Isaías 15:1 - DIOSPA QHELQACHISQ

¹ Moab suyoj contranta Isaías kay jinata sut'incharqa: Uj ch'isilla Moab suyupi Ar llajta chinkachisqa kanqa, jinallataj Quir llajtapis laqayaman tukuchisqa kanqa.

Qheshwa Biblia DC

¹ Moabpaj uj willay jamun. Uj ch'isilla Moabmanta Ar llajtaqa ch'impachata chinkachisqa karqa. Uj ch'isillataj Moabmanta Kirpis ch'impacha chinkachisqa karqa.

DIOSPA QHELQACHISQAN DEUTEROCANONICAL

¹ Moab suyoj contranta Isaías kay jinata sut'incharqa: Uj ch'isilla Moab suyupi Ar llajta chinkachisqa kanqa, jinallataj Quir llajtapis laqayaman tukuchisqa kanqa.

Isaías 15:1 ပူးပေါင်းရင်းမြစ်များ

2 Reyes 3:25

Llajtakunata raqayman tukucherqanku, tukuynin sumaj jallp'amantaj rumita junt'aykucherqanku. Jinallataj tukuy yaku juturikunatapis ch'akicherqanku, poqoj sach'akunatapis k'uturarqanku. Quir Jaréset llajtallata mana thuñerqankuchu. Chaywanpis warak'awan maqanakojkuna muyuykuspa, chay llajtata jap'erqanku.

Isaías 11:14

Iskayninku ujllata kallpakuspa, inti yaykuynejman kachaykukonqanku, filisteokunamantaj wasallankumanta phinkiykonqanku. Jinallataj inti llojsimuynejpi tiyakojkunamanta tukuy imankuta qhechumonqanku. Edom suyu, Moab suyu ima israelitakunaj kamachiyninpi ruwanayoj kanqanku, jinallataj Amón suyupi kajkunapis israelitakunaj kamachiyninpi kanqanku.

Isaías 13:1

Amozpa churin Isaiasqa Babilonia imaynachus kananmanta mosqoypi jina uj sut'inchayta rikorqa.

Isaías 14:28

Israelta kuraj kamachej Ajazpa wañupusqan watapi Isaías kay willayta sut'incharqa:

Isaías 16:11

Chayrayku tukuy sonqoywan Moab suyumanta arpa jina waqani, jinallataj Quir Jeresmantapis.

Isaías 16:6

Moabmanta runakunaj mayta wapuykachasqankumanta uyarinchej, mayta runaykachasqankumanta, machu machu kasqankumantapis. Chaywanpis may kasqankumanta parlasqankoqa yanqhalla.

Isaías 16:7

Chayrayku Moabpi tiyakojkunaqa suyunkumanta waqanku, may llakisqataj Quir Jaréset llajtapi uva k'isa mana kasqanmanta waqarikunku.

Isaías 25:10

Tata Dios makinwan Sión orqota waqaychanqa, Moab suyutatajrí pachanpi sarurparenqa, imaynatachus pajata q'opata jich'anapi sarunku, ajinata.

Isaías 25:12

Diosqa chay chhikachaj jark'akuna sinch'i perqankunata urmachenqa, pampaman tukunankama jallp'aman wijch'onqa.

Jeremías 9:26

26 (25) Kay suyukunata jasut'isaj: Egiptota, Judata, Edomta, Amonta, Moabtawan ima. Jinallataj ch'innejpi tukuy tiyakojkunata, pikunachus umankuta ruthuchikunku, chaykunatawan ima jasut'illasajtaj. Chayta ruwasaj, imaraykuchus chay suyukuna, jinataj israelitakunapis cheqapuni sonqonkupi mana circuncidasqachu kanku, nispa.

Números 21:28

Jesbonmanta nina llojsimun. Sijonpa llajtanmanta nina lawray llojsimuspa, Moab suyupi, Ar llajtata ruphaykorqa. Arnón orqonejpi tiyakojkunatapis ruphaykullarqataj.

Deuteronomio 2:18

Kunan Moab suyunejta chimpaspa, Ar nisqa llajtaman chayankichej.

Deuteronomio 2:19

Maypachachus amonitakunawan tinkukunkichej chaypacha, ama paykunata t'ojpinkichejchu, nitaj paykunawan maqanakunkichejchu, Lotpa miraynin kasqankurayku. Noqaqa jallp'ankuta mana qosqaykichejchu, imaraykuchus chay jallp'ataqa paykunamanña qopuni, nispa.

Deuteronomio 2:9

Chantá Tata Dios niwarqa: Moabitakunataqa ama t'ojpinkichejchu, nitaj paykunawan maqanakoj sayaykunkichejchu, imaraykuchus jallp'ankumanta mana ni uj chhikallantapis qosqaykichejchu. Ar jallp'ataqa Lotpa mirayninmanña qopuni, nispa.