Isaías 13:6 - DIOSPA QHELQACHISQ

⁶ Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Qheshwa Biblia DC

⁶ Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

DIOSPA QHELQACHISQAN DEUTEROCANONICAL

⁶ Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Isaías 13:6 ပူးပေါင်းရင်းမြစ်များ

Job 31:23

Noqaqa Diospa jasut'inta mayta manchachikoj kani, chay jina atiyninpa ñawpaqenpi mana oqharikuyta atiymanchu.

Isaías 10:25

Pisi p'unchaykunamantawan qankunapaj phiñakuyniy tiyaykonqa, chay k'araj phiñakuyniywantaj paykunatañataj tukuchisaj.

Isaías 10:3

Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Isaías 13:9

Tata Diospa p'unchaynenqa manchaytapuni jamushan, chay p'unchaytaj manchay ñak'ariy p'unchay kanqa. K'araj phiñakuytaj kay pachata ch'inpachata saqenqa, tukuy juchasapakunatapis chinkarparichenqa.

Isaías 14:23

Llajtankuta yaku qhochiman tukuchisaj, ch'useqakunaj tiyakunankutataj ruwasaj. Chaymantaqa chinkachiy pichanawan paykunata picharparisaj, nispa. Ajinata Tukuy Atiyniyoj Tata Dios nin.

Isaías 14:31

Filisteapi llajtakuna, aullakuychej, nanaywantaj qhapariychej. Manchariywan kharkatitiychej, imaraykuchus wichaynejmanta soldadokuna manchay yana q'oshñi jina jamusunkichej, manataj ni ujpis paykunamanta qhepakunchu.

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 23:1

Tiro llajtaj contranpi Isaías kay jinata nerqa: Tarsismanta barcota purichejkuna, waqaychej, imaraykuchus Tiroj barco sayachina cheqawan, wasinkunawan ima thuñisqa kashanku. Chayrayku barcokuna ni mayman chayanankupaj kanchu. Quitín suyumantapacha chayta willamunku.

Isaías 34:2

Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Isaías 34:8

Cheqapuni Tata Diospa vengakunan p'unchay chayamun. Chay watapitaj Tata Diosqa Edomwan pagachikonqa Sionta ñak'arichisqanmanta.

Isaías 47:11

Chayrayku sinch'i llakiypuni qanta qhatirisonqa, manataj ima layqeriyokunawanpis jark'akuyta atinkichu. Jatun ñak'ariy chayamusonqapuni, manataj chaymanta llusp'iyta atinkichu. Mana yuyashajtillayki, chay tukuy ñak'ariykuna urmaykamusonqa.

Isaías 52:5

Kunanqa imataj kayri? Mana imallamanta aylluyta mana munashajta waj suyuman apanku. Paykunata ñak'arichejkunaqa wapuykachaspa, qhaparqachanku, sapa p'unchaytaj contraytapis rimanku.

Isaías 61:2

Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Isaías 63:4

Awqaykunamanta vengakunay p'unchay chayamunña, preciota pagaspa kacharichinay p'unchayqa kaypiña.

Isaías 65:14

Kamachiykunaqa tukuy sonqowan sumajta takirikonqanku, qankunatajrí sonqo nanayta mana piniyoj jina mayta llakiywan waqankichej.

Jeremías 25:34

Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

Jeremías 49:3

Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

Jeremías 51:8

Jinallaman Babiloniañataj ujllata urmaspa, phirikorqa. Paymanta waqaychej. K'irisqankunapaj jampita apamuychej, ichapis qhaliyapunman.

Ezequiel 13:5

Perqa q'asata qhawaj mana wicharerqankuchu, nitaj perqatapis sayacherqankuchu Israel aylloj muyuyninpi llajtata waqaychananpaj. Tata Diospa p'unchaynin llajtaman chayamojtin, mana imapipis yanaparqankuchu maqanaku p'unchaypi sayananpaj.

Ezequiel 21:12

12 (17) Qantajrí, runaj churin, sonqo nanayta qhapariy, waqaytaj, imaraykuchus kayqa aylluyta wañurachinapaj wakichisqa kashan, tukuy Israelta kuraj kamachejkunapaj ima. Paykunaqa aylluywan khuska juchachasqa kanku wañuchisqa kanankupaj. Chayrayku llakiy nanaywan qhasqoykita takakuy.

Daniel (hebreo) 5:26

Chay qhelqasqa imatachus niyta munasqantaj kay jina: MENE niyta munan: Diosqa kuraj kamachej kanayki p'unchaykunata yupaspa, mayk'ajchus tukukunanta nin.

Daniel (hebreo) 5:9

Chantá kuraj kamachej Belsasar astawanpuni manchachikorqa, uyanpis astawan q'elluyarqa. Paywan kasharqanku, chay kurajkunataj mana yacharqankuchu imatachus ruwanankuta.

Joel 1:11

Chajrata poqochejkuna, uvata poqochejkuna ima, llakisqa waqaychej, imaraykuchus chajra mana kanchu. Manataj kanchu trigo ruthuna, nitaj cebada oqharinapis.

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Joel 1:5

Machasqakuna, rijch'ariychej. Vinota ujyajkuna, waqayta qallariychej, imaraykuchus upi vinoykichejtapis simiykichejmanta qhechusonqachej.

Joel 2:1

Sión orqopi putututa waqachiychej. Noqaj ajllakusqay orqopitaj sinch'ita qhapariychej. Judá suyupi tiyakojkuna, tukuyniykichej kharkatitiychej, imaraykuchus Tata Diospa p'unchaynin chayamushanña.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Amós 5:18

Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Sofonías 1:14

Tata Diospa jatun p'unchaynin qayllamushanña. Qayllapiña kashan, usqhayllatataj jamushan. Tata Diospa p'unchaynenqa waqana p'unchay kanqa. Chay p'unchaypi aswan wapu kajkunapis mancharispa qhaparenqanku.

Sofonías 1:7

Tukuyta Kamachej Tata Diospa ñawpaqenpi ch'inlla kaychej, imaraykuchus Tata Diospa p'unchaynenqa chayamushanña. Tata Diosqa uj jaywanata wakichin, wajyakusqankunapis t'aqasqaña kashanku.

Zacarías 14:1

Jerusalén, Tata Diospa p'unchaynin chayamushanña, maypachachus tukuy imayki rak'irasqa kanqa, chaypacha.

Malaquías 4:5

5 (3.23) Sumajta uyariwaychej: Noqaqa sut'inchaj Eliasta kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj.

Santiago 5:1

Qhapajkuna, kayta allinta uyariychej: Qhaparispa, sonqo nanayta waqaychej, qankunaman sinch'i llakiykuna chayamunanmanta.

Apocalipsis 18:10

Paypa ñak'arichisqanta rikuspa, mancharenqanku, karullapi sayaspataj, nenqanku: Ay, Babilonia jatun llajta, kay jina jatun llakiyman chayanaykiri. Manaraj imapi Diospa jasut'iynin pataykiman urmaykamusorqa, nispa.