Isaías 13:8 - DIOSPA QHELQACHISQ

⁸ Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

Qheshwa Biblia DC

⁸ Kharkatiylla junt'aykonqa, llakiywan waqayllawan paykunataqa jap'enqa. Nanaylla, onqoy warmita jina jap'enqa. Sapa uj qhawarinakuspa mancharenqanku, imaraykuchus uyasninku nina jina k'ajarin.

DIOSPA QHELQACHISQAN DEUTEROCANONICAL

⁸ Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

Isaías 13:8 ပူးပေါင်းရင်းမြစ်များ

2 Reyes 19:26

Chaypi tiyakojkunaqa mana imanayta atispa, mancharichisqa, p'enqachisqataj kanku. Paykunaqa pampa qhora jina kanku, q'omer ch'iki jinataj. Wasi patapi wiñaj qhora jina manaraj wiñashaspa ch'akirapunku.

Salmos 48:7

7 (8) Tata Dios, imaynatachus inti llojsimuynejmanta sinch'i wayrawan Tarsispa barconkunata phirerqanki, ajinallataj paykunatapis phirerqanki.

Isaías 26:17

Imaynatachus wijsayoj warmej paqarichikunan chayamojtin, nanaywan mayta q'ewiykachakuspa qhaparikun, ajinallatataj Tata Dios, noqaykupis ñawpaqeykipi karqayku.

Jeremías 13:21

Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Jeremías 30:6

Ujta tapurisqaykichej: Qhareqa atinmanchu wawata paqarichikuyta? Chayta nini, imaraykuchus qharikunata rikuni onqoj warmi jina nanaywan q'ewiykachakojta. Imaraykutaj aya uyapacha kashankuri?

Jeremías 4:31

Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 46:5

Jinapis imatataj rikushaniri? Paykunaqa mayta mancharikuspa kutiripunku. Aswan wapu soldadonkunaqa atipachikuspa, ch'eqeranku, qhepata mana qhawarikuspataj, usqhay usqhayta ayqeranku. Tukuynejpi mancharikuylla tiyan. Noqa Tata Diosmin chayta nini.

Jeremías 48:41

Llajtankuna, chantá sumaj jark'achasqa llajtankunapis awqankoj makinman urmanqanku. Chay p'unchaypi Moabpa soldadonkunaqa kharkatenqanku, imaynatachus paqarichikoj warmi nanaywan kharkatin, ajinata.

Jeremías 49:22

Bosraj contranpi awqanqa oqharikonqa, imaynatachus uj anka oqharikuspa phawan, ajinata. Chay p'unchaypi Edompa soldadonkunaqa kharkatitenqanku, imaynatachus paqarichikoj warmi kharkatitin, ajinata, nispa.

Jeremías 49:24

Damascomanta runakunaqa manaña kallpayoj kaspa, ayqej churakunku. Sinch'i manchariywan atipachikunku ñak'ariywan, nanaywantaj, paqarichikoj warmej nanayninwan jina.

Jeremías 50:43

Babiloniamanta kuraj kamachejrí chayta yachaytawankama, mancharikuywan mana imanakuyta atinchu. Paqarichikoj warmi jina ñak'ariypi, nanaypitaj kashan, nispa.

Jeremías 51:30

Babiloniamanta wapu soldadokunajta manaña maqanakunankupaj kallpanku kanchu. Maqanakuyta saqerparispa, jark'achasqa pakakunallankupiña warmi jina pakaykunku, imaraykuchus wasinkoqa ruphaykuchisqa kashan, llajta punkunkunataj phirisqa.

Ezequiel 20:47

47 (21.3) Neguevman ninki: Uyariy Tata Diospa nisqanta. Tukuyta Kamachej Tata Dios kay jinata nisunki: Noqa qanpi ninata jap'ichisaj, chaytaj qanpi kashanku, chay tukuynin q'omer sach'akunata, chantá ch'aki sach'akunatawan ima ruphaykonqa. Chay nina lawrayqa mana thasnukonqachu, wichaynejmanta uraynejkama tukuy pampata ruphaykonqa.

Oseas 13:13

Israelpaj paqarikunan tiempo chayamun, imaynatachus warmita paqarikunan p'unchay chayamojtin nanay jap'in, ajinata. Paykuna wawa jina mana cheqanchakunkuchu paqarinankupaj, mana paqariyta munasqankurayku.

Joel 2:6

Chayta rikuspa, runakuna kharkatitinku, uyankutaj q'elluman tukun.

Nahúm 2:10

10 (11) Nínive llajtaqa phirisqa, thuñisqa, ch'inpachataj. Mancharikuywan chay llajtayojkunaj sonqonku phatashanña, moqonkupis kharkatitishan. Tukuyninkojta kallpankutaj manaña kanchu. Uyankupis t'ojrapachallaña.

San Juan 16:21

Kayta nisunman: Onqoj warmeqa onqokushaspa ñak'arin. Jinapis wawata paqarichikuytawanñaqa nanayninmanta qonqapun, wawan paqarisqanmanta kusikusqanrayku.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.