Isaías 11:9 - DIOSPA QHELQACHISQ

⁹ Tata Diospaj t'aqasqa orqopeqa mana ima millaytapis ruwanqankuchu, imaraykuchus tukuy kay pacha Tata Diosta rejsej runakunawan junt'a kanqa, imaynatachus mama qochaman yaku junt'aykun, ajinata.

Qheshwa Biblia DC

⁹ Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

DIOSPA QHELQACHISQAN DEUTEROCANONICAL

⁹ Tata Diospaj t'aqasqa orqopeqa mana ima millaytapis ruwanqankuchu, imaraykuchus tukuy kay pacha Tata Diosta rejsej runakunawan junt'a kanqa, imaynatachus mama qochaman yaku junt'aykun, ajinata.

Isaías 11:9 ပူးပေါင်းရင်းမြစ်များ

Job 5:23

Jallp'ayki rumiraralla kajtinpis, chajra poqonanta mana jark'anqachu, k'ita animalkunapis kawsaqeykikuna kanqanku.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Salmos 78:54

Chantá payqa ayllunta ajllakusqan jallp'aman pusarqa, mayqentachus pay atiyninwan jap'erqa, chay orqokunaman.

Isaías 11:13

Efraín suyoj munapayasqanqa tukukonqa, Judá suyoj awqankunapis chinkachisqa kanqanku. Efraín suyuwan Judá suyuwan manaña jap'inakonqankuchu.

Isaías 11:8

Ñuñoj wawaqa katarej jusk'un patapi pujllaspa mana imanakonqachu, ñuñumanta p'itisqa wawapis nina katarej puñunanman makinta sat'illanqataj.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

Isaías 32:16

Ch'innejpi tukuy ima cheqan ruwaylla kanqa, sumajta poqoj jallp'akunapipis justicia ruwayllapuni kanqa.

Isaías 33:6

Paymin allin kawsayta qosunkichej, jinallataj yachayta, yuyayta qosonqachej, chantá kacharichillasonqachejtaj. Tata Diosta may jatun respetowan qhawayqa may jina valorniyojpuni.

Isaías 35:9

Chaypeqa mana leonkuna kanqachu, nitaj phiña k'ita animalkunapis chaynejta purenqankuchu. Manachayqa chay ñannejta, pikunatachus Tata Dios preciota pagaspa kacharicherqa, chaykunalla kutimponqanku.

Isaías 45:6

Ajinamanta inti llojsimuynejmanta inti yaykuynejkama tukuy yachanqanku noqamanta jawa mana waj dios kasqanta. Noqamin Tata Dios kani, manataj waj dios kanchu.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Isaías 59:19

Inti yaykuynejpi tiyakojkunaqa Tata Diosta manchachikonqanku. Jinallataj inti llojsimuynejpi tiyakojkunapis Tata Diosta jatunchanqanku, imaraykuchus payqa ashkha mayu yaku jina manchayta llump'irimonqa, sinch'i wayraj apamusqan.

Isaías 65:25

Atojwan, ovejawanqa khuska mikhonqanku. Leonqa waka jina ichhuta mikhonqa. Kataritaj ñut'u jallp'ata mikhonqa. Chay ajllakusqay orqopeqa manaña pipis aylluyta llakichenqachu, manañataj pipis paykunata ñak'arichenqankuchu, nispa. Ajinata Tata Dios nin.

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Isaías 66:20

Paykunallataj tukuy suyumanta tukuy aylluykichejta pusamonqanku, uj jaywanatapis Tata Diosman apamushankuman jina. Caballokunapi, carretakunapi chayamonqanku, wantunapi, mulakunapi, camellokunapi ima, Jerusalén ajllakusqay orqoyman. Ajinata noqa Tata Dios nini. Imaynatachus israelitakuna jaywanata apamunku Tata Diospa Templonman llimphu vasokunapi, kikillantataj aylluykichejta pusampusonqachej.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Ezequiel 34:25

Chantá allin kawsay tratota paykunawan ruwasaj. Suyunkumantaqa tukuy phiña animalkunata chinkachisaj, ovejaykuna mana imamanta manchachikuspa ch'in pampapi tiyakunankupaj, montepipis puñukunankupaj.

Ezequiel 47:5

Jinallataj uj 500 metrotawan miderqa, chay kutipitaj uj jatun mayuña karqa mana chimpay atina. Mayoqa may ukhu wayt'aspa chimpanapaj jinaña karqa.

Daniel (hebreo) 11:45

Chay kuraj kamachejqa toldonkunata sayaykuchenqa, mama qochawan, Diospaj t'aqasqa orqowan, chay chawpipi. Chaypitaj wañunan p'unchay chayamonqa, manataj pipis payta yanapaj kanqachu.

Daniel (hebreo) 12:4

Qantajrí Daniel, kay imakunata sonqollaykipi jap'iy, tukukuy p'unchay chayamunankamataj chay p'anqata sellaykuy. Ashkha runakuna kayman jaqayman phawarenqanku, tukuy imamanta astawan yachayta munaspa, nispa.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Joel 3:17

17 (4.17) Chaypacha qankuna yachankichej, noqa Tata Diosniykichej t'aqakusqay Sión orqopi tiyakusqayta. Jerusalenqa noqapaj t'aqakusqay llajta kanqa, manañataj jayk'ajpis waj llajtayojkuna jap'enqankuchu.

Habacuc 2:14

Chaypachataj kay pachaqa Tata Diospa jatun kayninmanta yachaywan junt'a kanqa, imaynatachus mama qochaman yaku junt'aykun, jinata.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Zacarías 8:3

Chayrayku Sionman kutisaj, Jerusalenpitaj tiyakapusaj. Chaypacha Jerusalenqa Cheqanta Purej Llajta nisqa kanqa. Tukuy Atiyniyoj Tata Diospa orqontaj Diospaj T'aqasqa Orqo nisqa kanqa, nispa.

1 Tesalonicenses 5:15

Ama pipis sajrata ruwajman sajrallatataj kutichichunchu. Aswanpis qankuna ukhupi, jinataj tukuypajpis allin kajta ruwanaykichejpaj atisqaykichejta ruwaychej.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.