Isaías 17:1 - DIOSPA QHELQACHISQ

¹ Damasco llajtaj contranpi Isaías kay jinata nerqa: Damascoqa manaña llajtachu kanqa, manachayqa laqayaman tukonqa.

Qheshwa Biblia DC

¹ Damasco llajtaj contrampi willay: Damascoqa manaña llajtachu kanqa, manachayqa raqaykunallaña kanqa.

DIOSPA QHELQACHISQAN DEUTEROCANONICAL

¹ Damasco llajtaj contranpi Isaías kay jinata nerqa: Damascoqa manaña llajtachu kanqa, manachayqa laqayaman tukonqa.

Isaías 17:1 ပူးပေါင်းရင်းမြစ်များ

Génesis 14:15

Chantá tutayaykojtin, Abramwan, chantá kamachinkunawan ima kuraj kamachejkunata muyuykuspa, ujllata maqanakoj yaykuykorqanku. Atipaykuspataj, paykunata Hobakama qhatiykorqanku. Hobaqa Damasco llajtamanta wichaynejpi kashan.

Génesis 15:2

Abramtajrí kuticherqa: Tukuyta Kamachej Tata Dios, imapajtaj imatapis qowankiri? Qan yachanki waway mana kasqanta. Chayrayku wañupojtiy, Damascomanta kamachiy Eliezer tukuy imayta chayaqeta jap'enqa, nispa.

1 Reyes 11:24

Rezonqa suwakunata tantaykusqa, chantá paykunaj kamachejninkutaj kasqa. Maypachachus David Sobamanta kajkunata atipaykusqa chaypacha, Rezonqa Damasco llajtaman tiyakapoj ripusqa. Paykunataj kuraj kamachejninkupaj churasqanku.

2 Reyes 16:9

Asiria suyuta kuraj kamachejtaj Ajazta uyarispa, Damasco llajtaj contranta maqanakoj rerqa, chantá chay llajtata jap'erqa. Chay llajtayojkunatataj presota jina Quir llajtakama aparqa. Jinallataj kuraj kamachej Resintapis wañuchillarqataj.

1 Crónicas 18:5

Siria suyupi, Damasco llajtayojkuna Sobata kuraj kamachej Hadad Ezerta yanapaj jamojtinku, David paykunatapis atipaykuspa, 22.000 soldadokunata wañucherqa.

2 Crónicas 28:23

Damascomanta soldadokuna atipaykusqankurayku pay yuyarqa: Siriamanta dioskunamin chay kuraj kamachejkunata yanaparqanku atipanawanchejpaj. Chayrayku noqapis uywa ñak'asqata paykunaman jaywallasajtaj yanapanawankupaj, nispa. Jinataj Ajazqa Damascopi dioskunaman uywa ñak'asqata jaywarqa. Chaywanpis chay ruwasqan yanapanantaqa, payta urmacherqa, jinataj tukuy israelitakunatapis.

2 Crónicas 28:5

Chayrayku Tata Diosqa Siriata kuraj kamachejpa makinman Ajazta jaywaykorqa. Siriokunataj maqanakupi Ajazta atipaykuspa, ashkha runata presota Damascoman apakaporqanku. Jinallataj Tata Diosqa Judá suyumanta kajkunata jaywaykorqa Israelpa kuraj kamachej Pecajman, paytaj maqanakupi atipaykuspa, may ashkha runata wañucherqa.

Isaías 10:9

Calno llajtata phirerqanchej, imaynatachus ñawpajta Carquemista ruwarqanchej, ajinallatataj. Jamat llajtatapis jap'ikapullanchejtaj Arfad llajtata jina. Chantá Samaria llajtatapis phirillarqanchejtaj Damasco llajtata jina.

Isaías 13:1

Amozpa churin Isaiasqa Babilonia imaynachus kananmanta mosqoypi jina uj sut'inchayta rikorqa.

Isaías 15:1

Moab suyoj contranta Isaías kay jinata sut'incharqa: Uj ch'isilla Moab suyupi Ar llajta chinkachisqa kanqa, jinallataj Quir llajtapis laqayaman tukuchisqa kanqa.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 25:2

Jatun llajtakunata rumi loqhoman tukuchinki, perqawan sumaj jark'achasqa llajtakunatataj laqayaman tukuchinki. Awqakunaj k'achitu kamachinanku wasikunata thuñinki, chaykunatataj manaña pipis ujtawan watej sayachenqachu.

Isaías 37:26

Noqa Tata Diosrí kayta niyki: Qan manachu yacharqanki, noqa unaymantapacha kay imakunata wakichisqayta? Unay unaymantapacha imatachus wakichisqayta kunan ruwashani. Chayraykullamari qanqa pakakuna jark'achasqa llajtakunata urmarachinki, raqay rumi qollullamantaj tukuchinki.

Isaías 7:16

Chantá wawa manaraj yuyayninman chayashajtin, pikunatachus manchachikushanki, chay iskay kuraj kamachejkunaj suyunkukunaqa ch'innejman tukuchisqa kanqanku.

Isaías 7:8

Siriaj jatun llajtanqa Damasco, Damascoj kuraj kamachejnintaj Resín. Chaywanpis Efrainqa sojta chunka phishqayoj watamanta manaña suyuchu kanqa.

Isaías 8:4

Chay wawa manaraj tatáy, mamáy niyta yachashajtin, Asiriata kuraj kamachejqa Damascoj tukuy kapuyninta, Samariapi kaj chhikatawan apakaponqa, nispa.

Jeremías 49:2

Chayrayku noqa Tata Dios kayta nini: Uj p'unchay chayamonqa, chay p'unchaypitaj Amón suyupi Rabá llajtapi maqanakojkunaj qhaparisqankuta uyarichisaj, chay llajtataj raqayllamanña tukuchisqa kanqa. K'iski ranchonkunapis ninawan ruphaykuchisqa kanqanku. Chaypacha Israel chay llajtankunata watej jap'ikapullanqataj. Ajinata Tata Dios nini.

Miqueas 1:6

Chayraykumin, Tata Dios nin: Samaria llajtata laqayaman tukuchisaj, uva huertata churanapaj jina. Chay llajtaj perqanmanta rumikunata valleman wijch'usaj, cimientontapis sut'iman rikhurichisaj.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Zacarías 9:1

Kayta Tata Dios Jadrac suyupaj, jinataj Damasco llajtaj contranpi nerqa, imaraykuchus Israelpa tukuy ayllunkuna, chantá tukuy runakuna ima Tata Diospatamin kanku.

Hechos 9:2

Paymantataj cartakunata qonanta mañakorqa, Damasco llajtapi judiokunaj tantakunanku wasipi rikuchimunanpaj. Chay cartanejtataj kuraj kaj sacerdoteqa Sauloman atiyta qorqa, Jesuspa cheqan ñanninta qhatikojkunata jap'ispa cadenawan watasqata Jerusalenman apananpaj, qharikunapis, warmikunapis kachunku.

Deuteronomio 13:16

16 (17) Tukuy kapuyninkutaqa llajta plazaman tantaspa, llajtantinta ninawan kanaykunkichej. Chay tukuy imaqa q'olachisqa jaywana Tata Diospaj kanqa. Jinamanta chay llajtaqa wiñaypaj raqayllaña kanqa, nitaj jayk'ajpis watej sayarichisqachu kanqa.