Isaías 17:6 - DIOSPA QHELQACHISQ

⁶ Chay suyupi pisi runakunalla qhepakonqanku, imaynatachus olivo sach'ata thalajtinchej puntanpi uj iskayllaña aceituna qhepakun, chayrí thansanpi tawa phishqallaña qhepakun, ajina. Ajinata Israelpa Tata Diosnin nin.

Qheshwa Biblia DC

⁶ Chaypi rastrojollaña qhepakonqa; chayri imaynatachus olivo sach'ata thalajtinchej puntampi uj iskaylla aceitunas qhepakun, ajinata, chayri tawa, phishqallaña ramasnimpi qhepakun ajina. Ajinata nin Israelpa Señor Diosnenqa.

DIOSPA QHELQACHISQAN DEUTEROCANONICAL

⁶ Chay suyupi pisi runakunalla qhepakonqanku, imaynatachus olivo sach'ata thalajtinchej puntanpi uj iskayllaña aceituna qhepakun, chayrí thansanpi tawa phishqallaña qhepakun, ajina. Ajinata Israelpa Tata Diosnin nin.

Isaías 17:6 ပူးပေါင်းရင်းမြစ်များ

1 Reyes 19:18

Chaywanpis noqaqa Israel suyupi 7.000 runakunata puchuchisaj, pikunachus Baal lantiman mana qonqorikorqankuchu, nitaj much'arqankuchu, chaykunata, nispa.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 10:22

Israel, aylluyki mama qocha kantupi t'iyu chhikapis kachun. Chaywanpis chaymanta pisi puchojkunalla kutimonqanku. Tukuchisqa kananku nisqaqa junt'akonqapuni, ajinamantataj justicia ruwakonqa.

Isaías 24:13

Chay ñak'areyqa ajinapuni kanqa kay pachapi kaj chhika suyukunapi. Chayrayku pisilla puchonqanku, imaynatachus olivo poqoyta k'aspiwan thallanku, chayrí poqoy pasayta uva puchojta chajmanku, ajina kanqa.

Isaías 27:12

Chay p'unchaypi Tata Dios erapi trigota jina trillanqa, Éufrates mayumantapacha Egipto mayukama. Chantá Israelpa miraynin kajkunata ujmanta uj pallaspa, tantanqa.

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Ezequiel 39:29

Manaña ujtawanpis israelitakunamanta uyayta pakasajchu, imaraykuchus Espirituywan paykunata junt'achisaj. Noqa Tukuyta Kamachej Tata Dios chayta nini.

Abdías 1:5

Sichus tutapacha suwaj jamusunkuman chayqa, mana tukuytachu apakapunkuman. Sitajchus uvata pallajkuna jamunkuman chayqa, wakin uvallatapis saqerinkuman. Awqaykikunarí chinkasqata chinkarparichisonqanku.

Miqueas 7:1

Ay, imallapichus tukukusaj. Noqa chajmakoj jina kani, pichus poqoyta pallay tukukuyta higota, chayrí uva chhullchuta mask'an, ajina. Chaywanpis mana imatapis tarinichu, imajtinchus pallajkuna tukuyninta pallasqanku.

Romanos 11:26

Chay junt'akojtintaj, tukuy Israel ayllu qhespichisqa kanqa, Diospa Qhelqachisqanpi nisqanman jina: Pichus kacharichejqa Sionmanta jamonqa, paytaj Jacobpa mirayninmanta millay kajta llimphuchanqa.

Romanos 9:27

Israelitakunamanta parlaspa, Isaiaspis nillarqataj: Israelitakunaj mirayninchus mama qochapi t'iyu jina kanman chaypis, chaykunamanta pisilla qhespichisqa kanqanku.

Deuteronomio 4:27

Tata Diosqa waj suyukunaman ch'eqerachisonqachej, chay jallp'apitaj pisillaña qhepakunkichej.

Jueces 8:2

Gedeontajrí kuticherqa: Manachu reparakorqankichej, qankuna noqamanta astawan ruwasqaykichejta? Chay pisi ruwasqaykichejqa astawanraj valen noqayku Abiezerpa ayllunpa ruwasqaykumanta nisqaqa.