁷ Chay p'unchaypi runaqa ruwajninman kutirenqa. Kikin ñawisninwantaj Israelpa Santo Diosninta qhawanqa.

DIOSPA QHELQACHISQAN DEUTEROCANONICAL

⁷ Chay p'unchaypi runakuna yanapananta mask'aspa, Ruwajninkuman kutirenqanku. Kikin ñawinkuwan Israelpa May Llimphu Kaj Diosninta qhawanqanku.

Isaías 17:7 ပူးပေါင်းရင်းမြစ်များ

2 Samuel 22:42

Yanapayta mañakorqanku, nitaj pipis yanaparqachu. Tata Diosta wajyakorqanku, paytajrí mana uyarerqachu.

2 Crónicas 31:1

Raymi ruwayta tukuytawan, tukuy israelitakuna Judá suyupi tukuy llajtaman rispa, rumimanta lantikunata, Asera lanti k'ullukunatapis phirerqanku. Jinallataj Judá suyupi, Benjamín suyupi, Efraín jap'iypi, Manasés jap'iypi ima loma patapi lanti yupaychana wasikunata, altarkunatawan thuñirarqanku. Chaymantataj tukuy israelitakuna sapa ujpis llajtankupi wasinkuman kutiporqanku.

Salmos 95:6

Jamuychej, qonqorikuspa yupaychanachej. Tata Diospa ñawpaqenpi qonqorikunachej, imaraykuchus paymin ruwawarqanchej.

Isaías 19:22

Tata Dios Egipto llajtayojkunata ñawpajta k'iriykonqa, chantá paykunata qhaliyachillanqataj. Paykunaqa Tata Diosman kutirikonqanku, paytaj mañakusqankuta uyarispa, qhaliyachenqa.

Isaías 22:11

Chay iskay perqa chawpipi uj qochata ruwarqankichej, chay ñawpa qochamanta yakuta jap'inaykichejpaj. Chaywanpis pichus kay pachata Ruwajmanta yanapananta mana mañakorqankichejchu, nitaj pichus ñawpajmantaña chay tukuy imata wakichejpi atinikorqankichejchu.

Isaías 29:24

Chaypacha pantasqa kajkunaqa yachayniyojman tukonqanku, thutojkunapis Diosmanta yachaqakonqanku, nispa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Amós 3:12

Tata Dios nillantaj: Imaynatachus oveja michejqa leonpa siminmanta qhechun iskay chakillataña, chayrí uj ninrej puntallantaña, ajinallatataj Samariapi tiyaj israelitakunamanta, Damascopi sumaj puñunapi sirejkunamanta ima pisilla qhepakonqanku, nispa.

Miqueas 7:7

Noqatajrí Tata Diospi atinikusaj, qhespichiwajniy Diosnillaypi atinikuspa suyakusaj, imaraykuchus pay mañarikusqayta uyariwanqa.