Isaías 13:18 - DIOSPA QHELQACHISQ

¹⁸ Medomanta soldadokunaqa arcowan flechaspa, waynakunata wañurachenqanku. Juch'uy wawakunamantapis mana khuyanqankuchu, nillataj wawakunata wañuchiymantapis llakikonqankuchu.

Qheshwa Biblia DC

¹⁸ Waynasta flechaspa wañurachenqanku, nacesqa wawastapis mana khuyakuspa wañurachenqanku, jatuchaj wawastapis wañurachillanqankutaj.

DIOSPA QHELQACHISQAN DEUTEROCANONICAL

¹⁸ Medomanta soldadokunaqa arcowan flechaspa, waynakunata wañurachenqanku. Juch'uy wawakunamantapis mana khuyanqankuchu, nillataj wawakunata wañuchiymantapis llakikonqankuchu.

Isaías 13:18 ပူးပေါင်းရင်းမြစ်များ

2 Reyes 8:12

Jazaeltajrí payta taporqa: Wiraqochíy, imaraykutaj waqashankiri? nispa. Eliseotaj kuticherqa: Israelitakunata mana allinta ruwaspa ñak'arichinaykita yachaniña: Perqawan muyurichisqa llajtakunata kanaykunki, waynakunata wañuchinki, wawakunatapis ch'allparanki, onqoj warmikunaj wijsankutapis khallaranki, nispa.

2 Crónicas 36:17

Chayrayku Tata Diosqa Caldea suyuta kuraj kamachejtañataj paykunaj contrankupi kachaykorqa. Babiloniamanta soldadokunaqa Diospa Templonpa pationpi waynakunata espadawan wañucherqanku, manataj khuyarqankuchu waynakunata, sipaskunata, machu runakunata, nitaj allin achachikunatapis. Tata Diosqa tukuyninkuta Babiloniaj kuraj kamachejninpa makinman jaywaykorqa.

Salmos 127:3

Wawakunaqa Tata Diospa qosqanmin kanku, warmimanta paqarejtaj may munasqa t'inka.

Isaías 13:16

Chay soldadokunaqa wawakunata tatankoj ñawpaqenpi pampaman ch'allpanqanku. Wasinkumanta tukuy imata suwarakaponqanku, warminkutapis alqochanqanku.

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Isaías 5:28

Flechankoqa sumaj filochasqa kanqa, arconkutaj sumaj mat'isqa. Caballonkoj chaki sillunkunapis rumi jina kanku, carretankoj ruedankutaj muyoj wayraman rijch'akun.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 5:16

Chay runakuna sumajta maqanakojkuna kanku, armankuwantaj wañuchinkupuni.

Jeremías 50:30

Chayraykumin wayna runankuna llajta ukhupi wañusqa urmaranqanku. Maqanakoj tukuy soldadonkunapis chay p'unchaypi wañuchisqa kanqanku. Noqa Tata Diosmin chayta nini.

Jeremías 50:42

Paykunaqa flechanapaj arcoyoj, t'ojsina lanzayoj ima jamushanku. Jinallataj rumi sonqo mana uj chhikan khuyakuyniyoj kanku. Ch'ajwasqankoqa mama qochaj qhollchoqeyasqan jina sonarin, caballopitaj purinku. Ñapis Babiloniaj contranpi maqanakoj yaykunankupajña kashanku.

Jeremías 51:22

Qannejta qharikunata, warmikunatapis wañuchisaj, chantá machu runakunata, waynakunata, jinataj sipaskunatapis wañuchillasajtaj.

Jeremías 6:23

Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Ezequiel 9:10

Chayrayku noqapis paykunamanta mana uj chhikallantapis khuyakusajchu, nitaj paykunata saminchasajchu. Manachayqa mana allin purisqankumanta cuentata mañaspa, ñak'arichisaj, nispa.

Daniel (hebreo) 7:5

Qhepa kaj animalqa jukumariman rijch'akoj phiña animal kasqa. Chay animalqa phawaykunanpaj jina sayashasqa. Siminpi kinsa wajtan tullu achurisqa kashasqa, uyarerqanitaj payman nishasqankuta: Riy, ashkha aychawan sajsamuy, nispa.

Oseas 13:16

Samaria llajtapis jasut'isqa kanqa, Diospa contranta oqharikusqanrayku. Chaypi tiyakojkuna espadawan wañuchisqa kanqanku, wawankupis ch'allpasqa kanqanku, onqoj warmikunapis khallasqa kanqanku.

Nahúm 2:1

1 (2) Nínive llajta, chinkachisojqa contraykipi jamushanña. Chayrayku sumaj jark'achasqa perqakuna pataman soldadoykikunata churay. Ñanta allinta qhaway. Mat'ita espadaykitapis wataykukuy, Tukuy soldadoykikunata tantaykuy.

Nahúm 3:10

Chaywanpis Tebas llajtapi tiyakojkuna apasqa karqanku, wawankukunataj calle esquinapi ch'allpasqa karqanku. Awqankukunaqa jatunpaj qhawasqa runakunata wata runa jina jap'ikapunankupaj suerteta choqarqanku, kurajninkukunataj cadenawan ch'ipasqa karqanku.