Isaías 12:1 - DIOSPA QHELQACHISQ

¹ Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Qheshwa Biblia DC

¹ Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

DIOSPA QHELQACHISQAN DEUTEROCANONICAL

¹ Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 12:1 ပူးပေါင်းရင်းမြစ်များ

Nehemías 8:10

Chantá Nehemías nillarqataj: Riychej, allin mikhunata mikhukamuychej, upi vinotataj ujyarikamuychej. Wajchakunamantaj mikhunaykichejmanta jaywariychej, imaraykuchus kay p'unchayqa Tukuyta Kamachej Diospaj t'aqasqamin. Ama llakikuychejchu, imaraykuchus kusichisoj Tata Diosniykichej kallpachasonqachej, nispa.

Job 11:16

Tukuy ñak'ariyniykimanta qonqapunki, pasarparej yakuta jina qonqapunki.

Job 13:16

Ichapis chayrayku qhespichisqa kasaj, imaraykuchus paypa ñawpaqenman millayta ruwaj runaqa mana yaykuyta atinchu.

Salmos 30:5

5 (6) Tata Dios phiñakun chaypis, mana unaypajchu, k'acha kaynintajrí wiñaypaj kallanpuni. Sichus tutan waqasunman chaypis, sut'iyayta kusiymanta phinkirisunchej.

Salmos 71:21

Qanqa astawanraj jatunchawanki, uj kutitawanraj sonqochallawankitaj.

Salmos 85:4

4 (5) Qhespichiwajniyku Dios, kunan ujtawan ñawpajta kasqaykuman kutichiwayku ari, amañataj noqaykupaj phiñasqa kaychu.

Salmos 86:17

Noqawan k'acha kasqaykimanta señalta rikuchiway. Chayta rikuspa, chejnikuwajkuna p'enqachisqa kanqanku, imaraykuchus qan, Tata Dios, sonqochawanki, yanapawankitaj.

Salmos 9:1

1 (2) Tata Dios, tukuy sonqoywan yupaychasqayki, t'ukunata ruwasqaykimantapis parlasaj.

Isaías 10:25

Pisi p'unchaykunamantawan qankunapaj phiñakuyniy tiyaykonqa, chay k'araj phiñakuyniywantaj paykunatañataj tukuchisaj.

Isaías 10:4

Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 11:16

Ajinamanta Tata Dios allin ñanta wakichenqa ayllunmanta puchojkuna Asiriamanta kutiripunankupaj, imaynatachus israelitakuna Egiptomanta llojsimunankupaj ruwarqa, ajinata.

Isaías 14:3

Israel ayllu, maypachachus Tata Dios samarikuyta qosonqachej chay jinata ñak'arisqaykichejmanta, jinallataj phutikusqaykichejmanta chantá chay jina sinch'i ruwaymanta ima chaypacha,

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Isaías 25:1

Tata Dios, qanmin Diosniy kanki. Sutiykita pataman oqharispa jatunchasqayki, yupaychasqaykitaj, imaraykuchus qanmin t'ukuna imakunata ruwarqanki. Chaykunata unaymantapacha wakicherqanki, kunantaj chayta junt'arqanki.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 26:1

Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 54:7

Noqa mana unaytachu saqerparerqayki. Chaywanpis jatun khuyakuyniywan jap'ikapullasqaykitaj.

Isaías 54:8

K'araj phiñakuyniypi mana unaytachu qanmanta pakakorqani. Chaywanpis wiñay munakuyniywan qanta khuyasqayki. Ajinata qhespichisoj Tata Dios nin.

Isaías 54:9

Kunan Noejpa p'unchayninpi jina ruwallasajtaj. Chaypacha tiluspa nerqani manaña jayk'ajpis yaku tukuynin kay pachata p'ampananta. Ajinata kunanqa tiluspa nini manaña jayk'ajpis ujtawan qanpaj phiñakunayta, manañataj jasut'isqaykichu.

Isaías 60:10

Waj llajtayojkuna perqaykita ruwapusonqanku, kuraj kamachejninkupis munasqaykita ruwanqanku. Noqa phiñakuspa ñak'aricherqayki chaypis, kunanqa khuyakoj kasqayrayku qanmanta khuyakusqayki.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 64:5

Qanqa allinpaj qhawanki, pikunachus cheqan kajta kusiywan ruwanku, chaykunata, pikunachus yachachisqaykita qhatinku, chaykunatapis. Chaywanpis qan juchallikusqaykumanta phiñakorqanki, imaraykuchus unaymantapacha contraykita oqharikuyku. Ajinata ruwashaspapis, yuyaykumanchu qan qhespichinawaykuta?

Isaías 65:18

Qankuna maytapuni wiñaypaj kusikunkichej chayta ruwasqayrayku. Jerusalenta jatunta kusikunapaj ruwasaj, jinallataj chaypi tiyakoj runakuna kusikunankupaj.

Isaías 66:13

Imaynatachus mamaqa wawanta sonqocharin, ajinallatataj noqapis qankunata sonqocharisqaykichej. Sonqochasqa kaytaqa Jerusalenpi tarinkichej, nispa.

Jeremías 30:19

Chaypi pachis nispa takiykuna uyarikonqa, kusikuymanta asiykunapis uyarikullanqataj. Noqa paykunata ashkhayachisaj, manañataj pisiyanqankuchu. Mana pipis paykunata pisipaj qhawanqachu, imaraykuchus noqamin paykunata jatunpaj qhawasaj.

Jeremías 31:13

Chaypacha sipaskunaqa kusiymanta tusurenqanku, jinallataj waynakuna, machu runakunapis. Chantá noqaqa waqayninkuta kusiyman tukuchisaj. Llakikuyninkumantataj sonqochaspa, paykunata kusichisaj.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Zacarías 1:16

Chayrayku noqa Tata Dios nini: Noqaqa Jerusalenmanta watej khuyarikusaj. Temploypis watej sayarichisqa kanqa, nispa.

Zacarías 14:20

Chay p'unchayllapitaj caballokunaj campanillanpi kay jina qhelqasqa kanqa: “Tata Diospaj T'aqasqa”, nispa. Chantá Templopi mankakuna, altarpa ñawpaqenpi kashanku, chay vasokuna ima Tata Diospaj t'aqasqallataj kanqanku.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Zacarías 8:11

Kunantajrí kutimoj israelitakunawan manaña ñawpajta jinachu kasaj, nispa noqa Tukuy Atiyniyoj Tata Dios nini.

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

Romanos 11:15

Sichus paykuna qhesachasqa kasqankurayku Diosqa tukuy runata qhespichiyta munarqa chayqa, judiokuna Diosman kutirikojtinku, imayna kusiypunitaj kanqari? Chayqa wañusqamantañapis kawsarimuy jina kanman.