Isaías 13:2 - DIOSPA QHELQACHISQ

² Uj q'ara orqo puntapi maqanakuna wiphalata sayachiychej, chaypitaj maqanakuman yaykunapaj jatunmanta qhapariychej. Makiykichejwan soldadokunata wajyaychej, kurajkunaj punkunkuta yaykunankupaj.

Qheshwa Biblia DC

² Uj q'ara orqo puntapi maqanakuna señalta uyarichiychej, chaypi jatunmanta maqanakupaj qhapariychej, makisniykichejta oqhariychej, kurajkunaj punkusninkuta yaykunankupaj.

DIOSPA QHELQACHISQAN DEUTEROCANONICAL

² Uj q'ara orqo puntapi maqanakuna wiphalata sayachiychej, chaypitaj maqanakuman yaykunapaj jatunmanta qhapariychej. Makiykichejwan soldadokunata wajyaychej, kurajkunaj punkunkuta yaykunankupaj.

Isaías 13:2 ပူးပေါင်းရင်းမြစ်များ

Salmos 60:4

4 (6) Qanta kasukojkunapajrí señalta qorqanki, awqanku arconkuwan flechamusqankumanta ayqenankupaj.

Isaías 10:32

Chay awqakunaqa Nobpi qhepakonqanku, chaymantataj maqanakunankupaj, k'acha Sionpa contranta, Jerusalenpa contrantawan makinkuta oqharenqanku.

Isaías 11:12

Tata Diosqa uj wiphalata señalta jina oqharenqa, karu suyuman apasqa israelitakunatataj ujllaman tantaykonqa. Judá suyumanta ch'eqerasqa kajkunatapis kay pachaj tukuy k'uchunmanta tantamonqa.

Isaías 11:15

Tata Diosqa Egiptopi Puka Mama Qochata ch'akichenqa. Éufrates mayunejman makinta oqharispa, uj sinch'i wayrawan chay mayuta qanchis juch'uychaj mayukunaman t'aqarparenqa, runakuna mana juk'utankuta lluch'ukuspa chimpanankupaj.

Isaías 18:3

Tukuy kay pachapi kaj runakuna, kay jallp'a patapi tiyakojkuna, orqo puntapi wiphalata sayachejtinku, sumajta qhawariychej, cornetata waqachejtinkukamataj, sumajta uyarinkichej.

Isaías 19:16

Chaypacha Egipto llajtayojkunaqa warmi jina manchachikuywan kharkatitenqanku, Tukuy Atiyniyoj Tata Dios paykunaj contrankupi makinta oqharejtin.

Isaías 31:9

Asiriamanta soldadokunaqa sinch'i manchariywan mana kallpayoj rikhurenqanku, kurajninkukunapis maqanakuna wiphalankuta saqerparenqanku mayta manchachikusqankurayku. Tata Dios chayta nin. Sionpi nina lawraynin tiyan, Jerusalenpitaj ruphachina hornon tiyan, chaywan awqankunata ñak'arichinanpaj.

Isaías 5:26

Tata Dios wiphalata oqharenqa, uj karu suyumanta soldadokuna jamunankupaj. Silbarispataj, wajyanqa kay pachaj aswan karu k'uchunpi kajkunata. Paykunataj imata jina usqhayllata chayamonqanku.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Jeremías 50:41

Wichaynejpi karu suyumanta atiyniyoj ashkha soldado jamushanku. Uj jatun suyu, ashkha kuraj kamachejkuna ima kay pachaj k'uchunmantapacha jamunankupaj wakichikushanku.

Jeremías 51:12

Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

Jeremías 51:25

Noqa qanpa contraykipi kashani, atiyniyoj suyu, tukuy kay pachata tukuchej. Ajinata noqa Tata Diosmin nini. Qanpa contraykita makiyta oqharisaj, chhanka patamanta urmachimusunaypaj, ruphachisqa orqoman jinataj tukuchisqayki.

Jeremías 51:58

Babiloniaj phatu perqankuna tukuynin urmachisqa kanqanku, chay chhikachachaj punkunkunapis ruphaykuchisqa kanqanku. Chay llajtata sayarichejkunaqa mayta sayk'uspa, qhasillapaj ruwarqanku, imaraykuchus tukuy ruwasqanku ninallapi ruphasqa tukukonqa. Noqa Tukuy Atiyniyoj Tata Dios chayta nini.