Isaías 16:9 - DIOSPA QHELQACHISQ

⁹ Chayrayku Jazermanta, Sibemapi kaj uva huertamanta ima llakikuspa waqarikuni. Jesbonmanta, Elealemantawan waqayniy jich'akun, imaraykuchus poqoy oqharina kusikuy manaña kanchu.

Qheshwa Biblia DC

⁹ Chayrayku llakikuspa Jasermanta waqani, Sibmapi kaj uva huertasmantawan. Hesbonmanta, Elealemantawan waqayniyta jich'ani, imaraykuchus cosechasnin patapi maqanakupaj ch'ajwallaña uyarikun.

DIOSPA QHELQACHISQAN DEUTEROCANONICAL

⁹ Chayrayku Jazermanta, Sibemapi kaj uva huertamanta ima llakikuspa waqarikuni. Jesbonmanta, Elealemantawan waqayniy jich'akun, imaraykuchus poqoy oqharina kusikuy manaña kanchu.

Isaías 16:9 ပူးပေါင်းရင်းမြစ်များ

Isaías 9:3

3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

Jeremías 40:10

Noqaqa Mispapi qhepakusaj, caldeokuna kayman jamojtinku qankunarayku parlarinaypaj. Qankunatajrí vinota, aceiteta, poqoykunata ima tantaspa, jallch'akuychej. Jinamanta jap'isqaykichej llajtakunapi tiyakuyta atinkichej, nispa.

Jeremías 40:12

Chayta yachaspa, maymanchus ch'eqerachisqa karqanku, chaymanta Judaman kutispa, Mispapi Gedaliasman rerqanku. Chaymantataj paykunaqa ashkha vinota ruwarqanku, jinataj may chhika poqoykunata oqharerqanku.

Ezequiel 27:31

Qannejta umankutapis t'ojluchikonqanku, qhashqa p'achatapis churakonqanku. Sonqo nanaytataj jatunmanta qhaparispa, waqanqanku.

Ezequiel 32:18

Runaj churin, Egiptopi tiyakoj may ashkha runakunapaj kay llakiy yarawita takipuy: Ukhu pachaman Egiptota tanqaykuy, atiyniyoj suyukunapi kaj warmikunatawan khuska, maymanchus wañojkuna rinku, chayman.

Jueces 9:27

Chantá tukuyninku llojserqanku campoman uvata pallaj. Vinota ruwaspataj, uj jatun raymita ruwarqanku. Chantá mikhuspa, ujyaspataj diosninkoj yupaychana wasinpi Abimelecpaj millayta rimarqanku.