Isaías 16:3 - DIOSPA QHELQACHISQ

³ Moabmanta runakuna Sionta kamachejkunata ninku: Awqaykukunamanta pakanawaykupaj wakichikuychej, waqaychanawaykupajtaj parlarinakuychej. Chawpi p'unchaypi llanthuykichejwan pakaykuwayku ari ch'isipis kanman jina. Waj suyukunaman apasqa kajkunata pakaykuy ari, amataj ayqekojkunata makinkuman jaywaykuwaykuchu.

Qheshwa Biblia DC

³ Ninkutaj: Imaynatachus ruwanaykita niwayku ari, noqaykuta jark'akuwayku chaupi p'unchaypi llanthuykiwan pakaykuwayku ari ch'isin jina. Chay wijch'umusqa kajkunataqa pakaykuy ari, amataj ayqekojkunata jap'ichiychu ari.

DIOSPA QHELQACHISQAN DEUTEROCANONICAL

³ Moabmanta runakuna Sionta kamachejkunata ninku: Awqaykukunamanta pakanawaykupaj wakichikuychej, waqaychanawaykupajtaj parlarinakuychej. Chawpi p'unchaypi llanthuykichejwan pakaykuwayku ari ch'isipis kanman jina. Waj suyukunaman apasqa kajkunata pakaykuy ari, amataj ayqekojkunata makinkuman jaywaykuwaykuchu.

Isaías 16:3 ပူးပေါင်းရင်းမြစ်များ

1 Reyes 18:4

Tata Diosmanta sut'inchajkunata Jezabel wañuchishajtin, Abdiasqa pachaj sut'inchajkunata, phishqa chunkamanta phishqa chunka, chhanka jusk'ukunaman pakaykamorqa. Chaypitaj paykunaman mikhunata, yakutawan qorqa.

Isaías 1:17

Aswanpis allin kaj ruwayta yachaqakuychej. Cheqan kajta ruwayta mask'aychej, ñak'arichisqa kaj runakunatataj yanapaychej. Wajcha wawakunaman kutikuychej, warmisapatapis yanapaychej, nispa. Ajinata Tata Dios nin.

Isaías 25:4

Wajchakunapajrí qan pakakunanku kanki, llakisqa pisichikojpaj jark'akojnintaj. Jinallataj para wayramanta waqaychaj kanki, ruphaymanta llanthojtaj. Ajina kanki, imaraykuchus mana khuyakuyniyojkunaj ruwasqanku rijch'akun, chiri tiempopi loco para imaynatachus perqata wajtan, ajinaman.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Isaías 58:7

Munani yarqhasqakunaman mikhunaykichejmanta jaywarinaykichejta, mana wasiyojkunatataj wasiykichejman wajyarikunaykichejta. Munallanitaj mana p'achayojkunata p'achallichinaykichejta, pisichikoj runa masiykichejmantapis ama pakakunaykichejta.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 22:3

Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Daniel (hebreo) 4:27

27 (24) Chayrayku kamachejníy, yuyaychasqayta kasuway: Kamachej jina cheqanta ruway, amataj astawan juchalliychu. Mana allin kajta ruwayta saqespa, wajcha runakunamanta khuyakuy. Ichapis ajinamanta astawan unayta mana ima llakiyniyoj kawsakunki, tukuy imapipis allillan risonqa, nispa.

Zacarías 7:9

Kaytamin noqa kamachini: Cheqan justiciata ruwaychej, jinataj ujkuna ujkunapaj khuyakuyniyoj, allin k'achataj kaychej.

San Mateo 25:35

Chayman yaykunkichej, imaraykuchus yarqhasqa kashajtiy, qankuna mikhuchiwarqankichej. Yakumanta ch'akisqa kashajtiy, ujyachiwarqankichej. Karu llajtayoj jina purishajtiytaj, wasiykichejman wajyarikuwarqankichej.

Hebreos 13:2

Waj llajtayojkunata wasiykichejman wajyarikuyta ama qonqaychejchu, imaraykuchus chayta ruwaspa, wakinkunaqa mana yachaspalla angelkunata wajyarikorqanku.

Jueces 9:15

Khishkarara sach'ataj paykunata nisqa: Sichus cheqamanta kuraj kamachejniykichej kanayta munankichej chayqa, llanthuy uraman tukuyniykichej jamunaykichej tiyan. Manatajchus kuraj kamachejniykichej kanayta munankichej chayrí, noqamanta llojsispa, nina lawray tukuy Libanopi kaj pinokunata ruphaykonqa, nispa.