Isaías 13:5 - DIOSPA QHELQACHISQ

⁵ Chaykunaqa karu llajtamanta jamunku, kay pachaj k'uchunmantapacha. Chaykunaqa Tata Diospa kachamusqan kanku, paypa k'araj phiñakuyninpi jasut'iwan tukuynin kay pachata tukuchinankupaj.

Qheshwa Biblia DC

⁵ Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

DIOSPA QHELQACHISQAN DEUTEROCANONICAL

⁵ Chaykunaqa karu llajtamanta jamunku, kay pachaj k'uchunmantapacha. Chaykunaqa Tata Diospa kachamusqan kanku, paypa k'araj phiñakuyninpi jasut'iwan tukuynin kay pachata tukuchinankupaj.

Isaías 13:5 ပူးပေါင်းရင်းမြစ်များ

2 Samuel 1:27

Imaynata wapu soldadokuna wañorqanku, maqanakupaj armankupis phirisqa karqa, nispa. Ajinata Davidqa aya takiyta wakicherqa Saulrayku, Jonatanrayku ima.

Isaías 10:5

Tata Dios nin: Asiria, qanqa phiñakuyniypi wajtanay k'aspi kanki, phiñakuspa oqharinay varaytaj.

Isaías 13:17

Noqaqa Medo suyumanta kajkunata Babiloniaj contranta sayarichisaj, pikunachus qolqewan mana lluk'ichikunkuchu, nitaj qoritapis munapayankuchu, chaykunata.

Isaías 24:1

Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

Isaías 26:20

Kunanqa, aylluymanta kajkuna, rispa, wasiykichejman yaykuychej, punkuykichejtataj wisq'akamuychej. Chaypitaj uj pisita pakakuychej Tata Diospa k'araj phiñakuynin tukukunankama.

Isaías 30:27

Tata Diosqa karumantapacha jamushan, k'araj phiñakuynintaj lawrarispa, yanata q'oshñirishan. Simenqa manchay phiñakuywan junt'a kashan, qalluntaj q'olaykoj nina jina.

Isaías 34:2

Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Isaías 48:14

Tukuyniykichej tantakuspa, uyariwaychej: Mayqen diostaj kay imakuna kananmanta sut'incharqari? Noqaj ajllakusqay runaqa wakichisqayta junt'anqa Babiloniaj contranpi, caldeokunaj contrankupiwan.

Isaías 5:26

Tata Dios wiphalata oqharenqa, uj karu suyumanta soldadokuna jamunankupaj. Silbarispataj, wajyanqa kay pachaj aswan karu k'uchunpi kajkunata. Paykunataj imata jina usqhayllata chayamonqanku.

Isaías 66:14

Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

Isaías 7:18

Chaypacha Tata Dios silbarispa, Egipto karu mayukunamanta, chantá Asiriamanta ima soldadokunata wajyanqa. Chaykunataj ch'uspi jina chayrí abeja jina aywirispa muyuykusonqanku.

Jeremías 50:25

Noqa Tata Dios arma jallch'anay wasita kicharispa, k'araj phiñakuyniypa armanta orqhomorqani, imaraykuchus noqa Tukuy Atiyniyoj, Tukuyta Kamachej Tata Dios Babilonia suyupi imatachus ruwanayta junt'asaj.

Jeremías 50:3

Wichaynejmanta uj suyoqa Babiloniaj contranta jamushan, jallp'ankutataj ch'inman tukuchenqanku. Manaña runakuna, nitaj animalkunapis chaypi kawsanqankuñachu. Chay suyumanta tukuy ayqespa riponqanku, nispa.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Jeremías 51:11

Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Ezequiel 22:31

Chayrayku paykunaj patankuman k'araj phiñakuyniyta kachaykamusaj. Jinaspataj, nina lawray jina phiñakuyniywan paykunata chinkachisaj. Millayta ruwasqankuman jina pagachikusaj. Noqa Tukuyta Kamachej Tata Dios ajinata nini.

San Mateo 24:31

Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.