Isaías 14:2 - DIOSPA QHELQACHISQ

² Waj suyukuna israelitakunata yanapanqanku jallp'ankuman kutimpunankupaj. Chay runakunataj Diospa jallp'anpi israelitakunaj wata runanku kanqanku. Chantá israelitakunañataj, pikunachus paykunata ñak'arichejkunata presochanqanku, munayninkutataj paykunawan ruwanqanku, pikunachus israelitakunata llakichej kanku, chaykunawan.

Qheshwa Biblia DC

² Ashkha naciones israelitastaqa yanapanqanku, jallp'ankumantaj pusaponqanku. Chay runastataj israelitasqa Señorpa jallp'ampi kamachisninkupaj jap'enqanku. Chanta israelitasñataj pikunachus ñak'aricherqanku, chaykunata presochanqanku, munayninkupitaj apaykachanqanku, paykunata llakichej kanku chaykunata.

DIOSPA QHELQACHISQAN DEUTEROCANONICAL

² Waj suyukuna israelitakunata yanapanqanku jallp'ankuman kutimpunankupaj. Chay runakunataj Diospa jallp'anpi israelitakunaj wata runanku kanqanku. Chantá israelitakunañataj, pikunachus paykunata ñak'arichejkunata presochanqanku, munayninkutataj paykunawan ruwanqanku, pikunachus israelitakunata llakichej kanku, chaykunawan.

Isaías 14:2 ပူးပေါင်းရင်းမြစ်များ

Esdras 2:65

Wata runakunarí mana paykunawan yupasqachu karqanku. Chay wata runakunataj 7.337 karqanku. Kallarqankutaj 200 takejkuna qharikunamanta, warmikunamanta ima.

Salmos 68:18

18 (19) Diosníy, presochasqakunata apaspa pataman wicharerqanki. Runakuna, jinataj contraykipi oqharikojkunapis tukuy imata waqerqasunku. Kunantaj, Tata Diosníy, paykuna ukhupi tiyakunki.

Isaías 18:7

Chaypacha chay runakunaqa Tukuy Atiyniyoj Tata Diosman t'inkata apamonqanku. Paykuna qaranku k'ancharishaj jatunkaray runakuna kanku, qallariymantapacha tukuypa manchachikunan ayllu, atiyninkuwan tukuyta atipaj. Jallp'ankupitaj ashkha mayu tiyan. Paykunataj t'inkata Sión orqoman apamonqanku, maypichus Tukuy Atiyniyoj Tata Diospa sutinta yupaychanku, chayman.

Isaías 31:8

Chaypachallataj Asiriaqa maqanakupi tukuchisqa kanqa mana runaj espadanwanchu. Asiriokunaqa maqanakumanta ayqenqanku, sumajta maqanakoj wayna soldadonkunapis wata runapaj apasqa kanqanku.

Isaías 45:14

Chantá Tata Dios israelitakunaman nillantaj: Egipto suyumanta campo runakunata, Etiopiamanta ranqherokunata ima kamachinkichej. Jinallataj Sabá cheqamanta jatunkaray runakuna qankunaman k'umuykusonqanku, jinataj wata runaykichej kanqanku. Qhepaykichejta cadenawan watasqa jamonqanku. Ñawpaqeykichejman qonqoriykukuspataj, nisonqachej: Cheqapuni Diosqa qankuna ukhupi kashan, chay Diosmanta jawataj mana waj dios kanchu, nispa.

Isaías 49:22

Ajinata Tukuyta Kamachej Tata Dios nin: Noqa makiyta oqharispa, tukuy suyuman ujta kamachisaj. Wiphalata oqharispa, paykunapaj uj señalta wakichisaj. Chantá churiykikunata marq'ayninkupi apampusonqanku, ususiykikunatapis q'epinkupi apamonqanku.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Isaías 49:25

Tata Diostajrí ninpuni: Presochasqa runaqa kallpayoj soldadoj makinmanta qhechusqa kanqa, presochasqa runapis millay runaj makinmanta kacharichisqallataj kanqa. Qanwan churanakojkunawan noqa churanakusaj, noqa kikiytaj wawaykikunata kacharichisaj.

Isaías 54:3

Ajinata ruway, imaraykuchus lloq'emantaj pañamantaj jatunyanki. Mirayniykeqa waj suyukunaj jallp'ankuta jap'enqanku, saqerasqa ch'in llajtakunapitaj tiyakonqanku.

Isaías 60:14

Chaypachallataj ñak'arichisojkunaj wawankoqa ñawpaqeykipi k'umuykonqanku, pisipaj qhawasojkunapis chakiykiman k'umuykamullanqankutaj. Paykuna sutichasonqanku “Tata Diospa Llajtan”, “Israelpa May Llimphu Kaj Diosninpa Sión Llajtan”, nispa.

Isaías 60:4

Muyuyniykita qhawarikuy. Tukuyninku ujllaman tantaykukuspa, qanman jamonqanku. Churiykikunaqa karu suyukunamanta jamonqanku, ususiykikunataj marq'api apamusqa kanqanku.

Isaías 61:5

Tata Diosqa Israelta nillantaj: Waj llajtayojkuna ovejaykichejkunata michipusonqachej, llank'anaykichejta llank'apusonqachej, jinallataj uva huertaykichejtapis qhawapusonqachej.

Isaías 66:12

Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

Jeremías 30:16

Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Jeremías 49:2

Chayrayku noqa Tata Dios kayta nini: Uj p'unchay chayamonqa, chay p'unchaypitaj Amón suyupi Rabá llajtapi maqanakojkunaj qhaparisqankuta uyarichisaj, chay llajtataj raqayllamanña tukuchisqa kanqa. K'iski ranchonkunapis ninawan ruphaykuchisqa kanqanku. Chaypacha Israel chay llajtankunata watej jap'ikapullanqataj. Ajinata Tata Dios nini.

Ezequiel 39:10

Chayrayku israelitakuna manaña campoman nitaj monteman llant'ata pallamoj renqankuchu. Manachayqa chay armakunata enqhaykonqanku. Paykunamanta ñawpajpi imatachus qhechurarasqanku, chayta chay runakunamanta paykunañataj qhechuranqanku. Ñawpajpi pikunachus israelitakunamanta kapuyninkuta suwasqanku, chaykunamanta paykunañataj suwanqanku. Noqa Tukuyta Kamachej Tata Dios chayta nini.

Daniel (hebreo) 7:18

Chay qhepatarí Patapi Kaj Dios ayllunman kamachina atiyta qonqa, paykunataj wiñaypaj kamachenqanku, nispa.

Joel 3:8

8 (4.8) Churiykichejkunata, ususiykichejkunata ima Judapi tiyakojkunaman vendesaj, paykuna Sabá llajtayojkunamanñataj vendenankupaj, chay karu llajtayojkunaman. Noqa Tata Diosmin chayta nini.

Levítico 25:44

Sichus warmi wata runayoj, chayrí qhari wata runayoj kayta munankichej chayqa, muyuyniykichejpi kaj suyukunamanta rantikunkichej.

Abdías 1:17

Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Zacarías 2:13

13 (17) Tukuy kay pachapi runakuna Tata Diospa ñawpaqenpi ch'in kachunku, imaraykuchus payqa noqanchejman jamun may llimphupaj qhawasqa cheqamanta, maypichus tiyakun, chaymanta.

Zacarías 2:9

9 (13) Chayrayku noqa kikiy contrankuta maqanakusaj, jinataj wata runallankutaj paykunata ch'uskiranqanku. Ajinamanta yachankichej Tukuy Atiyniyoj Tata Dios noqata kachamuwasqanta.

San Lucas 12:45

Chaywanpis ichapis chay mayordomo sonqonpi ninman: Patronneyqa manaraj chayamonqachu, nispa. Chantá kamachi masinkunata maqayta qallarinman, jinallatataj warmi kamachikunatapis. Chantá mikhunman, ujyanmantaj machanankama.

Romanos 15:27

Macedoniamanta chantá Ajayamanta mana judío wawqe panakunaqa, ni pej nisqallan tukuy sonqo chayta ruwarqanku, imaraykuchus mana judío kajkunamanta wawqe panakuna judiokunaman manu jina kanku. Sichus mana judío kajkuna judiokunanejta Diospa saminchasqanta jap'erqanku chayqa, paykunapis kapuyninkuwan judiokunata yanapananku tiyan.

2 Corintios 10:5

Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

Gálatas 5:13

Qankuna wawqe panakuna, Moisespa kamachisqanta junt'anamanta kacharichisqa jina kawsanaykichejpaj wajyasqa kankichej. Chaywanpis kacharichisqa kasqaykichejqa ama juchallinaman aysaj sonqoykichejpa munasqanta ruwanaykichejpajchu kachun. Manachayqa kacharichisqa kasqaykichejrayku munakuspa ujkuna ujkuna yanapanakuychej.

Efesios 4:8

Chayrayku Diospa Qhelqachisqanpi nin: Presochasqakunata paywan khuska apaspa, janaj pachaman wicharerqa, runakunamantaj ruwanapaj atiykunata qorqa, nispa.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.