Isaías 16:4 - DIOSPA QHELQACHISQ

⁴ Moabmanta ayqekojkunata wajyarikuy ari, chay ñak'arichejkunamantataj paykunata pakaykuriy ari, chay ñak'ariy tukukunankama, nispa. Aswan qhepanejman chay soldadokuna manaña paykunata ñak'arichenqankuchu, jinallataj imankuta qhechoj awqakuna riponqanku.

Qheshwa Biblia DC

⁴ Moabmanta ayqekojkunata wajyarikuy ari, chay ñak'arichejkunamanta qanqa pakay ari; imaraykuchus chay ñak'arichejqa tukukonqa. Chay jinatapuni tukuchejqa chinkanqa. Chay sarojpis kay jallp'a patapeqa chinkachisqa kanqa.

DIOSPA QHELQACHISQAN DEUTEROCANONICAL

⁴ Moabmanta ayqekojkunata wajyarikuy ari, chay ñak'arichejkunamantataj paykunata pakaykuriy ari, chay ñak'ariy tukukunankama, nispa. Aswan qhepanejman chay soldadokuna manaña paykunata ñak'arichenqankuchu, jinallataj imankuta qhechoj awqakuna riponqanku.

Isaías 16:4 ပူးပေါင်းရင်းမြစ်များ

Isaías 14:4

kay jina yarawiwan Babiloniaj kuraj kamachejninpa contranta asikunkichej: Qhawariychej ñak'arichej runa imapichus rikhurisqanta, runaykachaj imaynatachus tukukusqanta.

Isaías 15:6

Nimrín pujyupi yakupis ch'akipun. Pastopis ch'akirapullantaj. Qhorapis ch'akipun manañataj ima q'omerpis kanñachu.

Isaías 25:10

Tata Dios makinwan Sión orqota waqaychanqa, Moab suyutatajrí pachanpi sarurparenqa, imaynatachus pajata q'opata jich'anapi sarunku, ajinata.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 49:26

Chay ñak'arichisojkunaman kikin aychallankutataj mikhuchisaj, yawarnillankuwantaj vinowan jina paykunata machachisaj. Ajinamanta tukuy runakuna yachanqanku noqa Tata Dios pagota qospa kacharichisoj kasqayta. Noqaqa Jacobta kamachej kani, may atiyniyojtaj, nispa.

Isaías 51:13

Chaywanpis ruwasojniyki Tata Diosta qonqapunkiña, pichus janajta jatunman aysarqa, kay pachaj cimientontapis churallarqataj, payta. Qanqa tukuy p'unchaynintin manchachikullankipuni, pichus llakichisuspa, phiñakuyninpi chinkachisuyta munarqa, chaymanta. Kunan maytaj chay jinata llakichisoj runaj phiñakuyninri?

Isaías 54:14

Cheqan kajwan sumaj sayachisqa kanki. Manaña ñak'arichisqachu kanki, manañataj manchachikunkichu, imaraykuchus manchachikoyqa manaña qanman qayllamusonqachu.

Isaías 58:7

Munani yarqhasqakunaman mikhunaykichejmanta jaywarinaykichejta, mana wasiyojkunatataj wasiykichejman wajyarikunaykichejta. Munallanitaj mana p'achayojkunata p'achallichinaykichejta, pisichikoj runa masiykichejmantapis ama pakakunaykichejta.

Isaías 9:4

4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 40:11

Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

Jeremías 48:18

Qan Dibón llajta, chay k'achitu tiyanaykimanta urayk'amuspa, ch'aki pampallapi tiyaykukuy, imaraykuchus Moabta chinkachejqa qanpa contraykipipis jamushallantaj. Awqaykeqa chay jark'achasqa pukaraykikunatapis phirillanqataj.

Jeremías 48:8

Thuñejkunaqa tukuy llajtaman chayanqanku, manataj ujllapis chaymanta llusp'enqachu. Chay ura pampapi jinataj pata pampapipis raqayllaña qhepakonqa, imaraykuchus ajinata Tata Dios nin.

Abdías 1:14

Mana k'ullku ñanpi suyaykunaykichu karqa ayqekojkunata wañurachinaykipaj. Nillataj ñak'ariy p'unchaypi ayqekojkunata jap'ispa, awqankuman jaywaykunaykichu karqa.

Zacarías 10:5

Wapu soldadokuna jina, t'uru patapipis maqanakonqanku. Tata Dios paykunawan kasqanrayku, caballopi purej soldadokunawan maqanakuspapis, paykunata atipanqanku.

Zacarías 9:8

Noqataj aylluypa muyuyninpi sayaykuspa, paykunata waqaychasaj. Ñak'arichejqa manaña paykunata ñak'arichenqañachu, imaraykuchus kunan noqa paykunata qhawasaj.

Malaquías 4:3

3 (3.21) Wakichishani chay p'unchaypi qankunaqa millayta ruwaj runakunata ñut'u jallp'ata jina sarunkichej. Noqa Tukuy Atiyniyoj Tata Diosmin chayta nini.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

Romanos 16:20

Mana unaymantachu sonqo tiyaykuyta qoj Diosqa Supay Satanasta chakiykichej uraman churanqa. Tukuyta Kamachej Jesucristonchej qhasilla k'acha yanapaynin qankunawan kachun.

Deuteronomio 24:14

Mana kapuyniyoj runawan imatapis ruwachikuspaqa, maychus kajta pagapunkichej, llajta masiykichejpis kachun, chayrí llajtaykichejpi tiyakoj waj llajtayojpis kachun.

Apocalipsis 11:2

Temploj jawanpi kaj patiotarí ama midinkichu, imaraykuchus chay patiota qoni noqata mana qhatiwajkunaman, paykunataj noqapaj ajllakusqay llajtata kinsa wata khuskanniyojta saronqanku.