Isaías 12:5 - DIOSPA QHELQACHISQ

⁵ Chay jina may k'achitu ruwasqanmanta Tata Diosta yupaychaychej, chaytataj kay pachapi kaj chhika runakuna yachachunku.

Qheshwa Biblia DC

⁵ Señorman takiychej, imaraykuchus payqa sumaj imasta ruwan; chaytataj tukuy mundontimpi runas yachachunku.

DIOSPA QHELQACHISQAN DEUTEROCANONICAL

⁵ Chay jina may k'achitu ruwasqanmanta Tata Diosta yupaychaychej, chaytataj kay pachapi kaj chhika runakuna yachachunku.

Isaías 12:5 ပူးပေါင်းရင်းမြစ်များ

Salmos 105:2

Payta yupaychaspa takiychej, tukuy t'ukuna ruwasqanmantataj parlaychej.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Salmos 98:1

(1b) Tata Diosman uj mosoj takiyta takiychej, manchayta t'ukunata pay ruwasqanrayku. Payqa sinch'i kallpanwan, sinch'i atiyninwan ima tukuy awqankunata atipan.

Éxodo 15:1

Chantá chay qhepata Moiseswan, israelitakunawan ima kay takiyta Tata Diosman takerqanku: Tata Diosman takisaj, imaraykuchus payqa t'ukunata atipaykuspa, caballopi rejkunata, caballontinta mama qochaman p'ultiykun.

Éxodo 15:21

Mariataj ajinata takerqa: Takiychej Tata Diosta jatunchaspa, imaraykuchus payqa awqankunata atipasqata atipan. Mama qochaman carretakunata, caballopi rejkunata ima p'ultiykun, nispa.

Isaías 24:14

Chaywanpis chay ñak'ariymanta puchojkuna manchay kusiywan jatunmanta qhaparenqanku. Tata Diospa may jina jatun kayninta rikuspa, inti yaykuynejmantapacha takenqanku.

Isaías 40:9

Sión llajta, sumaj willaykunata apamoj, orqo pataman wichariy. Jerusalenman sumaj willaykunata apamoj, mana manchachikuspa, jatunmanta qhapariy. Judá suyupi llajtakunaman chay jinata willay: Diosniykichej chayamushanña, nispa.

Isaías 42:10

Tata Diosman mosoj takiyta takiychej. Kay pachaj aswan karu k'uchunmantapacha payta yupaychaychej. Mama qochapi barcota purichejkuna, chay qochapi kawsajkuna ima payta yupaychaychej. Jinallataj mama qocha chawpipi kaj churukunapis, chaypi tiyakojkuna ima yupaychallaychejtaj.

Isaías 42:11

Ch'innejpi llajtakuna, jatunmanta takiychej, Cedarpi ranchokuna ima. Selapi tiyakojkunapis, kusiywan takirikuychej. Tukuy orqo patamanta may kusiywan qhaparimuychej.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Habacuc 2:14

Chaypachataj kay pachaqa Tata Diospa jatun kayninmanta yachaywan junt'a kanqa, imaynatachus mama qochaman yaku junt'aykun, jinata.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Apocalipsis 15:3

Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.