Isaías 12:2 - DIOSPA QHELQACHISQ

² Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Qheshwa Biblia DC

² Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

DIOSPA QHELQACHISQAN DEUTEROCANONICAL

² Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 12:2 ပူးပေါင်းရင်းမြစ်များ

2 Samuel 7:24

Qan churarqanki Israelta wiñaypaj aylluyki kananpaj, Tata Diosnin kanaykipajtaj.

Job 13:16

Ichapis chayrayku qhespichisqa kasaj, imaraykuchus paypa ñawpaqenman millayta ruwaj runaqa mana yaykuyta atinchu.

Salmos 112:8

Tukuy sonqo sinch'ita atinikusqanrayku, mana ni imata manchachikuspa kawsanqa, awqankunata atipasqata rikunankama.

Salmos 118:14

Chayrayku kallpachawaj Tata Diosman noqa takini. Paymin qhespichiwajneyqa.

Salmos 118:21

Pachis niyki, Tata Dios, uyariwasqaykimanta, qhespichiwasqaykimanta ima.

Salmos 27:1

(1b) Tata Diosqa k'anchawajniy, qhespichiwajniytaj. Pimantataj manchachikusajri? Tata Diosqa kallpachawajniy, tukuy mana allin kajmanta jark'akuwajniy ima. Imajtintaj imatapis manchachikuyman kasqari?

Salmos 65:6

6 (7) Qanqa kallpawan chumpiykukuspa, jatun atiyniykiwan orqokunata sayachinki.

Salmos 68:20

20 (21) Diosninchejqa qhespichej Diosmin. Tukuyta Kamachej Tata Diosllamin wañuypa atiyninmanta kacharichiyta atiwanchej.

Salmos 68:21

21 (22) Diosninchejqa awqankunaj umankuta p'altanqa, pikunachus juchallispallapuni purinku, chaykunajta.

Salmos 83:18

18 (19) Chantá tukuyninku qanlla Tata Dios kasqaykita yachanqanku, kay pachapi qanllamin Patapi Kaj Dios kasqaykita ima.

Éxodo 15:2

Tata Diospaj takipusaj. Payqa kacharichiwajniy, kallpata qowajtaj. Paymin Diosneyqa, payta yupaychasaj. Payqa tataypa Diosnin, payta jatunchasaj.

Isaías 10:24

Chayrayku Tukuy Atiyniyoj Tata Dios ajinata nin: Sionpi tiyakoj ayllúy, Asiria runakunamanta ama manchachikuychu. Paykunaqa qanpa contraykipi varankuta oqharenqanku, imaynatachus Egipto runakuna k'aspiwan wajtasorqanku, ajinata.

Isaías 17:10

Ajina kanqa, imaraykuchus qanqa kacharichisoj Diosmanta qonqaporqanki, manataj waqaychasoj Diosniykimanta yuyarikorqankichu. Astawanpis qanqa sumaj uva sach'akunata mallkerqanki, waj dioskunata yupaychanaykipaj.

Isaías 27:5

Sichus pipis chaymanta waqaychasqa kayta munanman chayqa, noqawan allinyakuchun. Arí, noqawan allinpi kawsakuchun, nispa.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 38:20

Tata Dios qhaliyachiwanqa. Chayrayku Tata Diospa Templonpi sapa p'unchay arpata tocaspa takinachej tukuy kawsayninchejpi, nispa.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 49:5

Tata Diosqa mamaypa wijsanmantapacha kamachin kanaypaj ajllakuwarqa, Jacobpa ayllunta payman kutirichinaypaj, paywan ujlla kanankupajtaj. Tata Diosllataj allinpaj qhawasqata ruwawan, jinallataj kallpachawan.

Isaías 50:10

Qankunamanta mayqenpis Tata Diosta manchachikoj kanmanchu? Diospa kamachinpa parlasqanta kasukoj kanmanchu? Laqhayaypi purejkuna, ni ima k'anchayta rikojkuna, Tata Diospi atinikuychej, paymantataj jap'ikuychej.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 62:11

Tata Dios tukuy kay pachapi kajkunaman nin: Sionpa ususinta niychej: Qhawariy, kacharichisojniyki t'inkan aparisqa jamushan, imatachus wakichisqanwan oqharisqa ima, nispa.

Isaías 65:18

Qankuna maytapuni wiñaypaj kusikunkichej chayta ruwasqayrayku. Jerusalenta jatunta kusikunapaj ruwasaj, jinallataj chaypi tiyakoj runakuna kusikunankupaj.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Daniel (hebreo) 3:28

Chantá kuraj kamachej Nabucodonosor jatunmanta qhaparerqa: Yupaychasqa kachun Sadracpata, Mesacpata, Abednegojpatawan Diosninku, pichus angelninta paykunata waqaychananpaj kachamorqa, chay. Kuraj kamachej kajtiypis, kamachisqayta mana kasorqankuchu. Aswanpis wañuyta mana manchachikuspa, Diosninkumanta jawa waj diosman manapuni k'umuykorqankuchu nitaj yupaycharqankuchu.

Oseas 1:7

Judá suyumantarí khuyakusaj. Tata Diosninku jina noqa paykunata kacharichisaj mana maqanakuwanchu, nitaj flechawanchu, nitaj espadawanchu, nillataj caballokunapi purejkunawanchu, nispa.

Joel 2:23

Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Jonás 2:9

9 (10) Noqatajrí qanta yupaychaspa, q'olachinapaj uywa ñak'asqata jaywasqayki, imatachus ruwasaj nisusqaytapis junt'asajpuni. Qanllamin, Tata Dios, qhespichiwayta atinki, nispa.

Romanos 1:16

Noqaqa Jesuspa sumaj willayninmanta mana p'enqakunichu, imaraykuchus Jesuspa sumaj willayninnejta Dios yachayta qowanchej atiyniyoj kasqanta paypi tukuy atinikojkunata qhespichinanpaj, ñawpajta judiokunata, jinallataj mana judiokunatapis.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Apocalipsis 7:10

Paykunaqa sinch'ita qhaparispa, nerqanku: Kamachina tiyanapi tiyashaj Diosninchej, chantá Cordero ima qhespichiwanchej, nispa.

1 Samuel 2:1

Chantá Ana Dioswan parlarikuspa, kay jinata nerqa: Tata Diosníy, tukuy sonqoymanta kusikushani, imaraykuchus qanllamin mosoj kallpata qowanki. Chejnikuwajkunaman kutichikuyta atini. Qan yanapawasqaykirayku kusisqa kashani.