Isaías 13:9 - DIOSPA QHELQACHISQ

⁹ Tata Diospa p'unchaynenqa manchaytapuni jamushan, chay p'unchaytaj manchay ñak'ariy p'unchay kanqa. K'araj phiñakuytaj kay pachata ch'inpachata saqenqa, tukuy juchasapakunatapis chinkarparichenqa.

Qheshwa Biblia DC

⁹ Señorpa p'unchaynenqa manchaytapuni jamushan, manchay llakiy p'unchay, k'ajaj phiñakuywan k'ajarishaj, jallp'ata ch'impachata saqenampaj, juchasapastapis chinkachinampaj.

DIOSPA QHELQACHISQAN DEUTEROCANONICAL

⁹ Tata Diospa p'unchaynenqa manchaytapuni jamushan, chay p'unchaytaj manchay ñak'ariy p'unchay kanqa. K'araj phiñakuytaj kay pachata ch'inpachata saqenqa, tukuy juchasapakunatapis chinkarparichenqa.

Isaías 13:9 ပူးပေါင်းရင်းမြစ်များ

Salmos 104:35

Juchasapakunarí kay pachamanta chinkachisqa kachunku, mana allinta ruwajkunapis amañapuni kachunkuchu. Noqaqa tukuy sonqoywan Tata Diosta yupaychasaj. Tata Dios yupaychasqapuni kachun.

Proverbios 2:22

Millayta ruwajkunarí kay pachamanta wijch'usqa kanqanku. Wasanchajkunapis chaymanta t'irasqa kanqanku.

Isaías 13:6

Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 34:8

Cheqapuni Tata Diospa vengakunan p'unchay chayamun. Chay watapitaj Tata Diosqa Edomwan pagachikonqa Sionta ñak'arichisqanmanta.

Isaías 63:4

Awqaykunamanta vengakunay p'unchay chayamunña, preciota pagaspa kacharichinay p'unchayqa kaypiña.

Isaías 66:17

Huertapi tukuy llimphuchakojkuna, pikunachus khuchi aychata, juk'ucha aychatapis, ch'ichipaj qhawasqa animalkunatapis mikhunku, chaykunaqa tukuyninku wañuchisqa kanqanku. Ajinata noqa Tata Dios nini.

Isaías 9:19

19 (18) Tukuy Atiyniyoj Tata Diospa phiñakuyninrayku tukuy suyu lawrarishan, runakunataj ninata enqhanapaj llant'a jina kanku. Chaypacha mana pipis runa masinta khuyanqachu.

Ezequiel 13:5

Perqa q'asata qhawaj mana wicharerqankuchu, nitaj perqatapis sayacherqankuchu Israel aylloj muyuyninpi llajtata waqaychananpaj. Tata Diospa p'unchaynin llajtaman chayamojtin, mana imapipis yanaparqankuchu maqanaku p'unchaypi sayananpaj.

Ezequiel 30:3

Chay p'unchay qayllamushanña. Tata Diospa jasut'inan p'unchayqa qayllapiña. Chay p'unchay phuyusqa p'unchay jina kanqa, tukuy suyukunapajtaj jasut'ina p'unchay kanqa.

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Joel 2:1

Sión orqopi putututa waqachiychej. Noqaj ajllakusqay orqopitaj sinch'ita qhapariychej. Judá suyupi tiyakojkuna, tukuyniykichej kharkatitiychej, imaraykuchus Tata Diospa p'unchaynin chayamushanña.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Nahúm 1:2

Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Nahúm 1:8

Chaywanpis imaynatachus yaku junt'aykuspa tukuy imata apakapun, ajinatamin paywan tukuy churanakojkunata picharparenqa. Tukuy awqankunata manchay laqhayaylla qhatirenqa.

Sofonías 1:15

Chay p'unchaypi Tata Diosqa k'arajta phiñakonqa. Llakikuy, phutikuypis kanqa. Thuñina, ch'inman tukuchina p'unchay kanqa. Tutayay, may laqhayaytaj kanqa. Phuyusqa tuti laqhataj kanqa.

Zacarías 14:1

Jerusalén, Tata Diospa p'unchaynin chayamushanña, maypachachus tukuy imayki rak'irasqa kanqa, chaypacha.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

Apocalipsis 18:8

Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.